trollkhmer news

កម្សាន្ត

Kimmy Kimberley ពិតជាស្រស់ស្អាត ក្នុងការបង្ហាញខ្លួននូវឈុតសម្លៀកបំពាក់ម៉ាកប្រ៊េនដ៏ល្បី នៅឯប្រទេសសិង្ហបុរី!

ថ្ងៃទី ១៦ ខែ មិថុនា ឆ្នាំ ២០១៧ ម៉ោង ១០:២២

តារាថៃ៖ នាពេលថ្មីៗ តារាសម្តែងស្រី កញ្ញា Kimmy Kimberley បានមានឱកាសជាលើកដំបូង ទៅប្រទេសសិង្ហបុរី ដើម្បីធ្វើការចូលរួមការសម្ភោធហាង របស់ក្រុមហ៊ុន Fendi ដែលជាប្រេនដ៏ធំនិងល្បីមួយ ផងដែរ។ក្នុង​កម្មវិធីនោះ​ដែរ សង្កេតឃើញ​ថា មាន​ភ្ញៀវ​កិត្តិយស​ល្បី​ៗ​បាន​ចូលរួម​ជាច្រើន ក្នុងការបង្ហាញវត្តមានរបស់តារាស្រីរូបនេះ នៅសិង្ហបុរី ។ ហើយក្នុងលើកនេះដែរ សម្រាប់តារាស្រីរូបនេះ នាងបានបង្ហាញខ្លួន ជាមួយនឹងសម្លៀកបំពាក់ដ៏ស្រស់ស្អាត និងមើលទៅមានភាពថ្លៃថ្នូរខ្លាំងបំផុត ទាំងឈុតសម្លៀកបំពាក់ និងស្បែកជើងដ៏ប្លែកទាក់ទាញ របស់ប្រ៊េន FENDI មួយនេះ៕ ហើយខាងក្រោមនេះជារូបថតស្អាតៗ របស់Kimmy Kimberley ក្នុងឈុតសម្លៀកបំពាក់ របស់ប្រ៊េន FENDI ៖

ឱក សុគន្ធកញ្ញា ទោះខ្លួនរវល់ខ្លាំងយ៉ាងណា ក៏នៅតែឆ្លៀតមក Surprise ចាន់ កែវនិមល ដែរ ធ្វើបែបនេះអ្នកណាមិនរំភើបនោះ!

ថ្ងៃទី ១៦ ខែ មិថុនា ឆ្នាំ ២០១៧ ម៉ោង ០៩:២៥

តារាខ្មែរ៖ កាលពីប៉ុន្មានថ្ងៃមុននេះ កំពូលតារាចម្រៀងស្រីដ៏ល្បី កញ្ញា ឱក សុគន្ធកញ្ញា និងក្រុមការងារជាច្រើននាក់ទៀត បានឆ្លៀតពេលវេលា មកSurprise នំកំណើត នៅខាងក្រោយឆាក ឲ្យពិធីការិនីឆ្នើមប្រចាំ ទូរទស្សន៍ ហង្សមាស អ្នកនាង ចាន់ កែវនិមល ដែលធ្វើឲ្យអ្នកនាងរំភើបចិត្តជាខ្លាំង។នៅក្នុងនោះផងដែរ បើតាមការឲ្យដឹងតាមរយៈ ការបង្ហោះរូបភាព នៅក្នុងបណ្ដាញសង្គមរបស់ពិធីការិនីរូបនេះ បានសរសេរជាសារ ពីខាងលើថា៖  "អរគុណអូនៗពិតជារំភើប និងភ្ញាក់ផ្អើលណាស់ ព្រោះម្នាក់ៗសុទ្ធតែរវល់រៀងខ្លួន តែឆ្លៀត Surprise បងទៀត "។ហើយនេះគឺជារឿងដ៏កម្រ និងបានឃើញ ព្រោះថាតារាចម្រៀងស្រីរូបនេះ កម្រនិងធ្វើការ Surprise ខួបកំណើតឲ្យអ្នកណាម្នាក់ណាស់ ក្រៅពីសមាជិកក្នុងក្រុមគ្រួសាររបស់ខ្លួន និងមនុស្សដែលជិតដិតខ្លាំងបំផុតតែប៉ុណ្ណោះ។ អាចនិយាយបានថា ពិធីការិនីឆ្នើម អ្នកនាង ចាន់ កែវនិមល គឺអ្នកទាំងពីរពិតមានការស្និតស្នាលគ្នាជាខ្លាំង ទើបបានជាធ្វើឲ្យនាងរំភើបបែបនេះ៕ 

កូរខ្លាំង! សុខ សុម៉ាវត្តី លើកនេះលេងរាំត្រាប់តាមនិសិ្សតITនៅកន្លែងថតកុនតែម្តង (មានវីដេអូ)​

ថ្ងៃទី ១៥ ខែ មិថុនា ឆ្នាំ ២០១៧ ម៉ោង ១៧:០៧

តារាខ្មែរ៖  តារាសម្ដែងស្រីអ្នកនាង សុខ សុម៉ាវត្តី នាពេលថ្មីៗនេះ តារាស្រីរូបនេះ បានកំពុងតែថតសម្តែងជាតួឯកស្រី នៅក្នុងរឿង “លោកយាយកំពូលស្នេហ៌” ជាមួយនឹងលោក ជា វណ្ណារិទ្ធ ហើយសម្រាប់រឿងភាគថ្មីរបស់អ្នកទាំងពីរ ក៏នឹងគ្រោងចាក់បញ្ជាំងនាពេលឆាប់ៗនេះ ផងដែរ។ នៅក្នុងនោះដែរ ក្រោយពីបានថតបញ្ចប់នៃខ្សែភាពយន្តថ្មីនេះរួចមក តារាស្រីរូបនេះ ការបានធ្វើការបង្ហោះវីដេអូឃ្លីបខ្លីមួយ នៅក្នុងនោះ ឃើញថា រូបនាង និងក្រុមការងារបានរាំធ្វើត្រាប់តាមនិស្សិតIT ដែលជាក្បាច់រាំកំពុងតែល្បីកក្រើកពោសពេញបណ្តាញសង្គម នាពេលកន្លងមកនេះដែរ។នេះបើយោងទៅតាម ការសរសេរជាសារ ជាមួយនឹងវីដេអូឃ្លីប នៅក្នុងបណ្ដាញសង្គមរបស់នាង បានបង្ហាញឲ្យដឹងថា ៖ "តាមគេតាមឯង ទោះបីចប់រឿងក៏ដោយប៉ុន្តែការចងចាំល្អៗ មាននៅក្នុងចិត្តយេីងរហូត អគុណ បងប្រុស ហ៊ុយ វាសនា នឹងក្រុមការងារ រឿង លោកយាយកំពូលស្នេហ៌ ដែលបានផ្តល់ភាពកក់ក្តៅ នឹងស្នាមញញឹម រឿង លោកយាយកំពូលស្នេហ៌ ឆាប់ៗនេះ BayonTV"៕ទស្សនាវីដេអូខាងក្រោមនេះ៖ 

មកមើលរូបភាព របស់តារាសម្ដែងប្រុស Nadech និងកញ្ញា YaYa ដែលកំពុងថតរឿងភាគថ្មី នៅប្រទេសស្វីស!

ថ្ងៃទី ១៥ ខែ មិថុនា ឆ្នាំ ២០១៧ ម៉ោង ១៥:២៩

តារាថៃ៖ មួយរយៈក្រោយមកនេះ សង្កេតឃើញថា តារាសម្ដែងស្រីវ័យក្មេង Yaya Urassaya និងតារាសម្ដែងប្រុសរូបសង្ហា Nadech Kugimiya ដែលអ្នកទាំងពីរ នៅពេលនេះកំពុងតែមានការ សម្ដែងខ្សែភាពយន្តភាគថ្មីជាមួយគ្នា មានចំណង​ជើង​ថា​ “The Crown Princess”  ដែល​ជា​រាជ​​ទាយាទ​ទី១​ រាជវង្ស​ Harrisort ជា​ស្នាដៃ​ដឹកនាំ​រឿង​ដោយ​ តារា​សម្ដែង​ស្រី​ជើងចាស់​ Ann Thongprasom នៅឯប្រទេសស្វីស នាពេលថ្មីៗកន្លងមកនេះ។ ហើយខាងក្រោមនេះ គឺជារូបភាពជាច្រើនសន្លឹក ដែលបានបង្ហាញពីសកម្មភាពនៅក្នុងការថតសម្ដែងរបស់តារាប្រុសស្រីទាំងពីរដួងនេះ នៅទីនោះ៕  

Jay Park ត្រូវបានអ្នកប្រើប្រាស់បណ្តោញសង្គម ប្រកាន់ជាតិសាសន៍លើរូបគេ បន្ទាប់ពី NBA បង្ហោះរូបមួយសន្លឹក

ថ្ងៃទី ១៥ ខែ មិថុនា ឆ្នាំ ២០១៧ ម៉ោង ១៤:៣៦

សហពន្ធ័បាល់បោះ NBA បានបង្ហោះរូបថតរបស់លោក Jay Park នៅ Quicken Loans Arena ក្នុងទីក្រុង Cleveland ។ កាលពីថ្ងៃទី 14 ខែមិថុនា មានមនុស្សជាង ២,៧០០ បានបញ្ជេញមតិទៅលើរូបថតមួយសន្លឹក របស់តារាប្រុសរូបនេះ។ ភាគច្រើននៃអ្នកបញ្ជេញមតិដែលហាក់ដូចជាមិនបានស្គាល់ K-Pop នឹងបានបង្ហាញអំពីការប្រកាន់ជាតិសាសន៍និងតារាចម្រៀង Rap រូបនេះ។ ដោយពួកគេបានបញ្ជេញមតិជាសួរសំណួរដូចជា "គាត់គឺជាបងប្អូនជីដូនមួយរបស់លោកគីមជុងអ៊ុន? '', "តើនរណាខ្វល់អំពី Kpop?", "តើនរណាជា Kpooop នេះ?"ទន្ទឹមនឹងនេះដែរ មតិមួយចំនួនបានការពារលោក Jay Park ដោយពន្យល់ នឹងបង្ហាញពីភាពជោគជ័យជាច្រើនរបស់គាត់ដែលជាសិល្បករ K-Pop ។លោក Jay Park ជាជនជាតិកូរ៉េ និងតារាចម្រៀង រ៉េប,RnB។ គួររំលឹកផងដែរថា តារារូបនេះជានាយកប្រតិបត្តិ នៃស្លាកយីហោ ហ៊ីបហបឯករាជ្យផ្ទាល់ខ្លួនរបស់គាត់ AOMG ផងដែរ។ អ្នកគាំទ្រម្នាក់បានបញ្ជេញមតិដូចនេះ៕

តារាកូរ៉េល្បីៗកំពូលៗចាត់ទុកខុនដូដ៏ប្រណិតនេះជាផ្ទះរបស់ពួកគេ

ថ្ងៃទី ១៥ ខែ មិថុនា ឆ្នាំ ២០១៧ ម៉ោង ១៣:៣៣

តារាកូរ៉េកំពូលៗជាច្រើនបានចាត់ទុកខុនដូ Hanwha Galleria Foret ជាផ្ទះរបស់ពួកគេ។ ខុនដូដ៏ប្រណីតនេះ មានទីតាំងស្ថិតនៅភាគខាងកើតទីក្រុងសេអ៊ូល ជាប់នឹងឧទ្យាន Seoul Forest ដោយមានអគារ 45 ជាន់ចំនួនពីរ។តារាកូរ៉េល្បីៗកំពូលៗជាច្រើនរស់នៅទីនេះដូចជា G-Dragon, Kim Soo Hyun, Lee Soo Man និងសូម្បីតែ Han Ye Seul! ខុនដូនេះអាចមើលឃើញទិដ្ឋភាពដ៏ស្រស់ស្អាតនៃទន្លេ Han River អគារ Namsan Tower និង អគារ Lotte World Tower ដែលទើបត្រូវបានសាងសង់ថ្មី។ខុនដូនេះមានលក្ខណៈប្រណិតយ៉ាងអស្ចារ្យដោយបានជួលស្ថាបត្យករលំដាប់ពិភពលោក ជនជាតិបារាំង លោក Jean Nouvel សម្រាប់ការរចនាផ្ទៃខាងក្នុងនៃខុនដូ។ ខុនដូមានយូនីតសរុបចំនួន 230 យូនីត នៅរវាងអគារទាំងពីរ ហើយូនីតភាគច្រើនមានតម្លៃយ៉ាងហោចណាស់ 1 លានដុល្លារ។ Galleria Foret ពិតជាខុនដូដ៏ប្រណិតមែនទែន ដែលនាំឲ្យលែងងឿងឆ្ងល់ថាហេតុអ្វីបានជាតារាល្បីកំពូលជ្រើសរើសឱ្យទៅរស់នៅទីនោះ៕

លោកជំទាវ ម៉ៅ ចំណាន និងស្វាមី បានឧបត្ថម្ភជាមួយចំនួនទឹកប្រាក់ដល់ លោកតា ហ្វុយហ៊្សូ កាលពីម្សិលមិញនេះ!

ថ្ងៃទី ១៥ ខែ មិថុនា ឆ្នាំ ២០១៧ ម៉ោង ១១:២៧

តារាខ្មែរ៖ កាលពី​រសៀល​ថ្ងៃទី ១៤ ខែមិថុនា ឆ្នាំ ២០១៧ ម្សិលមិញនេះ លោក ស៊ូ សា​វ៉ាង ហៅ​ តា ហ្វុ​យ​ហ្ស៊ូ ដែលជា​តារា​កំប្លែង​ជើងចាស់​មួយរូប បានទទួល​ថវិកា​ជំនួយ​ឧបត្ថម្ភ​មួយចំនួន​ពី​ឯកឧត្តម​អ្នកឧកញ៉ា គិត ម៉េង និងលោកជំទាវ ម៉ៅ ចំណាន។ ដោយសារតែសព្វថ្ងៃនេះ លោកតា ហ្វុ​យ​ហ្ស៊ូ កំពុង​តែមានជំងឺ​ជំងឺ​មហារីក​ថ្លើម​យ៉ាងធ្ងន់ធ្ងរ បានទៅសម្រាកព្យាបាលនៅឯមន្ទីរពេទ្យ ប្រទេសថៃ ក្នុងពេលថ្មីៗកន្លងមកនេះ។ ឥឡូវនេះគ្រួសារ​របស់លោកកំពុង​ជួប​វិបត្តិ​សេដ្ឋកិច្ច​ធ្ងន់ធ្ងរ​ថែមទៀតនោះ នៅមិនទាន់ដោះស្រាយបាននៅឡើយទេ។ នេះបើយោងតាម ការបង្ហោះជារូបភាព ជាមួយការសរសេរជាសារ នៅក្នុងបណ្ដាញសង្គមរបស់លោក បានបង្ហាញឲ្យដឹងថា៖ "ខ្ញុំបាទសូមថ្លែងអំណរគុណដល់ឯកឧត្តមអ្នកឧកញ៉ា​ គិតត​ ម៉េង​ នឹង​ លោកជំទាវម៉ៅ​ ចំណាន​ ដែលបានឧបត្ថម្ភថវិការ​ $1000​ មកជួយឧបត្ថម្ភដល់ខ្ញុំបាទ​នារសៀលនេះ ។​ ខ្ញុំសូមលើកដៃប្រណំបួងសួងដល់គុណបុណ្យព្រះរតនត្រ័យកែវទាំងបីវត្ថុស័ក្តសិទ្ធនៅក្នុងលោក ទេវតាថែរក្សាព្រះរាជាណាចក្រកម្ពុជា ជាពិសេសទេវតាឆ្នាំថ្មី ឆ្នាំរកា​ នព្វស័ក ពុទ្ធសករាជ ២៥៦១ គ.ស២០១៧​ សូមទ្រង់ប្រោសព្រំប្រទានសព្វសាធុកាពរ បវរសួស្តី សិរីមង្គល វិបុលសុខមហាប្រសើរ ថ្វាយ និងជូនដល់អ្នកឧកញ៉ា​ នឹងលោកជំទាវ​ ព្រមទាំងក្រុមគ្រួសារ អោយទទួលបាននូវពុទ្ធិពរទាំងបួនស្ងួនបវរពិត៖ មួយ គឺអាយុនៃជីវិត សូមមានកំរិតរយវស្សា ពីរ គឺវណ្ណៈសូមមានសំរស់ សោភ័ណ្ឌល្អស្រស់ដ៏ថ្លៃថ្លា បី គឺសុខៈអង្គអាត្មា ទាំងក្រុមគ្រួសារសុខសួស្តី បួន គឺពលៈកំលាំងធន់ សទ្ធាចិត្តបុណ្យទន់លោកិយ៍ សូមទាន់ព្រះសិអារ្យមេត្រី រុងរឿងរស្មីសាយពណ្ណរាយ... សូមគោរពជូនពរពីខ្ញុំបាទ​ ស៊ូ​ សាវ៉ាង​ ដោយក្តីគោរពរាប់អាន​ !"។ នៅក្នុងនោះដែរ ក៏ដើម្បីជាការបញ្ជាក់ថា លោក​បានទទួល​ការ​មេត្តា​ពី​ឯកឧត្តម​អ្នកឧកញ៉ា គិត ម៉េង និងលោកជំទាវ ម៉ៅ ចំណាន នូវ​ថវិកា​ចំនួន ១ ០០០ ដុល្លារ​អាមេរិក ដើម្បី​សម្រួល​ដល់​ជីវភាព​គ្រួសារ និង ថ្លៃ​ព្យាបាល​ជំងឺ​ដែល​កំពុងតែសម្រាកព្យាបាលធ្វើការ​តាមដាន​បន្ត​នេះ៕

តើអ្នកចម្រៀងណាខ្លះដែលមិនត្រូវគ្នាក្នុងវិស័យចម្រៀង?

ថ្ងៃទី ១៥ ខែ មិថុនា ឆ្នាំ ២០១៧ ម៉ោង ១០:៥០

សិល្បករដែលមានជម្លោះជាមួយគ្នាក្នុងវិស័យតន្រ្តី តើអ្នកចម្រៀងណាខ្លះដែលមិនត្រូវគ្នាក្នុងវិស័យចម្រៀង? អ្នកចម្រៀងទាំង 7 គូដែលមានជម្លោះជាមួយគ្នា៖1. Kanye West v Taylor Swift2. Lil' Kim v Nicki Mina3. Noel Gallagher v Liam Gallagher4. Zayn v Naughty Boy5. Azealia Banks v Iggy Azalea6. Benzino v Eminem7. Rihanna v Ciara

លោក ហម ឈរ៉ា រៀបរាប់ទាំងអួលដើមកពីជីវិតជាអ្នកធាក់សុីក្លូ ក្រោយពីបានសាកល្បងមកធ្វើជាជីវិតបែបនេះ!(មានវីដេអូ)

ថ្ងៃទី ១៥ ខែ មិថុនា ឆ្នាំ ២០១៧ ម៉ោង ០៩:៥៥

តារាខ្មែរ៖ កាលពីម្សិលមិញនេះ យោងតាមរយៈ គណនីហ្វេសប៊ុកមួយ មានឈ្មោះ Tan Kimsour បានធ្វើការបង្ហោះជាវីដេអូឃ្លីបមួយ ដែលទាក់ទងទៅនិងជីវិតរស់នៅប្រចាំថ្ងៃបែបអ្នកធាក់សុីក្លូ ក្នុងគោលបំណងដើម្បីជំរុញទឹកចិត្តពុកម៉ែបងប្អូនឲ្យងាកមកគាំទ្រអ៊ុំៗធាក់ស៊ីក្លូ និងចូលរួមអភិរក្សស៊ីក្លូទាំងអស់គ្នា។ នៅក្នុងនោះដែរ ក៏បានឃើញនូវវត្តមានរបស់តារាសម្ដែងប្រុសជើងចាស់ លោក ហម ឈរ៉ា ដែលតារាប្រុសរូបនេះ បានចូលរួមសម្ដែងនៅក្នុងនោះ ផងដែរ។ ក្រោយពីលោកបានចំណាយពេលវេលាអស់ពេញមួយថ្ងៃមករស់នៅជីវិតបែបអ្នកធាក់សុីក្លូវិញ។ ពេលនោះដែរ លោកបាននិយាយទាំងអួលដើមក ស្ទើរតែស្រក់ទឹកភ្នែក បន្ទាប់ពីលោកបានមកសាកល្បងប្រើជីវិតធាក់សុីក្លូ ត្រឹមតែពេលមួយថ្ងៃ ទើបលោកបានដឹងថា ភាពលំបាកខ្លាំងប៉ុនណា សម្រាប់ជីវិតអ្នកធាក់សុីក្លូ នាពេលសព្វថ្ងៃនេះ។ ដោយមានសេចក្ដីអាណិតអាសូរ ចំពោះអ្នកធាក់សុីក្លូដែលភាគច្រើនជាមនុស្សចាស់ៗជរា មិនមានកន្លែងស្នាក់អាស្រ័យសមរម្យ ពេលខ្លះបានឃើញគេងតាមសំយ៉ាបផ្ទះរបស់គេ ក៏ដោយសារតែរកប្រាក់ចំណូលពុំសូវបាន ត្រូវឃ្លាតឆ្ងាយពីគ្រួសារ ក៏ដើម្បីតែមកប្រាក់នៅទីក្រុង៕ទស្សនាវីដេអូខាងក្រោមនេះ៖