trollkhmer news

កម្សាន្ត

ថៅកែស្រីវ័យក្មេងត្រូវស្នងមុខជំនួញពីឪពុកម្តាយ រវល់ដល់ថ្នាក់គ្មានពេលតែងខ្លួន រហូតត្រូវជួលប្រុសស្អាតម្នាក់បន្លំធ្វើភេទទី ៣ ឱ្យជួយកែប្រែ

ថ្ងៃទី ២៩ ខែ កក្តដា ឆ្នាំ ២០២០ ម៉ោង ០៩:២៨

កម្សាន្ត៖ ឱ្យតែឮពាក្យថាប្រហុក អ្នកណាៗក៏ដឹងដែរថាមានក្លិនស្អុយ តែបើនិយាយពីរសជាតិវិញ គឺជាប់ចិត្តដែលវាជាម្ហូបតំណាងឱ្យខ្មែរយើងផងដែរ។ យ៉ាងណាមិញ សម្រាប់រឿងភាគខ្មែរ “ប្រហុកក្រអូប” ដែលនឹងត្រៀមចាក់បញ្ចាំងលើកញ្ចក់ទូរទស្សន៍ និងផេកផ្លូវការរបស់ CTN និង MyTV ក្នុងពេលឆាប់ៗនេះ បានបង្ហាញពីជីវិតរបស់នារីស្រស់ស្អាតម្នាក់ដែលត្រូវឪពុកម្តាយជួបគ្រោះថ្នាក់ចរាចរណ៍ ស្លា ប់ចោលធ្វើឱ្យនាងត្រូវមានភាពរឹងមាំដើម្បីកាន់មុខជំនួញបន្ត។សាច់រឿង “ប្រហុកក្រអូប” បានបង្ហាញពីជីវិតថៅកែស្រីវ័យក្មេង ស្រស់ស្អាតដែលមានឈ្មោះ ពេជ្រ គឺជានិស្សិតដែលបានបញ្ចប់ការសិក្សាថ្នាក់បរិញ្ញាបត្រផ្នែកច្បាប់ ដោយសារនាងមានក្តីស្រមៃចង់ក្លាយជាមេធាវី ប៉ុន្តែរូបនាងត្រូវបង្ខំចិត្តលះបង់ចោល ដោយសារត្រូវកាន់កាប់តួនាទីបន្តពីឪពុកម្តាយក្នុងការគ្រប់គ្រងសិល្បកម្មផលិតទឹកត្រី។ ជានារីម្នាក់ដែលត្រូវរ៉ាប់រងការងារគ្រប់បែបយ៉ាងធ្វើឱ្យ ពេជ្រ គ្មានពេលវេលាតុបតែងខ្លួនដូចនារីដទៃឡើយ រហូតធ្វើឱ្យអាណាព្យាបាលដែលត្រូវជាតាយាយរបស់នាង កើតក្តីបារម្ភជាខ្លាំង និងបានជួលបុរសម្នាក់ឈ្មោះ វិសាល មកក្លែងធ្វើជាភេទទី ៣ ដើម្បីផ្លាស់ប្តូរនាងទៀតផង។នេះគ្រាន់តែជាសាច់រឿងត្រួសៗប៉ុណ្ណោះ ដូចនេះបើចង់ដឹងសាច់រឿងពេញថាតើ ក្រោយពីវិសាលដែលជាតួឯកប្រុសក្នុងរឿងភាគ ប្រហុកក្រអូប បានបន្លំខ្លួននៅក្បែរ ពេជ្រ ហើយបានផ្លាស់ប្តូរថៅកែស្រីវ័យក្មេងរូបនេះបានអ្វីខ្លះ កុំភ្លេចតាមដានទស្សនារឿង “ប្រហុកក្រអូប” នៅលើកញ្ចក់ទូរទស្សន៍ និងផេកផ្លូវការរបស់ CTN ចាប់ពីថ្ងៃទី០១ ខែសីហា ឆ្នាំ២០២០ រៀងរាល់ថ្ងៃសៅរ៍-អាទិត្យ វេលាម៉ោង ៧-៨ យប់ និងនៅលើ MyTV ចាប់ពីថ្ងៃទី ៣ ខែសីហា ឆ្នាំ២០២០ រៀងរាល់ថ្ងៃចន្ទ-អង្គារ វេលាម៉ោង ១-២ ថ្ងៃត្រង់តទៅ៕https://www.facebook.com/ctntvcambodiadrama/videos/288598682215545/អត្ថបទ៖  MyTV Plus

រឿង “មន្តស្នេហ៍ក្រមុំឆ្នាស” នៅ MYTV

ថ្ងៃទី ២១ ខែ កក្តដា ឆ្នាំ ២០២០ ម៉ោង ១២:៣៩

ភ្នំពេញ៖ ឆាប់ៗខាងមុខនេះ រៀងរាល់ថ្ងៃចុងសប្តាហ៍ អាហារថ្ងៃត្រង់ ចាប់ពីថ្ងៃសៅរ៍ ទី២៥ ខែកក្កដា ទូរទស្សនិកជននឹងបានប្លែកអារម្មណ៍ជាមួយភាពយន្តភាគថៃល្បីមួយទៀត នៅលើកញ្ចក់ស្ថានីយ៍ទូរទស្សន៍ MYTV គឺរឿង “មន្តស្នេហ៍ក្រមុំឆ្នាស” ។ ព្រោះតែអត្តចរិតកាច ឆ្នាស រឹងរួស អ្នកដទៃធ្វើអ្វីពុំសូវត្រូវចិត្ត ជាហេតុធ្វើឱ្យអ្នកដទៃ មិនថាបុគ្គលិកក្រោមបង្គាប់ខ្លួនពុំសូវមានអ្នកណាចូលចិត្ត ហើយកោតខ្លាច ម្ចាស់ក្រមុំថ្មី ដែលជាអ្នកស្នងដំណែងក្រុមហ៊ុន ពីឪពុក រហូតដល់គេដាក់រហ័សនាមថា ស្រីឆ្នាស គ្រប់គ្នាៗ។ តែភាពឆ្នាស កាចរឹងរួសនោះ របស់ម្ចាស់ក្រមុំថ្មី ត្រូវបានរសាត់ជាសះស្បើយបន្តិចម្តងៗ ដោយសារកម្លោះលេខាសង្ហាមកក្បែរ ហើយមានចិត្តអត់ធន់អាចទប់ទល់ជាមួយអត្តរិចក្រមុំឆ្នាសបាន។ ដូចនេះ ចង់ដឹងថាតើកម្លោះលេខាសង្ហា យុទ្ធិកាន មានមន្តថ្នាំអ្វី ដែលអាចបន្សាប់អត្តចរិតកាចឆ្នាសម្ចាស់ក្រមុំបាននោះ? សូមរងចាំទស្សនាតាមដានទាំងអស់គ្នានៅលើកញ្ចក់ទូរទស្សន៍ MYTV តែមួយគត់ រៀងរាល់ចុងសប្តាហ៍ នៅថ្ងៃសៅរ៍ និងថ្ងៃអាទិត្យ វេលាម៉ោង ១២ ថ្ងៃត្រង់ នឹងផ្សាយឡើងវិញ វេលាម៉ោង ៥ ល្ងាច ហើយនឹងមានឡាយបន្តផ្ទាល់លើបណ្តាញសង្គមហ្វេកបុកផេក MYTV ផងដែរ។ សូមអរគុណ

“ចំណងអាពាហ៍ពិពាហ៍” រឿងភាគកូរ៉េដែលទទួលបានអ្នកចូលទស្សនាច្រើនបំផុតមិនធ្លាប់មាន នឹងបញ្ចាំងលើកញ្ចក់ទូរទស្សន៍ CTN

ថ្ងៃទី ២០ ខែ កក្តដា ឆ្នាំ ២០២០ ម៉ោង ១៧:១២

កម្សាន្ត៖ CTN មិនដែលធ្វើឱ្យទស្សនិកជនអស់សង្ឃឹមឡើយក្នុងការនាំយកនូវរឿងភាគល្បីៗ មកចាក់ផ្សាយជូនទស្សនិកជនទស្សនា។ សម្រាប់ខែកក្កដានេះផងដែរ CTN ក៏បាននាំយកនូវរឿងភាគល្បីប្រចាំប្រទេសកូរ៉េខាងត្បូងដែលមានសន្ទុះនៃការគាំទ្រខ្ពស់ខ្លាំងនោះគឺរឿង “ចំណងអាពាហ៍ពិពាហ៍” សម្រាប់ជាចំណងដៃដល់ទស្សនិកជនដែលតែងគាំទ្រ CTN កន្លងមក។សាច់រឿងដែលបានឆ្លុះបញ្ចាំងនូវសង្គមពិត ពាក់ព័ន្ធនឹងជីវិតគ្រួសារ ការសងសឹកពោរពេញដោយការភាន់ច្រឡំ និងការលាតត្រដាងការពិតដ៏គួរឱ្យភ្ញាក់ផ្អើលក្នុងផ្ទៃរឿងទាំងមូល បានធ្វើឱ្យអ្នកទស្សនាអន្ទះសាចង់ដឹងដំណើររឿងនឹងទៅជាយ៉ាងណាបន្តទៀតដែលជាក់ស្តែងរឿង “ចំណងអាពាហ៍ពិពាហ៍” នេះបានបំបែកកំណត់ត្រាមានអ្នកទស្សនាច្រើនបំផុតមិនធ្លាប់មាន។គួរបញ្ជាក់ដែរថា រឿង “ចំណងអាពាហ៍ពិពាហ៍” នេះនឹងមានចាក់ផ្សាយលើកញ្ចក់ទូរទស្សន៍ និងផេកផ្លូវការរបស់ CTN នៅថ្ងៃពុធ ទី២២ ខែឧសភា សប្តាហ៍ក្រោយ វេលាម៉ោង ១១ ព្រឹកតទៅរៀងរាល់ថ្ងៃចន្ទ ដល់ សុក្រ ដូចនេះកុំភ្លេចរង់ចាំតាមដានទស្សនាទាំងអស់គ្នា៕

សម្រាប់ថ្ងៃនេះតួអង្គ ព្កុលមាស ធំពេញវ័យហើយចង់ដឹងថា ឆោមផ្កា និងមីងខី ដែលជាម្តាយ បន្តធ្វើបាបគ្នាដល់ណាទៀត

ថ្ងៃទី ០៨ ខែ កក្តដា ឆ្នាំ ២០២០ ម៉ោង ១៧:១៦

កម្សាន្ត៖ សម្រាប់ថ្ងៃនេះ ប្រិយមិត្តពិតជាប្លែកភ្នែកនៅពេលដែលឃើញតួអង្គ ព្កុលមាស ធំពេញវ័យ ហើយក៏ចង់ដឹងដែលថា ប្អូនស្រី ឆោមផ្កា និងមីងខី ដែលជាម្តាយដែលមានចរិតកាចឆ្នាស ឈ្នានីស ចូលចិត្តធ្វើបាបគ្នា តាំងតែពីតូចរហូតដល់ធំ ក៏នៅតែធ្វើបាប មិនដឹងពេលណាទៅបានឈប់ធ្វើបាបគ្នាទៅ។ថ្ងៃនេះ ព្កុលមាស កាន់តែធំសម្រស់កាន់តែស្អាត មានចរិតស្លូតបូត គួរឱ្យស្រឡាញ់ ដឹងតែប្រិយមិត្តបានឃើញភ្លាមរឹតតែស្រឡាញ់ ពេញចិត្តពីតួអង្គមួយនេះ ពិសេសការសម្តែងរបស់គាត់តែម្តង។ ចំណែកតួអង្គមួយទៀត ដែលគេល្បីថាកាចឆ្នាស ចូលចិត្តឈ្នានីស ក៏បានធំពេញវ័យដូចគ្នាគឺ ឆោមផ្កា ដែលប្រិយមិត្តខ្លះសរសើរពីការសម្តែងរបស់គាត់ គ្រប់ឈុតឆាកគាត់ធ្វើចរិតកាចឆ្នាស់ ពិតជាសមខ្លាំងណាស់ ពិសេសទាំងម្តាយទាំងកូនតែម្តង។ក្នុងភាគទី១៣នេះ ប្រាកដជាធ្វើឱ្យប្រិយមិត្តដែលទស្សនានៅភាពយន្តភាគបុរាណខ្មែររឿង “ទេពធីតាព្កុលមាស” កានតែជក់ចិត្ត ហើយរឹតតែចង់ដឹងថា ព្កុលមាស ធំហើយតើមានរឿងអ្វីកើតឡើងចំពោះ ព្កុលមាស ទៀតព្រោះគាត់ត្រូវបានតួអង្គ ឆោមផ្កា ដែលជាប្អូនស្រី និងមីងខី ជាម្តាយ នៅតែបន្តធ្វើបាបគ្នារហូត តើគ្នាខុសអ្វីទៅបានជាជាតិនេះជួបបាបកម្មយ៉ាងនេះ មកប៉ះគ្រួសារខុសគេ៕កុំភ្លេចទស្សនាភាពយន្តភាគបុរាណខ្មែររឿង “ទេពធីតាព្កុលមាស” តាមកញ្ចក់ទូរទស្សន៍ CTN រៀងរាល់ថ្ងៃ ចន្ទ-ព្រហស្បតិ៍ វេលាម៉ោង ៧យប់ តទៅ៕អត្ថបទ៖ ឡុង រតនា

ឆាក Cover night ថ្មី ចំណីអារម្មណ៍ប្លែក...

ថ្ងៃទី ០៧ ខែ កក្តដា ឆ្នាំ ២០២០ ម៉ោង ១៧:០១

កម្មវិធី Cover Night ដែលជាកម្មវិធីផ្ដល់នូវចំណីអារម្មណ៍បែបចម្រៀង Acoustic តែមួយគត់របស់ស្ថានីយទូរទស្សន៍ MYTV គឺធ្វើការចាក់ផ្សាយ នូវរៀងរាល់ថ្ងៃព្រហស្បត្តិ៍ វេលាម៉ោង ៨:០០ ដល់ម៉ោង ៩:០០ យប់ តាមរយៈហ្វេសប៊ុកផេកផ្លូវការ របស់កម្មវិធី Cover Night និងស្ថានីយទូរទស្សន៍ MYTV។ថ្មីៗនេះ កម្មវិធី Cover Night បានត្រឡប់មកវិញជាមួយរដូវកាលថ្មី រសនិយមបទចម្រៀងប្លែកៗ មិនត្រឹមតែប៉ុណ្ណោះ Cover Night ក៏បាននាំមកនូវឆាកតន្ត្រីដ៏ថ្មីសន្លាងគួរឲ្យទាក់ទាញផងដែរ។ដើម្បីទទួលបានបទចម្រៀង Acoustic ថ្មីៗ ពិរោះៗ និងបានជួបជាមួយ Idol ក្នុងដួងចិត្តអ្នកទាំងអស់គ្នា សូមកុំភ្លេចកម្មវិធី Cover Night។សូមចូលទៅកាន់ Link ខាងក្រោមនេះ ដើម្បីទស្សនាការច្រៀង Acoustic Cover របស់អ្នកចម្រៀងផ្សេងៗជាច្រើនរូប៖https://www.facebook.com/covernightMYTV/videos/553770728636981/

“ធាតុប្រល័យធាតុ” គឺជាខ្សែភាពយន្តបែបមន្តអាគមបូករួមនឹងការប្រយុទ្ធតទល់គ្នាតាមរយៈផ្លូវងងឹត រវាងធាតុល្អ និងធាតុអាក្រក់

ថ្ងៃទី ០១ ខែ កក្តដា ឆ្នាំ ២០២០ ម៉ោង ១៦:៤២

កម្សាន្ត៖ “ធាតុប្រល័យធាតុ” សាច់រឿងព្រឺព្រួចពោរពេញទៅដោយមន្តអាគមមានទាំងផ្លូវល្អ និងអាក្រក់ ដោយតួអង្គអាក្រក់មានចំណេះវិជ្ជាខាងផ្លូវងងឹតបានចាប់មនុស្សទាំងរស់យកទៅបូជាស្រស់ៗរហូតដល់ជនរងគ្រោះស្លាប់យ៉ាងវេទនា ស្របពេលដែលតួអង្គល្អបានព្យាយាមជួយសង្គ្រោះជីវិតមនុស្សឱ្យអស់លទ្ធភាពដោយសារខ្លួនមានញាណពិសេសអាចដឹងហេតុការណ៍អាក្រក់កើតឡើងមុន។ សាច់រឿងដ៏គួរឱ្យជក់ចិត្តនេះបានចាក់បញ្ចាំងនៅលើកញ្ចក់ទូរទស្សន៍ ក៏ដូចជាផេកផ្លូវការរបស់ស្ថានីយ៍ទូរទស្សន៍ CTN នៅថ្ងៃនេះដែលទើបតែបានចាក់ផ្សាយត្រឹមភាគដំបូងប៉ុណ្ណោះ ប៉ុន្តែសាច់រឿងហាក់ទាក់អារម្មណ៍ទស្សនិកជនឱ្យចាំតាមដានទស្សនាចង់ដឹងសាច់រឿងបន្តថាតើជោគជតារបស់ជនរងគ្រោះនឹងទៅជាយ៉ាងណា។ចង់ដឹងថា ការប្រយុទ្ធគ្នាតាមផ្លូវងងឹតនេះអាចបំផ្លាញមនុស្ស ឬ សង្គ្រោះមនុស្សបានដល់កម្រិតណា កុំភ្លេចតាមដានរឿង “ធាតុប្រល័យធាតុ” ដែលមានចាក់ផ្សាយជូនទស្សនារៀងរាល់ថ្ងៃចន្ទ-សុក្រ វេលាម៉ោង ១២ ថ្ងៃត្រង់ និង ម៉ោង ៩ យប់នៅលើកញ្ចក់ទូរទស្សន៍ និងផេកផ្លូវរបស់ CTN។ ចង់ជ្រាបថា រឿងភាគថៃមួយនេះគួរឱ្យជក់ចិត្តដល់កម្រិតណា តោះទៅទស្សនាឈុតខ្លីទាំងអស់គ្នា៕https://www.facebook.com/ctntvcambodiadrama/videos/266972347736619/

នៅថ្ងៃស្អែកនេះស្ថានីយទូរទស្សន៍ CTN នឹងផ្សាយជូនទស្សនានូវកម្មវិធីធ្វើមុខម្ហូបបែបខ្មែរថ្មីមួយទៀតហើយ!

ថ្ងៃទី ០១ ខែ កក្តដា ឆ្នាំ ២០២០ ម៉ោង ១៦:២២

កម្សាន្ត៖ ការរំពឹង នឹងទន្ទឹងរង់ចាំបានមកដល់ទៀតហើយ ប្លែកសម្រាប់ឆ្នាំ២០២០ ទស្សនិកជនពិតជាបានឃើញពីស្នាដៃធ្វើម្ហូបរបស់តារា សម្តែង តារាច្រៀងល្បីៗប្រចាំប្រទេសកម្ពុជា ថាតើគាត់អាចចំអិនម្ហូបបានប៉ុន្មានមុខ ហើយមានរស់ជាតិបែបណា ដើម្បីឱ្យគណៈកម្មការត្រួតពិនិត្យ ថាតើក្រុមរបស់ខ្លួនអាចទទួលបានជ័យជម្នះពីគូរប្រកួតបានដែរឬទេ? ហើយក្រុមមួយណានឹងក្លាយជាម្ចាស់ជ័យលាភីទឹកប្រាក់ចំនួន ២០លានរៀល ពីកម្មវិធី “សង្វៀនម្ហូប” របស់ស្ថានីយទូរទស្សន៍ CTN។មួយសប្តាហ៍ ទៅមួយសប្តាហ៍ គូរប្រកួតនីមួយៗពិតជាខិតខំប្រឹងប្រែង មិនបន្ធូរដៃដល់គូរប្រកួតរបស់ខ្លួននោះឡើយ គោលដៅសំខាន់របស់ក្រុម ត្រូវធ្វើយ៉ាងណាដើម្បីយកភាពជោគជ័យឱ្យបាន ឆ្ពោះទៅដណ្តើមទឹក ២០ប្រាក់លានរៀលពីកម្មវិធី “សង្វៀនម្ហូប” ។ មិនត្រឹមតែប៉ុណ្ណឹងនោះទេ អ្នកខ្លះរំភើបរហូតដល់ស្រក់ទឹកភ្នែកពេលដែលដឹងថាខ្លួនអាចធ្វើបាននៅក្នុងកម្មវិធីមួយនេះ ហើយខ្លះទៀតចាញ់ដោយមិនអស់ចិត្ត ស្តាយអ្វីដែលខ្លួនធ្វើមិនបានល្អ។សូមកុំភ្លេចរង់ចាំទស្សនាកម្មវិធី “សង្វៀនម្ហូប” តាមរយៈកញ្ចក់ទូរទស្សន៍ CTN និង Page CTN រៀងរាល់ថ្ងៃ ព្រហស្បតិ៍ វេលាម៉ោង ៨យប់-៩យប់ តទៅ៕https://www.facebook.com/ctntvcambodia/videos/762507207823929/

ការសម្តែងជាតួកាចឆ្នាសរបស់តួអង្គ “ឆោមផ្កា” ក្នុងរឿង “ទេពធីតាព្កុលមាស” ពិតជាមានភាពទាក់ទាញខ្លាំងមែនទែន!

ថ្ងៃទី ២៩ ខែ មិថុនា ឆ្នាំ ២០២០ ម៉ោង ១៥:៥៩

កម្សាន្ត៖ តួអង្គសម្តែងមួយរូប ដែលមានវ័យក្មេង សម្តែងជាតួអង្គ “ឆោមផ្កា” កំពុងធ្វើឱ្យប្រិយមិត្តជាច្រើនក្នាញ់ និងចាប់អារម្មណ៍ជាមួយទម្រង់នៃការសម្តែងរបស់គាត់។ ការសម្តែងរបស់គាត់ពិតជាមានភាពរស់រវើក ទាក់ទាញ ពិសេសគាត់អាចសម្តែងបានជាតួអង្គកាចឆ្នាស ឈ្នានីស បានយ៉ាងស្ទាត់ជំនាញ មិនចាញ់តួរៀមច្បងប៉ុន្មាននោះឡើយ។ ទស្សនិកជនប្រាកដជាចង់ដឹងថា កុមារី រ៉ាស៊ី លីខារីសា តួអង្គ “ឆោមផ្កា” មានអាយុប៉ុន្មានហើយ បានជាសម្តែងបានយ៉ាងល្អបែបនេះ ដូចនេះ MyTV Plus សូមបញ្ជាក់ជូនទស្សនិកជនឱ្យបានដឹងច្បាស់ថា កុមារីម្នាក់នេះ គាត់ទើបតែមានអាយុ ៨ឆ្នាំប៉ុណ្ណោះ។ ចំពោះការសម្តែងរបស់គាត់នៅក្នុងរឿងភាគបុរាណខ្មែរ “ទេពធីតាព្កុលមាស” ក៏ជាលើកទីមួយសម្រាប់រូបគាត់ផងដែរ ប៉ុន្តែគាត់ពិតជាសម្តែងបានយ៉ាងល្អជាមួយសំឡេងពិត មិនបញ្ចូលនោះឡើយ។ កុមារី រ៉ាស៊ី លីខារីសា ក៏ធ្លាប់បានបញ្ជាក់ប្រាប់ថា គាត់មិនមានចរិតកាចឆ្នាសដូចដែលទស្សនិកជនបានឃើញនោះទេ ព្រោះនេះគ្រាន់តែជាការសម្តែងតែប៉ុណ្ណោះ។ ឆោមផ្កា គឺជាតួមួយដែលកាច ឆ្នាសខ្លាំង និងតាមឈ្នានីស ព្កុលមាសរហូត ត្បិតអ្វីនេះគឺជាទោសដែល ទេពធីតាព្កុលមាស ត្រូវទទួល ក៏ព្រោះតែបានធ្វើខុសនឹងច្បាប់ឋានលើ។ សូមរង់ចាំតាមដានទស្សនាភាពយន្តភាគបុរាណខ្មែររឿង “ទេពធីតាព្កុលមាស” តាមរយៈកញ្ចក់ទូរទស្សន៍ CTN រៀងរាល់ថ្ងៃ ចន្ទ-ព្រហស្បតិ៍ វេលាម៉ោង ៧យប់៕

រឿង “ជោគជតាពិឃាត” នៅ MYTV ឆាប់ៗនេះ

ថ្ងៃទី ២៦ ខែ មិថុនា ឆ្នាំ ២០២០ ម៉ោង ១៦:៣៩

ភ្នំពេញ៖ ឆាប់ៗនេះ  ទស្សនិកជននឹងបានទស្សនា រឿង “ជោគជតាពិឃាត” ជាភាពយន្តភាគថៃល្បី ដែលជាសាច់រឿងជក់ចិត្ត ដិតអារម្មណ៍ មានឈុតឆាកយុទ្ធសាស្ត្រ វាយប្រហារ សង្គ្រាម លាយឡំនឹងជីវិតស្នេហាដ៏ជូរចត់កម្សត់ រស់ឃ្លាតចាកឆ្ងាយពីគ្នា ព្រោះតែបេសកកម្មបម្រើជាតិ។លើសពីនេះទៀត ព្រោះតែជំនឿជឿការទស្សន៍ទាយខ្សែរជីវិត បានធ្វើឱ្យមនុស្សពីរនាក់រួមសម្បថ ដោយដំណក់ឈាមជាសាក្សី រាប់អានស្រឡាញ់គ្នាជាបងប្អូនអស់មួយជីវិត ប្រែទៅជាភាពសៅហ្មងខ្វល់ ខ្វាយក្នុងចិត្ត ដោយទំនាយទាយថា នឹងមានម្នាក់ស្លាប់ បើនៅជាមួយគ្នា។  អបីយ៍ជំនឿ ក្បួនទស្សន៍ទាយហោរាសាស្ត្រ ជោគជតាជីវិត នៃមនុស្ស មានតាំងពីសម័យកាលដ៏យូរលង់ណាស់មកហើយ ដែលបានដក់ជាប់ជាជំនឿ របស់មនុស្សរហូតមកដល់ពេលបច្ចុប្បន្ន ថ្វីត្បិតតែ ពិភពលោកនេះបានជឿនលឿនដោយវិទ្យាសាស្ត្រ ពោរពេញទៅដោយបច្ចេកវិទ្យាទំនើបៗយ៉ាងណាក៏ដោយចុះ។ ដូចនេះ ថាតើ រឿង “ជោគជតាពិឃាត” មានឈុតឆាកជក់ចិត្តយ៉ាងណានោះ សូមរង់ចាំទស្សនាចាប់ពីថ្ងៃទី១៣ ខែកក្ដដា ឆ្នាំ២០២០ វេលាម៉ោង ១១ ព្រឹក ខាងមុខនេះ បន្ទាប់ពីរឿង “មន្តស្នេហ៍ក្រមុំតូច” នៅលើកញ្ចក់ទូរទស្សន៍ MYTV នឹងការឡាយលើផេកផ្លូវការ MYTV DRAMA ផងដែរ៕