trollkhmer news

កម្សាន្ត

អីយ៉ា! Jisoo សមាជិក BLACKPINK តុបតែងខ្លួនយ៉ាងសិចស៊ី ថតផ្សព្វផ្សាយគ្រឿងសម្អាងម៉ាកល្បី

ថ្ងៃទី ២៤ ខែ កុម្ភះ ឆ្នាំ ២០២០ ម៉ោង ១៥:៣៧

ថ្មីៗនេះ Jisoo សមាជិក BLACKPINK បានលេចមុខនៅលើទស្សនាវដ្តីម៉ូដ 'VOGUE Korea' ជាមួយនឹងការផ្សព្វផ្សាយម៉ាកគ្រឿងសម្អាងដ៏ល្បី 'Dior' សម្រាប់ការចេញផ្សាយនៅក្នុងខែមីនា។Jisoo មើលទៅនាងនៅក្នុងរូបភាពទាំងនេះ ពិតជាមានភាពខុសប្លែកដូចជាមនុស្សពីរនាក់ផ្សេងគ្នា ព្រោះកម្រនឹងបានឃើញតារាស្រីរូបនេះ តុបតែងមុខបែបសិចស៊ីខ្លាំងណាស់ ជាពិសេសពណ៌ក្រែមក្រហមឆើតតែម្ដង។នេះបើយោងតាមរូបថតសន្លឹកមួយចំនួនរបស់នាង ដែលបានបង្ហាញចេញជាបន្តបន្ទាប់ Jisoo នាង ពិតជាមានភាពជឿជាក់ និងមានកែវភ្នែកទាក់ទាញមិនធម្មតា សម្លឹងចំកាមេរ៉ាយ៉ាងមុតស្រួច។ 

V សមាជិក BTS កំពុងធ្វើឱ្យអ្នកគាំទ្រលង់ស្នេហ៍ ពេលបានឃើញរូបស្រស់សង្ហាទាំងនេះ

ថ្ងៃទី ២៤ ខែ កុម្ភះ ឆ្នាំ ២០២០ ម៉ោង ១១:០២

BTS បន្ទាប់ពីទម្លាក់នូវអាល់ប៊ុមថ្មី “ Map Of the Soul: 7” របស់ខ្លួនជាផ្លូវការ កាលពីសប្ដាហ៍មុន ពិតជាមានសន្ទុះនៃការគាំទ្រយ៉ាងខ្លាំង ទាំងតន្រ្តី និងក្បាច់រាំដ៏រស់រវើករបស់តារាប្រុសវ័យក្មេងទាំង ៧ រូបរបស់ផលិតកម្ម Big Hit ក្លាយជាប្រធានគួរឱ្យចាប់អារម្មណ៍មួយកំពុងពេញនិយមរបស់អ្នកលេងអ៊ីនធឺណេតលើកយកមកពិភាក្សា។អ្វីដែលកាន់ធ្វើឱ្យអ្នកគាំទ្រផ្តោតការយកចិត្តទុកខ្លាំងនៅក្នុងការត្រឡប់មកវិញរបស់ក្រុមចម្រៀង BTS នោះ គឺតារាប្រុសរូបសង្ហា លោក V បានទាញយកចំណាប់អារម្មណ៍ពីហ្វេនៗជាច្រើនមានទាំងជនជាតិកូរ៉េ និងអន្តរជាតិផងដែរ។ ដោយម្នាក់ៗបានសរសើរពីលោក មិនដាច់ពីមាត់ទៅលើភាពស្រស់សង្ហា ឥតទាស់ទាំងក្នុង និងក្រៅឆាកតែម្ដង។ដូចជាពេលថ្មីៗនេះ V បានបង្ហាញខ្លួនជាសាធារណៈលើឆាកត្រន្តី ក្រោយពី BTS បានប្រកាសវិលត្រឡប់មកវិញជាមួយនឹងអាល់ប៊ុមថ្មីរបស់ពួកគេភ្លាម អ្នកគាំទ្រ និងអ្នកនិយមលេងអ៊ីនធឺណេត មានអារម្មណ៍ជ្រើមជ្រួលយ៉ាងខ្លាំង។  

Lisa ទាញការចាប់អារម្មណ៍ពីអ្នកគាំទ្រយ៉ាងខ្លាំង បង្ហាញខ្លួនក្នុងព្រឹត្តិការណ៍ Milan Fashion Week

ថ្ងៃទី ២២ ខែ កុម្ភះ ឆ្នាំ ២០២០ ម៉ោង ១០:៥៤

Lisa សមាជិករបស់ BLACKPINK បានបង្កភាពភ្ញាក់ផ្អើលជាថ្មីម្ដងទៀតដល់ទស្សនិជន នូវការបង្ហាញវត្តមានដ៏ស្រស់ស្អាតរបស់នាង ក្នុងព្រឹត្តិការណ៍ Milan Fashion Week រដូវកាលថ្មី ឆ្នាំ ២០២០។កាលពីថ្ងៃទី ២០ ខែកុម្ភៈ Lisa សមាជិករបស់ BLACKPINK ត្រូវបានគេប្រទះឃើញបានអញ្ជើញចូលរួមជាតារាកិត្តិយសក្នុងព្រឹត្តិការណ៍ Milan Fashion Week នៅឯប្រទេសអ៊ីតាលី។ តារាស្រីរូបនេះ ត្រូវបានគេចាប់អារម្មណ៍យ៉ាងខ្លាំងទៅលើពណ៌សក់ខ្មៅ និងឈុតរ៉ូបពណ៌មាសចែងចាំងដ៏ស្រស់ស្អាតរបស់នាង ដោយដកស្រង់ពីទស្សនាវដ្ដីម៉ូដ Vogue ដ៏ល្បីល្បាញមួយ។

ជិតដល់ថ្ងៃកំណត់ហើយ! Wooyoung សមាជិក 2PM នឹងត្រូវរំសាយចេញពីសេវាយោធា ក្នុងខែនេះ

ថ្ងៃទី ១៩ ខែ កុម្ភះ ឆ្នាំ ២០២០ ម៉ោង ១៣:៣៨

Wooyoung សមាជិកក្រុម 2PM នឹងរំសាយចេញពីការបំពេញកាតព្វកិច្ចយោធារបស់លោកហើយ នៅថ្ងៃទី ២៨ ខែកុម្ភៈ ឆាប់ៗនេះ!តារាចម្រៀងប្រុសរូបនេះ បានកំពុងតែត្រៀមខ្លួនវិលត្រឡប់មកវិញ ជាមួយនឹងការរង់ចាំស្វាមគន៍រូបលោកពីសំណាក់អ្នកគាំទ្រ ក៏ដូចជាអ្នកសារព័ត៌មាននៅថ្ងៃទី២៨ ខែកុម្ភៈខាងមុខនេះ បន្ទាប់ពីលោក ត្រូវប្រកាសរំសាយជាផ្លូវការមូលដ្ឋានកងពលលេខ ២១។ជាមួយគ្នានោះដែរ ក្រុមអ្នកគាំទ្ររបស់លោក បានសម្ដែងភាពរីករាយ និងរំភើបយ៉ាងខ្លាំង បន្ទាប់ពីទទួលដំណឹងល្អពីអាយដលរបស់ពួកគេ ជិតរំសាយចេញពីជួរកងទ័ព។

អាយដលទាំង២! Lisa BLACKPINK និង IU បង្ហាញខ្លួនព្រមគ្នា ធ្វើឲ្យអ្នកគាំទ្រពិបាកសម្រេចចិត្ត

ថ្ងៃទី ១៨ ខែ កុម្ភះ ឆ្នាំ ២០២០ ម៉ោង ១៤:០៦

នេះជាការចៃដន្យដ៏រំភើបមួយសម្រាប់ក្រុមអ្នកគាំទ្រដែលបានមើលឃើញតារាស្រីជាអាយដលរបស់ពួកគេ បង្ហាញខ្លួនព្រមៗគ្នា នៅឯអាកាសយានដ្ឋានអន្តរជាតិអ៊ិនឈុន។គួរបញ្ជាក់ថា Lisa សមាជិកក្រុម BLACKPINK និងតារាចម្រៀងទោល កញ្ញា IU បានចាកចេញទៅកាន់ប្រទេសអ៊ីតាលីក្នុងថ្ងៃតែមួយ តាមកាលវិភាគការងាររៀងៗខ្លួន បង្កជាអារម្មណ៍រំភើបដល់អ្នកគាំទ្រ និងនឹកស្មានមកដល់ថាតារាស្រីស្អាតទាំងពីររូប បានបង្ហាញជាមួយគ្នាបែបនេះសោះ។ហើយបន្ទាប់ពីទទួលបានចាប់អារម្មណ៍ខ្លាំងពីសំណាក់អ្នកគាំទ្ររបស់ពួកគេរួចមក។ ងាកមកមើលការតុបតែងខ្លួនរបស់តារាទាំងពីរវិញម្ដង ឃើញថា Lisa នាងកម្រនឹងផ្លាស់ប្ដូរស្ទីលម៉ូដសក់របស់នាងណាស់ ប៉ុន្តែជាញឹកញាប់នាង គ្រាន់តែប្ដូរពណ៌សក់តែប៉ុណ្ណោះ ហើយម្ដងនេះ នាង បានប្តូរនូវពណ៌សក់ខ្មៅ កាន់តែធ្វើឲ្យមុខមាត់របស់នាង ដូចជាកូនតុក្កតា យ៉ាងស្រស់ស្អាត។ ទន្ទឹងនឹងនោះដែរ តារាស្រី IU ឯណោះវិញ ក៏មិនចាញ់គ្នាប៉ុន្មានដែរ នាង មើលទៅស្រស់ស្អាតយ៉ាងប្រណិត ជាមួយនឹងរូបរាងតូចច្រឡឹង កាន់តែធ្វើឲ្យអ្នកគាំទ្រចាប់អារម្មណ៍រឹតតែខ្លាំង។

Suzy ត្រឡប់មកវិញជាថ្មីម្ដងទៀត សម្រស់កាន់តែស្អាត ទាក់ចិត្តអ្នកគាំទ្រយ៉ាងខ្លាំង

ថ្ងៃទី ១៧ ខែ កុម្ភះ ឆ្នាំ ២០២០ ម៉ោង ១៤:៤៣

កាលពីថ្ងៃទី ១៣ ខែកុម្ភៈ រូបភាពថ្មីៗរបស់ Suzy ដែលថតផ្សព្វផ្សាយឲ្យ ‘GUESS’ ពិតជាទាក់ភ្នែកអ្នកគាំទ្រ និងអ្នកនិយមលេងអ៊ីនធឺណេតយ៉ាងខ្លាំង ទាំងរូបសម្រស់មានមន្តស្នេហ៍ និងរូបរាងស្អាតរបស់នាង ក្នុងឈុតសម្លៀកបំពាក់ ដែលបានបង្ហាញ។ បន្ទាប់ពីមានការចេញផ្សាយពីភ្នាក់ងារខាងលើរួចហើយ ងាកមកមើលរូបថតមួយចំនួនរបស់តារាសម្ដែង និងចម្រៀងស្រីរូបនេះ បានបង្ហោះនៅលើគណនី Instagram ផ្លូវការផ្ទាល់តែម្ដង។ ឃើញថា Suzy នាង ពិតជាមានភាពទាក់ទាញ និងលេចធ្លោរជាទីបំផុត សូម្បីតែរូបថតខាងក្រៅឆាក ក៏ដោយ។ 

Jennie សមាជិករបស់ BLACKPINK ចេញទៅក្រៅប្រទេសម្ដងនេះ លេងស្ទីលតែងខ្លួនយ៉ាងឡូយ

ថ្ងៃទី ១៤ ខែ កុម្ភះ ឆ្នាំ ២០២០ ម៉ោង ១១:២៣

កាលពីថ្ងៃទី ១៣ ខែកុម្ភៈ សង្កេតឃើញថា មានក្រុមនារី K-Pop ជាច្រើនក្រុមបានបង្ហាញខ្លួនបន្តបន្ទាប់គ្នានៅឯព្រលានយន្តហោះអ៊ីនឈុន បានធ្វើដំណើរទៅកាន់ទិសដៅរៀងខ្លួនៗរបស់ពួកគេ ហើយនេះក៏ជាទិដ្ឋភាពកម្រនឹងបានឃើញផងដែរ។ក្នុងនោះក៏មានតារាចម្រៀងស្រី Jennie សមាជិករបស់ BLACKPINK ដែលបង្ហាញខ្លួនតែម្នាក់ឯងប៉ុណ្ណោះ ធ្វើដំណើរទៅកាន់ប្រទេសបារាំង លើកាលវិភាគការងារថតម៉ូតរបស់នាង។ កាយវិការដ៏គួរឲ្យស្រឡាញ់របស់តារាស្រីរូបនេះ នៅពេលនោះ ពិតជាធ្វើឲ្យបណ្ដាលក្រុមអ្នកគាំទ្រចាប់អារម្មណ៍លើនាងជាខ្លាំង ទាំងការរៀបចំខ្លួន ម៉ូដសក់ Jennie មើលទៅនាង គឺមានភាពលេចធ្លោរ ទាក់ទាញពិតមែន។

តារាសម្ដែងកូរ៉េ ៨ ដួង មានប្រជាប្រិយភាពក្នុងសិល្បៈតាំងពីក្មេងរហូតដល់ពេលបច្ចុប្បន្ន

ថ្ងៃទី ១៣ ខែ កុម្ភះ ឆ្នាំ ២០២០ ម៉ោង ១៦:១៤

ជាការពិតណាស់ ក្នុងវិស័យសិល្បៈកម្សាន្ត មានតារាសម្តែងប្រុសស្រីល្បីៗមួយចំនួន ដែលបានចូលប្រឡូកក្នុងការថតសម្តែងតាំងពីពួកគេនៅក្មេងមកម្ល៉េះ។ តាំងពីដើមមករហូតដល់ពេលបច្ចុប្បន្ន មានតារាកូរ៉េ ៨ ដួង ដែលត្រូវបានទស្សនិជនស្គាល់ច្បាស់ តាមរយៈការលេចមុខជាញឹកញាប់នៅក្នុងរឿងភាគល្បីៗជាច្រើន។ ហើយពេលនេះ ពួកគេ បានទទួលភាពជោគជ័យនៅលើអាជីពសម្ដែងយ៉ាងរលូន។Kim SohyunLee SeyoungNam JihyunYoo SeunghoKim YoojungYeo JingooKim SaeronJung Insun

អបអរសាទរ! HyunA ពេលនេះ ក្លាយជាតារាម៉ូដតំណាងឲ្យម៉ាក Calvin Klein

ថ្ងៃទី ១៣ ខែ កុម្ភះ ឆ្នាំ ២០២០ ម៉ោង ១១:២៨

HyunA បានក្លាយជាតារាតំណាងសម្រាប់ម៉ាក Calvin Klein ដ៏ល្បីល្បាញជាផ្លូវការ ដោយបង្ហាញរូបភាពថតម៉ូដឈុតក្នុងយ៉ាងមានភាពទាក់ទាញ និងជាលើកដំបូងបំផុតរបស់នាង សម្រាប់ម៉ាកល្បីមួយនេះ។ដូចដែលប្រិយមិត្តបានឃើញនូវរូបថតមួយចំនួនរបស់នាងខាងក្រោមនេះ HyunA នាង ពិតជាមានភាពជឿជាក់យ៉ាងខ្លាំង បញ្ចេញនូវរាងសិចស៊ីដ៏ស្លីមស្អាតនៅមុខកាមេរ៉ា ដែលធ្វើឲ្យអ្នកគាំទ្ររបស់នាង ពិបាកនឹងបដិសេធ នៅពេលដែលបានឃើញរូបថតស្ពតផ្សព្វផ្សាយពាណិជ្ជកម្មទាំងអស់របស់នាង។