trollkhmer news

កម្សាន្ត

ពិបាកទាយណាស់! Tiffany Tang ឈរ​ជិត​រូប​​ក្រមួន​របស់​ខ្លួន មើលមិនដឹងថាមួយណាជានាងពិត នោះទេ?

ថ្ងៃទី ១៥ ខែ មិថុនា ឆ្នាំ ២០១៨ ម៉ោង ១៤:១៥

រូប​ចម្លាក់​ក្រមួន​ទើប​សម្ពោធ​​របស់​តារា​សម្ដែង​ស្រី​ជួរ​មុខ​ចិន Tiffany Tang ត្រូវ​បាន​គេ​វាយ​តម្លៃ​ថា​ជា​រូប​ស្អាត​បំផុត​តាំង​ពី​ដើម​មក​របស់​សារមន្ទីរ។កាល​ពី​យប់​ថ្ងៃ​ទី​១១​ ខែ​មិថុនា​កន្លងទៅនេះ តារា​សម្ដែង​ស្រី​ល្បី​ឈ្មោះ​ចិន Tiffany Tang បាន​មាន​វត្តមាន​នៅ​សារមន្ទីរ Madame Tussauds នៅ​ទីក្រុង​សៀងហៃ ប្រទេស​ចិន​ដើម្បី​សម្ពោធ​រូប​ចម្លាក់​ក្រមួន​ថ្មី​របស់​ខ្លួន។ នៅ​ក្នុង​ឈុត​​រ៉ូប​ដូច​គ្នា​ជាមួយ​រូប​ចម្លាក់​របស់​ខ្លួន ស្រី​ស្អាត​វ័យ៣៤​ឆ្នាំ មើល​ទៅ​ក្មេង​ជាង​អាយុ​ពិត​របស់​ខ្លួន​ខ្លាំង​ណាស់។ ជាមួយ​គ្នា​នេះ​ដែរ រូបចម្លាក់​របស់សិល្បការនីរូបនេះ ត្រូវ​បាន​​គេ​វាយ​តម្លៃ​ថា​ដូច​មនុស្ស​ពិត​ខ្លាំង ដល់​ទៅ​៩០​% សឹង​តែ​មិន​ដឹង​មួយ​ណា​មនុស្ស មួយ​ណា​ជា​ចម្លាក់​ទៀត​ផង ពិបាកគួរអោយកត់សម្គាល់ខ្លាំងណាស់៕

ក្នុង​ថ្ងៃ​ខួប​កំណើត គង់ ចាន់ស្រីមុំ ប្រមូល​ថវិកា បាន​មក​ពី​ការ​លក់​សម្លៀក​បំពាក់​មួយ​ទឹកជួយ​ដល់ «មូល​និធិ​គន្ធបុប្ផា»

ថ្ងៃទី ១៥ ខែ មិថុនា ឆ្នាំ ២០១៨ ម៉ោង ១១:៣២

តារាសម្តែងស្រី និងជាម្ចាស់ហាងលក់គ្រឿងក្រអូប និងហាងលក់សម្លៀកបំពាក់ ម៉ូម៉ូ គឺអ្នកនាង គង់ ចាន់ស្រីមុំ បច្ចុប្បន្នទោះខ្លួនកំពុងមានផ្ទះពោះកូនដំបូងក្តី ប៉ុន្តែបើក្រឡែកមើលរូបសម្រស់វិញគឺនៅតែស្អាតដដែល។យ៉ាងណាមិញ គួបផ្សំជាមួយនឹងរូបសម្រស់ស្អាតហើយ នាងថែមទាំងមានទឹកចិត្តល្អប្រពៃទៀតផង ខណៈជារឿយៗ គេតែងតែឃើញថា ចែករំឡែកអ្វីដែលខ្លួនមាន ទៅជួយជនក្រីក្រខ្វះខាតជាដើម។ ជាមួយគ្នានេះ ផងដែរថ្មីៗនេះ បានប្រកាសលើបណ្តាញសង្គមថា នាងនឹងលក់សម្លៀកបំពាក់មួយទឹក ក្នុងតម្លៃថោក ដើម្បីយកថវិកា ជួយដល់មូលនិធិ «គន្ធបុប្ផា»។ជាក់ស្តែង បើយោងតាមបណ្តាញហ្វេសប៊ុកផ្លូវការរបស់នាង បានធ្វើការ Live វីដេអូ ជាមួយនឹងសម្លៀកបំពាក់ស្អាត ទាន់សម័យជាច្រើនប្រភេទ ដោយភ្ជាប់ជាមួយនឹងសារថា «ដោយការសំណូមពរពីបងប្អូន ចឹងជួបគ្នាថ្ងៃទី ១៦ និង ១៧ មិថុនា វេលាម៉ោង ១រសៀល នៅហាង Momo fashion bysreymom ផ្ទាល់។ កំពុងរៀបចំឥវ៉ាន់មួយទឹករបស់នាងខ្ញុំ ដើម្បីរងចាំបងប្អូនទាំងអស់គ្នា ចូលរួម មូលនិធិ គន្ធបុប្ផា សម្រាប់កុមាកម្ពុជា មុនថ្ងៃកំណើតរបស់ខ្ញុំណាចា៎…»។យ៉ាងណាមិញ ជាមួយនឹងទង្វើសប្បុរសធម៌បែបនេះ បានធ្វើឱ្យមហាជន ក៏ដូចជាអ្នកគាំទ្រលើបណ្តាញសង្គមហ្វេសប៊ុក មានការកោតសរសើរចំពោះគង់ ចាន់ស្រីមុំ និងស្វាមីជាខ្លាំង ខណៈនេះជាការចែករំឡែកគ្នាទៅវិញទៅមក ព្រមទាំងជាគំរូដ៏ល្អ សម្រាប់អ្នកដទៃផងដែរ។គួរជម្រាបថា នេះមិនមែនជាលើកទីមួយនោះទេ ដែលអ្នកនាង គង់ ចាន់ស្រីមុំ យកថ្ងៃខួបកំណើតរបស់នាង ទៅធ្វើអំពើសប្បុរសធម៌បែនេះ ពោលគឺជារៀងរាល់ឆ្នាំតែម្តង ខណៈកាលពីឆ្នាំមុននាងស្វាមី បានផ្តល់ថវិកាដល់ គន្ធបុប្ផា ចំនួន ៧,៧៧០,០០០៛ ដែលប្រមូលបានមកពីការលក់សម្លៀកបំពាក់ផងដែរ៕

Tiffany អតីតក្រុមតារាចម្រៀងSNSD ត្រៀម​ចេញ​អាល់ប៊ុមថ្មី ក្រោយបាត់មុខអស់រយៈពេល ២ឆ្នាំ

ថ្ងៃទី ១៥ ខែ មិថុនា ឆ្នាំ ២០១៨ ម៉ោង ១០:៥៣

មានការចុះផ្សាយ នាពេលថ្មីៗនេះថា តារាចម្រៀងស្រី អតីតសមាជិកក្រុមSNSD តារាស្រី Tiffany ត្រៀមវិលត្រឡប់ មកស្វាគមន៍អ្នកគាំទ្រ ជាមួយនឹងអាល់ប៊ុមថ្មីរបស់នាង នារដូវក្តៅនេះ បន្ទាប់ពីបាត់មុខមួយរយៈកន្លងមក។តារាស្រីរូបនេះ កំពុងរៀបចំអាល់ប៊ុមចម្រៀងថ្មីហើយ ដែលគេបញ្ជាក់ថា គ្រោងនឹងចេញផ្សាយនៅក្នុងខែនេះ ឬខែកក្កដាខាងមុខ។ អាល់ប៊ុមថ្មីនេះគឺជាអាល់ប៊ុមចម្រៀងដំបូង របស់ Tiffany ចាប់តាំងពីនាងបានចុះកុងត្រា ជាមួយភ្នាក់ងារថ្មី Paradigm Talent Agency ជាក្រុមហ៊ុនដ៏ល្បីមួយ នៅសហរដ្ឋអាមេរិក ដែលសម្បូរទៅដោយតារាល្បីជាច្រើនដូចជា Ed Sheeran, Coldplay, Black Eyed Peas ជាដើម។អ្នកគាំទ្រអតីតតារាស្រីSNSD រូបនេះ កំពុងរង់ចាំទស្សនាបទចម្រៀង ក្នុងអាល់ប៊ុមថ្មីនេះបន្ទាប់ពីបទ «Heartbreak Hotel» ដែលជាបទចុងក្រោយរបស់នាង បានចេញផ្សាយកាលពីខែ មិថុនា ឆ្នាំ២០១៧៕

HyunA ធ្វើអោយគ្រប់គ្នាភ្ញាក់ផ្អើល ដោយសារតែក្បាច់រាំសិុចសីុរបស់នាង

ថ្ងៃទី ១៥ ខែ មិថុនា ឆ្នាំ ២០១៨ ម៉ោង ១០:២៦

គ្រាន់តែការចាប់ផ្ដើមប្រគុំតន្រ្តីរបស់តារាចម្រៀងទោលនារី HyunA បន្លឺឡើងធ្វើអោយក្រុមអ្នកគាំទ្រជាច្រើនរបស់នាង ភ្ញាក់ផ្អើលយ៉ាងខ្លាំង ដោយសារតែ តារាចម្រៀងស្រីរូបនេះ បានបញ្ចេញនូវក្បាច់យ៉ាងរស់រវើក ទាក់ទាញ ជាមួយនឹងស្ទីលតុបតែងខ្លួន សិុចសីុបែបយុវវ័យសម័យទំនើប យ៉ាងកក្រើកលើឆាកប្រគុំតន្រ្តី។ ថ្មីៗនេះ រូបថតលើឆាកប្រគុំតន្រ្តីរបស់តារាចម្រៀងស្រីរូបនេះ គឺត្រូវបានគេចាប់អារម្មណ៍យ៉ាងខ្លាំងក្នុងបណ្ដាញអីុនធើណែត ដោយបានឃើញថា HyunA បានតុបតែងខ្លួន ជាមួយនឹងស្ទីលខោខូវប៊យខ្លី បង្អួតសាច់សខ្ចីដូចបណ្ដូលចេក ជាមួយនឹងក្បាច់រាំយ៉ាងកន្រ្តាក់អារម្មណ៍ ធ្វើអោយគ្រប់គ្នានៅទីនោះ សម្លឹងមិនដាក់ភ្នែកនោះទេ ។HyunA តារាចម្រៀងស្រីរូបនេះ នាងតែងតែរិះរកគំនិតបង្កើតជាស្ទីលតុបតែងខ្លួន ក្បាច់រាំថ្មីៗប្លែកៗ ដើម្បីពញ្ញាក់អារម្មណ៍ទស្សនិកជន ក៏ដូចជាក្រុមអ្នកគាំទ្រខ្លួន អោយសប្បាយរីករាយប្លែកអារម្មណ៍ទៅតាមអ្វីដែលថ្មីរបស់ខ្លួនជារឿយៗ៕

Park Bom ឆ្លើយតបនឹងការចោទប្រកាន់ថានាងទទួលការវះកាត់កែសម្ផស្ស

ថ្ងៃទី ១៥ ខែ មិថុនា ឆ្នាំ ២០១៨ ម៉ោង ០៩:៤២

ថ្មីៗនេះ មានការលេចឮថា អតីតតារាចម្រៀងក្រុម 2NE1 Park Bom បានឲ្យគ្រូពេទ្យកែសម្ផស្ស ដែលដំណឹងនេះធ្វើឲ្យ នាងប្រតិកម្មយ៉ាងខ្លាំង។កាលពីថ្ងៃទី១១ ខែមិថុនា Park Bom បានប្រកាសពីការវិលត្រឡប់ ជាមួយបទចម្រៀងថ្មីតាម រយៈគណនី SNS ផ្ទាល់ខ្លួនរបស់នាង ប៉ុន្តែជាមួយនឹង ការប្រកាសអមដោយរូបភាពរបស់នាង បានធ្វើឲ្យតារាស្រីរូបនេះ រងការលើកឡើងថា នាងហាក់ដូចជាខុសប្លែកពីមុន ដែលគេចង់សំដៅទៅលើ ការកែសម្ផស្សរបស់ Park Bom ថានាង បានទៅឲ្យគ្រូពេទ្យធ្វើការវះកាត់។ទោះជាមានការលើកឡើងថា អតីតតារាស្រី 2NE1 រូបនេះបានវះកាត់កែសម្ផស្ស នៅលើមុខរបស់នាងយ៉ាងណាក្តី ប៉ុន្តែ Park Bom បានចេញមុខប្រតិកម្ម និងស្នើឲ្យបញ្ឈប់ការផ្សាយ ដោយចេះតែស្មាន បែបនេះតទៅទៀត៕

អតីត​គូ​​ដណ្ដឹង របស់​តារា​កំប្លែង​​ស្រី វ៉ាន់ នីឡា លោក ផន រង្សី ​ភ្ជាប់​ពាក្យ​ជាមួយ​គូស្នេហ៍​ថ្មី ជា​អ្នក​រស់​នៅ​ក្នុង​ស្រុក​ជាមួយ​គ្នា​!

ថ្ងៃទី ១៤ ខែ មិថុនា ឆ្នាំ ២០១៨ ម៉ោង ១៥:២០

ប្រិយមិត្តទស្សនិកជនប្រាកដជា បានជ្រាបរួចមកហើយ អំពីរឿងរ៉ាវ របស់តារាកំប្លែងស្រីវ័យក្មេង កញ្ញា វ៉ាន់ នីឡា ជាមួយនឹងកូនប្រុស ថៅកែវង់ល្ខោនបាសាក់ ដ៏ល្បីឈ្មោះ ប្រចាំនៅខេត្តតាកែវ ភី សុគន្ធី ដែលបានភ្ជាប់ពាក្យជាមួយគ្នា អស់រយៈពេលជាយូរឆ្នាំ ប៉ុន្តែក្រោយមក ក៏មានរឿងចម្រូងចម្រាស់ ដោយសារតែអ្នកទាំងពីរ មិនទាន់យល់ចិត្តថ្លើមគ្នាច្បាស់ ធ្វើឲ្យភាគីទាំងសងខាង បានសម្រេចចិត្ត ផ្ដាច់ពាក្យជាមួយគ្នាវិញ។ ស្ទើរតែមិនគួរឲ្យជឿ ខណៈដែលរឿងរ៉ាវនេះ មិនទាន់កន្លងហួសទៅយូរប៉ុន្មាន ក៏ស្រាប់តែពេលនេះ អតីតគូដណ្ដឹងរបស់នាង បានភ្ជាប់ពាក្យសារជាថ្មី។ជាការពិតណាស់ ពិធីភ្ជាប់ពាក្យរបស់ លោក ផន រង្សី បានប្រព្រឹត្តិឡើង នាព្រឹកថ្ងៃទី១៤ ខែមិថុនានេះ ដោយត្រូវបានគេដឹងថា គូស្នេហ៍ថ្មីដែលលោកបានភ្ជាប់ពាក្យ ដើម្បីធ្វើជាគូអនាគតនេះ មានឈ្មោះ ហ៊ុន អាប៉ូ គឺជាអ្នករស់នៅក្នុង ភូមិស្រុកជាមួយគ្នា ស្ថិតនៅក្នុងឃុំត្រពាំងសាប ស្រុកបាទី ខេត្តតាកែវ។គួរបញ្ជាក់ថា ចំពោះពិធីភ្ជាប់ពាក្យរបស់លោក ផន រង្សី ជាមួយនឹងគូស្នេហ៍ថ្មីនេះ ក៏មានការចូលរួមអបអរសាទរ ពីសំណាក់អ្នកដែលជិតស្និទ្ធជាមួយលោក និងឪពុកម្ដាយទាំងសងខាង ជាពិសេសក៏មានបណ្ដាអ្នកលេង នៅលើបណ្ដាញសង្គមហ្វេសប៊ុកជាច្រើន បានចូលរួមត្រេកអរចំពោះលោក ដែលបានរកឃើញគូអនាគតថ្មីនេះ ផងដែរ៕

ចិញ្ចៀន​ភ្ជាប់​ពាក្យ​របស់ Ariana Grande មួយវង់នេះ មានតម្លៃខ្ពស់មិនធម្មតា

ថ្ងៃទី ១៤ ខែ មិថុនា ឆ្នាំ ២០១៨ ម៉ោង ១៤:៣០

យោងតាម​វិប​សាយ TMZ បាន​ចុះផ្សាយឲ្យ​ដឹង​​ថា តារា​កំប្លែង Pete Davidson បាន​ចំណាយ​ប្រាក់​ជិត ១០០ ០០០ដុល្លារ ដើម្បី​ទិញ​ចិញ្ចៀន​ពេជ្រ​មួយ​​វង់​បំពាក់​លើ​ដៃ​ Ariana Grande ដែល​ត្រូវ​ជា​គូ​ដណ្ដឹង​របស់​លោក។​បើ​តាម​ប្រភព​ជិត​ស្និទ្ធ​មួយ​បាន​ឲ្យ​ដឹង​ថា តារា​កំប្លែង​ Davidson បាន​ទិញ​ចិញ្ចៀន​មាស​មួយ​វង់​ដែល​មាន​ដាំ​ពេជ្រ ៣,០៣ ការ៉ាត់ កាល​ពី​ខែ​មុន។ ចិញ្ចៀន​មួយ​វង់​នេះ​ផង​ដែរ ត្រូវ​ចំណាយ​ពេល​ជិត ២​សប្ដាហ៍​ក្នុង​ការ​ធ្វើ​វា​ឲ្យ​មាន​ម៉ូដ​តែ​មួយ​ប៉ុណ្ណោះ​សម្រាប់​តែ Ariana Grande។គួរ​រម្លឹក​ដែរ​ថា តារា​កំប្លែង Pete Davidson និង​តារា​ចម្រៀង Ariana Grande បាន​ភ្ជាប់​ពាក្យ​នឹង​គ្នា​កាលពីថ្ងៃទី​២១ ខែឧសភា ក្រោយ​ប្រកាសមានទំនាក់ទំនង​ស្នេហា​ជាមួយ​គ្នា​៕

ដើរលើកម្រាលព្រំក្រហមលើកនេះ Rihanna លេងខ្លួនក្នុងឈុតរ៉ូបបង្ហាញដើមទ្រូងឡើងទាក់ទាញ

ថ្ងៃទី ១៤ ខែ មិថុនា ឆ្នាំ ២០១៨ ម៉ោង ១៣:៤៤

កាលពីល្ងាចថ្ងៃទី ១៣ ខែមិថុនា តារាចម្រៀងស្រី Rihanna បានអញ្ជើញចូលរួមជាកិត្តិយសក្នុងព្រឹត្តិការណ៍សម្ពោធភាពយន្តហូលីវូដមួយ ជាលើកដំបូងរបស់ខ្លួន នៅក្នុងទីក្រុង ឡុងដ៍។នៅក្នុងការបង្ហាញវត្តមានរបស់ខ្លួន ដើរលើកម្រាលព្រំក្រហមក្នុងព្រឹត្តិការណ៍មួយនេះ  Rihanna សង្កេតឃើញថា នាងបានតុបតែងខ្លួនយ៉ាងលេចធ្លោ នូវឈុតរ៉ូបសម្លៀកបំពាក់ បង្អួតដើមទ្រូងដ៏សុិចសុី ជាមួយស្នាមញញឹមស្រស់ស្រាយ ទាក់ទាញចិត្ត គ្រប់គ្នានៅទីនោះ ចាប់អារម្មណ៍ខ្លាំង ក្នុងចំណោមតារាស្រីជាច្រើនទៀត ដែលបានចួលរួមសម្ដែងជាតួអង្គនៅក្នុងរឿងមួយនេះ ផងដែរ៕

តារាចម្រៀងទាំង ១១ នាក់ដែលមានរូបរាងសង្ហា និងស្អាតបំផុតនៅ K-pop

ថ្ងៃទី ១៤ ខែ មិថុនា ឆ្នាំ ២០១៨ ម៉ោង ១៣:១៤

K-Pop ត្រូវបានស្គាល់ និងមានភាពល្បីល្បាញខ្លាំងដោយសារតែតារាចម្រៀងរបស់ពួកគេមានភាពសង្ហា និងសម្រស់ស្រស់ស្អាតស្ទើរគ្រប់គ្នា។ ខាងក្រោមជាតារាចម្រៀងទាំង ១១ នាក់ដែលមានរូបរាងសង្ហា និងស្អាតបំផុតនៅ K-pop៖១១. តារាចម្រៀង Hyunjin សមាជិកក្រុម Stray Kids១០. តារាចម្រៀង Jinwoo សមាជិកក្រុម WINNER៩. តារាចម្រៀង Jiyeon សមាជិកក្រុម T-ARA៨. តារាចម្រៀង​ JR សមាជិកក្រុម NU’EST W៧. តារាចម្រៀង Minho សមាជិកក្រុម SHINee៦. តារាចម្រៀង Irene សមាជិកក្រុម Red Velvet៥. តារាចម្រៀង Mark សមាជិកក្រុម GOT7៤. តារាចម្រៀង Jisoo សមាជិកក្រុម BLACKPINK៣. តារាចម្រៀង Yoona សមាជិកក្រុម Girls’ Generation២. តារាចម្រៀង Jin សមាជិកក្រុម BTS១​. តារាចម្រៀង Tzuyu សមាជិកក្រុម TWICE