trollkhmer news

កម្សាន្ត

Kai បានលើកយកបទចម្រៀង “ខ្យល់” មកបកស្រាយជាថ្មីក្នុងបរិយាកាសមួយប្លែក

ថ្ងៃទី ២១ ខែ ធ្នូ ឆ្នាំ ២០២០ ម៉ោង ១០:៣៤

កម្សាន្ត៖ តើប្រិយមិត្តធ្លាប់បានស្ដាប់បទចម្រៀងមួយបទរបស់ Kai ដែលបទចម្រៀងនោះមាននៅក្នុងខែ្សភាពយន្តខ្មែរ របស់ស្ថានីយ៍ទូរទស្សន៍ CTN គឺ "ទេពធីតាព្កុលមាស" ដែរ ឬទេ? “ខ្យល់” គឺជាបទចម្រៀងមួយដែលទទួលបានការចាប់អារម្មណ៍ និងគាំទ្រច្រើននៅក្នុងខ្សែភាពយន្តខាងលើ។ យ៉ាងណាមិញ ម្ដងនេះនឹងធ្វើឱ្យប្រិយមិត្តកាន់តែប្លែកភ្នែក ប្លែកអារម្មណ៍ ដោយលោក Kai បានលើកបទចម្រៀង “ខ្យល់” មកបកស្រាយនៅក្នុងបរិយាយកាសមួយថ្មី។ដៃកាន់ហ្គីតា និងអង្គុយលើកៅអីមុខក្បាលមេក្រូ អមដោយទឹកបឹងនៅពីក្រោយ និងបរិយាយធម្មជាតិជុំវិញ លោក Kai បានបង្ហើរសំនៀងមួយៗ យ៉ាងស្រទន់ ពីរោះពិសារៀបរាប់អំពីអារម្មណ៍លួចស្រឡាញ់នារីដ៏ស្រស់សោភាម្នាក់។ នៅពេលបានស្ដាប់ហើយ ពិតជាមានអារម្មណ៍ធូរស្រាល រំសាយអស់ទុក្ខកង្វល់។គ្រាន់តែរៀបរាប់បន្តិច ប្រិយមិត្តក៏ចង់ទទួលស្ដាប់ហើយមែនឬទេ? អ៊ីចឹង ប្រិយមិត្តអាចស្ដាប់បទចម្រៀងមួយបទនេះបាននៅលើកញ្ចក់ទូរទស្សន៍ MyTV ក្នុងកម្មវិធី MyTV Play នៅសប្ដាហ៍នេះ ហើយប្រិយមិត្តក៏អាចចូលទៅស្ដាប់នៅលើបណ្ដាញសង្គមផ្លូវការណ៍របស់ MyTV Play បានដូចគ្នា ដែលមានដូចជា Facebook, Instagram និងជាពិសេស Youtube ហើយកុំភ្លេច Follow ក៏ដូចជា Subscribe ម្នាក់មួយ ដើម្បីទទួលបានបចម្រៀងថ្មី និងពីរោះជាបន្តបន្ទាប់ទៀត៕https://fb.watch/2vQ2NKth2c/

“សង្គ្រាមតារា” នឹងចូលខ្លួនមកបើកកកាយធាតុពិតនៅពីក្រោយកាមេរ៉ាពីទំនាក់ទំនងរបស់អ្នកសិល្បៈ

ថ្ងៃទី ០៨ ខែ ធ្នូ ឆ្នាំ ២០២០ ម៉ោង ១៤:៥១

កម្សាន្ត៖ រាល់សង្គ្រាមទាំងអស់កើតឡើងតែងធ្វើឱ្យភាគីម្ខាងចាញ់ និងភាគីម្ខាងទៀតឈ្នះ អាស្រ័យទៅលើបញ្ញា និងយុទ្ធសាស្ត្រដែលពួកគេប្រើមកទប់ទល់។ យ៉ាងណាមិញ បើងាកមកមើលសង្គ្រាមនៅក្នុងពិភពសិល្បៈវិញ ក៏រំជួយមិនស្ទើរដែរ នៅពេលដែលពួកគេសុទ្ធសឹងតែជាមនុស្សសាធារណៈដែលមានអ្នកស្គាល់ជាច្រើន។ដើម្បីបម្រើចក្ខុអារម្មណ៍ដល់ទស្សនិកជនដែលតែងគាំទ្រភាពយន្តដែលធ្លាប់បានចាក់ផ្សាយលើកញ្ចក់ទូរទស្សន៍ CTN កន្លងមក ពេលនេះភាពយន្តថៃ “សង្គ្រាមតារា” នឹងចូលមកបម្រើអារម្មណ៍ទស្សនិកជនឱ្យកាន់តែជក់ចិត្តសាជាថ្មី ដែលសាច់រឿង បានឆ្លុះបញ្ចាំងពីទំនាក់ទំនងតារា និងការរាប់អានគ្នាក្នុងវិស័យសិល្បៈជាក់ស្តែង មិនដូចអ្វីដែលគ្រប់គ្នាបានឃើញឡើយ។ ជាធម្មតា ភាពរួសរាយរាក់ទាក់ដាក់គ្នាគឺមានតែនៅចំពោះមុខទស្សនិកជនប៉ុណ្ណោះ តែនៅពីក្រោយខ្នងជាក់ស្តែងវិញ គឺពោរពេញទៅដោយជម្លោះ ល្បិចកិចកលឥតស្រាកស្រាន្ត។វិវាទរវាងតារាៗ បានបណ្តាលឱ្យមានបញ្ហាធ្ងន់ធ្ងរនឹកស្មានមិនដល់ ហើយសាច់រឿងទាំងមូល នឹងចូលខ្លួនមកបង្ហាញនៅក្នុងភាពយន្តថៃ “សង្គ្រាមតារា” ដែលមានចាក់ផ្សាយនៅលើកញ្ចក់ទូរទស្សន៍ និងផេក CTN រៀងរាល់ថ្ងៃចន្ទ-សុក្រ វេលាម៉ោង ១២ ថ្ងៃត្រង់។ ដូចនេះ ចង់ដឹងថា ពិភពដែលទស្សនិកជនធ្លាប់តែឃើញស្នាមញញឹមដាក់គ្នា នឹងប្រែក្លាយទៅជាយ៉ាងណានៅពីក្រោយកាមេរ៉ា កុំភ្លេចតាមដានទស្សនាទាំងអស់គ្នា៕អត្ថបទ៖ គង់ ចាន់ស្រីនុច

អ្នកគាំទ្រនាំគ្នាធ្វើរឿងមួយនេះដាក់វិញពេលមិនឃើញ Jin នៅក្នុងរូបថតជាក្រុមរបស់ BTS ក្នុងកម្មវិធី MAMA 2020

ថ្ងៃទី ០៧ ខែ ធ្នូ ឆ្នាំ ២០២០ ម៉ោង ១១:២៧

កូរ៉េខាងត្បូង៖ នៅពេលដែលត្រូវប្រកាសពាន 2020 Mnet Asian Music Awards (MAMA) ពួកគេបានធ្វើឱ្យមានកំហុសដោយអចេតនាដោយមិនបានបញ្ចូលរូបរបស់ Jin ទៅក្នុងរូបថតជាក្រុមរបស់ BTS នោះទេ នៅពេលភ្លាមៗដែលអ្នកគាំទ្របានសង្កេតឃើញថារូបនោះមានសមាជិកតែ៦នាក់នោះ ពួកគេក៏ចាប់ផ្តើមនៅមិនសុខភ្លាម។ហើយភ្លាមនោះក៏មានអ្នកគាំទ្រម្នាក់បានលើកឡើងថា «វាអាចកែបានមុននឹងបណ្តោយឱ្យរូបនោះចេញមក» នេះបើ យោងតាមរូបដែលគេត្រូវបានយកមកអេឌីតនេះ «មើលទៅប្រហែលមកពីទំហំសម្រាប់ដាក់រូបវាតូចពេក ហើយពួកគេ ក៏យករូបដើមដែលមានសមាជិកទាំង៧មកដាក់តែម្តង ខ្ញុំមិនយល់សោះម៉េចបានជាពួកគេគិតថាមិនអី នៅពេលដែល មានតែសមាជិកតែ៦នាក់បែបនេះ?»ហើយនេះមិនមែនជាលើកទីមួយសម្រាប់ Jin នោះដែរ ព្រោះកាលពីឆ្នាំ ២០១៩ នៅក្នុង VCR របស់ MAMA  រូបភាពរបស់ Jin ក៏មិនត្រូវបានដាក់បញ្ចូលដែរ។ អ្នកគាំទ្រចាប់ផ្តើមនាំគ្នាបង្ហោះនៅលើបណ្តាញ Twitter ថា “BTS IS 7” ដើម្បីរម្លឹកដល់ MAMA ថា BTS មាន សមាជិកទាំងអស់៧នាក់ ហើយពួកគេក៏ត្រូវការឳ្យ Mnet ចេញមកសូមទោសផងដែរចំពោះកំហុសដដែលៗបែបនេះ ផងដែរ៕

កំណត់ត្រាប្រវត្តិសាស្រ្តថ្មីក្នុងកម្មវិធី MAMA យប់មិញ BTS ប្រមូលពានបាន៩ ច្រើនជាងគេ

ថ្ងៃទី ០៧ ខែ ធ្នូ ឆ្នាំ ២០២០ ម៉ោង ០៩:៤១

កូរ៉េខាងត្បូង ៖ កាលពីថ្ងៃទី ៦ ខែ ធ្នូ ម្សិលមិញនេះ វត្តមានរបស់ BTS បានធ្វើឲ្យកម្មវិធី 2020 Mnet Asian Music Awards ខ្នាតយក្សមួយនេះកាន់តែល្បីកក្រើកនៅទូទាំងពិភពលោក។ សូមបញ្ជាក់ផងដែរថា ក្រៅពីការសម្ដែងដ៏អស្ចារ្យ និងការបង្ហាញ Concept ប្លែកភ្នែករបស់ក្រុមចម្រៀងល្បីមួយនេះ ពួកគេថែមទាំងបានប្រមូលពានរង្វាន់ច្រើនជាងគេពីកម្មវិធី MAMA នេះផងដែរ។ នេះជាគឺជាកំណត់ត្រាប្រវត្តិសាស្រ្តថ្មីមួយទៀតដែល BTS ទទួលបានក្នុងឆ្នាំ២០២០ នេះ៕ជាក់ស្ដែង ពានរង្វាន់ដែល BTS ទទួលបាន ក្នុងកម្មវិធី MAMA យប់មិញនេះ រួមមាន ៖១. ពាន Artist of the Year (Daesang) សម្រាប់អាល់ប៊ុម Map of the Soul: 7២. ពាន Song of the Year (Daesang) សម្រាប់បទ Dynamite៣. ពាន Album of the Year (Daesang) សម្រាប់អាល់ប៊ុម Map of the Soul: 7៤. ពាន Worldwide Icon of the Year៥. ពាន Best Male Group៦. ពាន Best Music Video សម្រាប់បទ Dynamite                                            ៧. ពាន Best Dance Performance Male Group សម្រាប់បទ Dynamite៨. ពាន Worldwide Fans' Choice Top 10៩. ពាន 2020 Visionary

វីដេអូ! Jin សមាជិកក្រុម BTS បញ្ចេញអារម្មណ៍ពិតក្នុងចិត្តតាមរយៈបទថ្មី ទៅកាន់ ARMY

ថ្ងៃទី ០៤ ខែ ធ្នូ ឆ្នាំ ២០២០ ម៉ោង ១១:២៤

កូរ៉េខាងត្បូង ៖ ក្រុមតារាចម្រៀងប្រុស BTS ដែលកំពុងតែមានឈ្មោះល្បីល្បាញ នាពេលបច្ចុប្បន្ន ក៏ព្រោះតែការខិតខំប្រឹងប្រែង ព្រមទាំងសមត្ថភាព ដែលមិនត្រឹមតែអាចសម្ដែងលើឆាកបានយ៉ាងល្អប៉ុណ្ណោះទេ ពួកគេថែមទាំងអាច និពន្ធបទចម្រៀងបានដោយខ្លួនឯងថែមទៀត។ជាពិសេស ថ្មីៗនេះ Jin សមាជិកក្រុម BTS បានបញ្ចេញបទចម្រៀងថ្មីរបស់លោក គឺ Abyss រួមជាមួយនឹងលិខិតមួយ ដែលបានបង្ហាញពី ដំណើរការនៃគំនិតរបស់លោក នៅពេលបង្កើតបទចម្រៀងនេះឡើង ព្រមទាំងអត្ថន័យនៅពីក្រោយបទនេះ។ ជាមួយគ្នានេះ Jin បានបង្ហាញថា លោកចាប់ផ្តើមមានអារម្មណ៍ថា មិនសមនឹងទទួលបាន ជោគជ័យដ៏អស្ចារ្យដែល BTS កំពុងតែសម្រេចបាននេះទេ។ទន្ទឹមនឹងនោះ តារាចម្រៀងប្រុសរូបនេះក៏បានបន្ថែមថា លោកត្រូវបានក្រុមការងារ លើកទឹកចិត្តឲ្យយកអារម្មណ៍ច្របូកច្របល់ទាំងនោះ ទៅសរសេរក្នុងបទចម្រៀងមួយនេះ។ ក្នុងនោះដែរ នៅពេលដែល Jin ចាប់ផ្តើមតែងបទចម្រៀងនេះឡើង លោកចាប់ផ្តើមមានអារម្មណ៍ សុទិដ្ឋិនិយមចំពោះគំនិតដែលបង្ហាញភាពលំបាក ក្នុងគ្រានេះ ទៅក្នុងបទចម្រៀង។សារដែលចេញពីក្នុងចិត្តរបស់លោក ទៅដល់អ្នកគាំទ្រ មានខ្លឹមសារដូចជា ៖​ សួរស្ដី នេះគឺ Seokjin!កាលពីពេលថ្មីៗនេះ ខ្ញុំបាននិយាយនៅក្នុងសន្នីសិទកាសែតថា ខ្ញុំមិនចង់បង្ហាញពីទុក្ខព្រួយរបស់ខ្ញុំ ឲ្យអ្នកគាំទ្រឃើញនោះទេ ព្រោះចង់បង្ហាញអ្វីដែលល្អៗ និងរីករាយប៉ុណ្ណោះទៅពួកគេ។ ប៉ុន្តែបើតាមតន្ត្រីវិញគឺផ្សេង។ ខ្ញុំគិតថាមិនអីទេ បើសិនជាខ្ញុំបង្ហាញពីទុក្ខព្រួយ តាមរយៈតន្ត្រីវិញនោះ។ តាមពិតទៅថ្មីៗនេះ ខ្ញុំមានអារម្មណ៍ថាហត់នឿយ​ ប៉ុន្តែប្រហែលមកពីខ្ញុំចូលចិត្តគិតច្រើនពេកក៏ថាបាន។ ខ្ញុំបានជាប់ឈ្មោះជាតារាលេខ​១ ក្នុងតារា​ Billboard​ Hot​100​ ហើយមានមនុស្សជាច្រើន បានសម្ដែងការអបអរ។ តើខ្ញុំពិតជាសាកសមនឹងទទួលបានវាដែរឬទេ? គិតទៅអាចនឹងមានមនុស្សជាច្រើនទៀតដែលស្រឡាញ់តន្ត្រីខ្លាំងជាងខ្ញុំ ចឹងតើខ្ញុំសាកសមនឹងទទួលបានការអបអរទាំងនេះដែរឬទេ? គិតកាន់តែច្រើនទៅ ក៏មានចិត្តមួយចង់បញ្ឈប់ ព្រោះតែវាពិបាកខ្លាំងពេក។ ខ្ញុំក៏ទទួលបានការណែនាំ បន្ទាប់ពីនិយាយពីកង្វល់ក្នុងចិត្ត​ ហើយ​ Bang​ PD-nim​ ក៏ជម្រុញឲ្យខ្ញុំ បញ្ចូលអារម្មណ៍នេះ ទៅក្នុងបទចម្រៀង។ តែខ្ញុំក៏គ្មានភាពជឿជាក់ថា បទនឹងចេញមកល្អ ហើយមានអត្ថន័យនោះទេ តែមកដល់ដំណាក់កាលនេះហើយ​ ខ្ញុំមិនអាចទុកវាចោលបានទេ។ ហើយ​ Bang​ PD-nim​ ក៏ប្រាប់ខ្ញុំថា កុំឲ្យបារម្ភពីរឿងនឹង ព្រោះបើខ្ញុំតាំងចិត្តធ្វើហើយ​ ខ្ញុំប្រាកដធ្វើឲ្យបានល្អ ហើយគាត់និយាយថា នឹងរកមនុស្សល្អម្នាក់មកជួយខ្ញុំ ពីរឿងនេះ។ បែបនឹងហើយ ទើបខ្ញុំបានជួបជាមួយអ្នកនិពន្ធម្នាក់គឺ​ Bumzu-hyung។ ខ្ញុំបាននិយាយជាមួយគាត់ ពីរឿងក្នុងចិត្តជាច្រើន ហើយគាត់ក៏លើកទឹកចិត្តឲ្យខ្ញុំសរសេរបទនេះ ដោយមានជំនួយពីគាត់ផងដែរ​ គាត់ជាមនុស្សម្នាក់ដែលល្អណាស់។ បន្ទាប់ពីបាននិយាយរឿងជាច្រើន ខ្ញុំក៏បាននិពន្ធបទចម្រៀងមួយ បង្ហាញពីអារម្មណ៍របស់ខ្ញុំផ្ទាល់ ហើយទីបំផុត Abyss ក៏បានបញ្ចប់ដោយជោគជ័យ។ ខ្ញុំចង់អគុណទៅបងប្រុស Bumzu ម្ដងទៀត។ អត្ថន័យបទនេះគឺដូចជាកំសត់បន្តិចហើយ មិនសមនឹងចេញនៅថ្ងៃខួបកំណើតសោះ​ ប៉ុន្តែខ្ញុំគិតថា វាកាន់តែពិសេស បើចេញនៅក្នុងថ្ងៃកំណើតរបស់ខ្ញុំ។ សូម​ ARMY​ ស្ដាប់ចម្រៀងដែលសរសេរពីបេះដូងរបស់ខ្ញុំ ដោយយកចិត្តទុកដាក់។​ បន្ថែមទៀត​ សូមអគុណដល់ leader របស់ពួកយើង (Namjoon) ដែលជួយសរសេរវគ្គ chorus៕

អស់ស្ទះទិដ្ឋភាពខាងក្នុងយន្តហោះតម្លៃ ៧៣លានដុល្លារ របស់តារាម៉ូដែលលំដាប់សេដ្ឋី Kylie Jenner

ថ្ងៃទី ០៤ ខែ ធ្នូ ឆ្នាំ ២០២០ ម៉ោង ១០:៥៩

បរទេស៖ កាលពីដើមឆ្នាំនេះ មានគេរាយការណ៍មកថា តារាម៉ូដែលលំដាប់សេដ្ឋី Kylie Jenner បានចាយលុយលើយន្តហោះឯកជនផ្ទាល់ខ្លួនរបស់នាងគឺ Global Express  ជាក់ស្តែងយោងទៅតាមកាសែត The Sun វាមានតំលៃរហូតដល់ ៧២,៨ លានដុល្លារ  គឺជាយន្ដហោះខ្នាតធំបង្គួរមួយ។ទៀតសោត បន្ទាប់ពីទិញរួច Kylie បានតុបតែងយន្តហោះ មានឆ្នូតពណ៌ផ្កាឈូក ឲ្យស៊ីគ្នា នឹងពណ៌ ដែលជាអត្តសញាត្តិនៃផលិតផលរបស់នាង។ មិនត្រឹមតែមាន ពណ៌ផ្កាឈូក ទាំងក្នុង និងក្រៅនោះទេ អ្នកម្តាយកូនមួយរូបនេះ ក៏បាន ដេគ័រអក្សរ «Kylie Skin» លំអរលើយន្តហោះផង​ដែរ បានធ្វើឲ្យមហាជនកាន់តែច្បាស់ថា យន្តហោះមួយនេះជាកម្មសិទ្ធរបស់ កូនពៅត្រកូល Kardashian។ចំណែកឯផ្ទៃខាងក្នុង បានរចនាយ៉ាងប្រណីត សាកសមជាត្រកូល អភិជន រួមមានបន្ទប់កំសាន្ដមួយ បន្ទប់គេងធំចំនួនពីរ បូករួមបន្ទប់ទឹក មិនត្រឹមតែប៉ុណ្ណោះ ក៏មានបន្ទប់យក្សសម្រាប់ដាក់សម្លៀកបំពាក់ ស្បែកជើង និងកាបូប ថែមទាំងមានបន្ទប់មួយទៀតសម្រាប់ឥវ៉ាន់ទៀតផង។យ៉ាងណាមិញ យោងតាមសារព័ត៌មានបានរាយការណ៍មកថា Kylie នឹងត្រូវចំណាយប្រហែល ៥លានដុល្លារ ក្នុងមួយឆ្នាំដើម្បីទូទាត់ការចំណាយទូទៅ សម្រាប់យន្តហោះមួយនេះ ក៏ប៉ុន្តែចំនួននេះមិនប្រៀបបាន នឹងប្រាក់ចំណូលដែលរូបនាងរកបាន កាលពីឆ្នាំកន្លងទៅឡើយ។គួរបញ្ជាក់ផងដែរថា នៅលើគេហទំព័រ Forbes តារាស្រី Kylie Jenner គឺជាសិល្បៈករ ដែលរកប្រាក់បានច្រើនបំផុតនៅក្នុងពិភពសិល្បៈ ចំនួនរហូតដល់ ៥៩០លានដុល្លារ ក្នុងឆ្នាំ ២០២០ បានធ្វើឲ្យរូបនាង កើតទ្រព្យជិត ១ពាន់លានដុល្លារ នាពេលបច្ចុប្បន្ននេះ៕

TOP Media សមាជិកក្រុម UP10TION ដែលត្រូវបានផ្លាស់ទៅទីតាំងអ្នកជំងឺកូវីដ-១៩

ថ្ងៃទី ០៣ ខែ ធ្នូ ឆ្នាំ ២០២០ ម៉ោង ១៥:៣០

កូរ៉េខាងត្បូង ៖ នៅថ្ងៃទី ៣ ខែធ្នូ TOP Media បានចេញសេចក្តីថ្លែងការណ៍ថមីមួយ ដើម្បីជូនដំណឹងដល់អ្នកគាំទ្រទាក់ទងនឹងស្ថានភាពរបស់ UP10TION។ គួរបញ្ជាក់ផងដែរថា កាលពីថ្មីៗនេះ ខាងប៉ុស្តិ៍ទូរទស្សនិ៍ SBS កម្មវិធី Inkigayo បានធ្វើសេចក្តីរាយកាណ៍មកថា សមាជិកក្រុម UP10TION លោក Bitto និង Kogyeol បានធ្វើតេសិ៍្តឃើញ វិជ្ជមានសម្រាប់កូវីដ១៩ បន្ទាប់ពីតារារូបនេះ បានមានទំនាក់ទំនងចៃដន្យ ជាមួយអ្នកផ្ទុកវីរុសកូវីដ១៩។សេចក្តីថ្លែងការណ៍របស់ TOP Media មានដូចខាងក្រោម ៖ សួស្តី នេះគឺជា TOP Media! បច្ចុប្បន្នសមាជិក UP10TION លោក Bitto និង Kogyeol ដែលធ្លាប់បានធ្វើតេស្ត វិជ្ជមានសម្រាប់ កូវីដ១៩ ត្រូវបានផ្លាស់ប្តូរទីតាំង ទៅកន្លែងសុវត្ថិភាព ដើម្បីឱ្យពួកគេទទួលការត្រួតពិនិត្យជំងឺ និងការការពារឲ្យបានដិតដល់។ សមាជិកផ្សេងទៀតរួមមាន Kuhn Sunyoul Hwnahee Gyujin និង Xiao ក៏ដូចជាបុគ្គលិកដែលពាក់ព័ន្ធជាមួយនឹងក្រុមនេះ ត្រូវបានគេកំណត់អត្តសញ្ញាណថាជាបេក្ខជន ដែលនឹងទទួលវិធានការផ្តាច់ខ្លួនហើយ! ដូច្នេះពួកគេស្ថិតនៅដាច់ដោយឡែកពីគេ បន្ទាប់ពីទទួលបានការបញ្ជាក់សម្រាប់ទីតាំងដាច់ដោយឡែករបស់ពួកគេ ពីនាយកដ្ឋានគ្រប់គ្រងនិងបង្ការជំងឺ។ យើងនឹងបន្តផ្តល់អាទិភាព ដល់សុខភាពរបស់សិល្បកររបស់យើង និងអនុវត្តតាមបទបញ្ជារបស់នាយកដ្ឋានបង្ការ និងការពារជំងឺឲ្យបានតឹងរ៉ឹងបំផុត។ លើសពីនេះទៀត យើងមានគម្រោងថានឹង ចាត់វិធានការតាមផ្លូវច្បាប់ ប្រឆាំងនឹងពាក្យចចាមអារាមមិនពិត និងព្យាបាទពាក់ព័ន្ធនឹងសិល្បកររបស់យើង។ យើងនឹងខិតខំឲ្យអស់ពីសមត្ថភាពដើម្បីការពារសិទ្ធិរបស់សិល្បកររបស់យើង តាមរយៈការឃ្លាំមើល ឲ្យបានជាប់លាប់។ ជាថ្មីម្តងទៀត យើងសន្យាថានឹងធ្វើអ្វីគ្រប់យ៉ាង ដែលយើងអាចធ្វើបាន ដើម្បីថែរក្សាសិល្បកររបស់យើង រួមទាំងប្រយុទ្ធប្រឆាំងនឹងការសម្លាប់មេរោគកូវីដ១៩ នេះផងដែរ។ សូមអរគុណ!  

វីដេអូ! BLACKPINK ប្រកាសធ្វើការប្រគុំតន្រ្តី Online ជាលើកដំបូងចុងឆ្នាំនេះ

ថ្ងៃទី ០៣ ខែ ធ្នូ ឆ្នាំ ២០២០ ម៉ោង ១១:២៩

កូរ៉េខាងត្បូង៖ កាលពីប៉ុន្មាននាទីមុននេះ នៅលើគេហទំព័រផ្លូវការរបស់ ក្រុមចម្រៀងនារីជួរមុខ BLACKPINK បានប្រកាសដំណឹងគួរឲ្យភ្ញាក់ផ្អើលមួយ ទៅកាន់អ្នកគាំទ្រទូទាំងពិភពលោក អំពីការប្រគុំតន្រ្តី អ៉ីនធើណែត ជាលើកដំបូងរបស់ពួកគេ។តាមរយៈការទម្លាក់ផ្ទាំងរូបភាព ការប្រគុំតន្រ្តីអ៉ីនធើណែត​ THE SHOW ដែលនឹងប្រព្រឹត្តទៅ នៅថ្ងៃទី ២៧ ខែធ្នូ វេលាម៉ោង ២ រសៀល (ម៉ោងនៅកូរ៉េ) តាមរយៈបណ្តាញសង្គម YouTube ។យ៉ាងណាមិញ បន្ទាប់ពីបានលឺដំណឹងនេះ មហាជន​ក៏ដូចជា ហ្វេនៗ របស់ក្រុមចម្រៀងនារីមួយនេះ មិនរំពឹងទុកទេថា ពួកគេនឹងមានការប្រគុំតន្រ្តី​ សម្រាប់ចុងឆ្នាំនេះ។ ដំណឹងបានធ្វើឲ្យហ្វេនៗ មានសេចក្តីសប្បាយចិត្ត ជាខ្លាំង៕

RM និង Suga បង្ហាញខ្លួនជាលើកដំបូង លើតារាង The Billboard Charts

ថ្ងៃទី ០៣ ខែ ធ្នូ ឆ្នាំ ២០២០ ម៉ោង ១១:១៩

កូរ៉េខាងត្បូង ៖ ជាការពិតណាស់ក្រៅពី RM និង Suga មានទេពកោសល្យខាងតន្ដ្រី Kpop ទាំងច្រៀងរ៉េប រាំ និងសម្ដែងហើយនោះ ទាំងពីរនាក់បានក្លាយជាសិល្បករដំបូងលើតារា The Billboard Chart ក្នុងនាមជាកំពូលអ្នកនិពន្ធឆ្នើម សម្រាប់ពានរង្វាន់ Hot 100 Songwriters។ជាក់ស្ដែងចំពោះចំណាត់ថ្នាក់សប្តាហ៍នេះ RM បានឈរលើលំដាប់ទី៣ និង Suga ឈរលើលំដាប់ទី៩ ទាំងនេះគឺជាសមិទ្ធផលថ្មីមួយទៀត ដែលពួកគេ និង BTS ទទួលបាន។ សូមបញ្ជាក់ផងដែរថា BTS ក្នុងឆ្នាំ ២០២០ នេះបានក្លាយខ្លួនជាសិល្បករកូរ៉េ ដំបូងបង្អស់ដែលបានបំបែកកំណត់ត្រាប្រវត្តិសាស្រ្តថ្មីៗ ជាច្រើនហូរហែ ជាហេតុធ្វើឲ្យ ARMYs មានមោទនភាព និងចូលរួមអបអរសាទរចំពោះ BTS៕