trollkhmer news

កម្សាន្ត

តារាសម្ដែងដ៏ល្បី លោក Kang Ji Hwan ត្រូវបានចាប់ខ្លួនពីបទរំលោភសេពសន្ថវៈ និងបៀតបៀនផ្លូវភេទ

ថ្ងៃទី ១៥ ខែ កក្តដា ឆ្នាំ ២០១៩ ម៉ោង ១៦:៤១

កូរ៉េខាងត្បូង៖ តារាសម្តែង លោក Kang Ji Hwan ត្រូវបានចាប់ខ្លួនកាលពីថ្ងៃទី១០ ខែកក្កដា នៅឯគេហដ្ឋានរបស់លោកក្រោមការសង្ស័យពីបទរំលោភសេពសន្ថវៈ និងបៀតបៀនផ្លូវភេទ។ តារាសម្តែងវ័យ៤២ ឆ្នាំរូបនេះ មានភាពល្បីល្បាញខ្លាំង តាមរយៈការសម្ដែងនៅក្នុងខ្សែភាពយន្តជាច្រើនដូចជា 'Coffee House' និង 'Monster' ។មានសេចក្ដីរាយការណ៍ថា លោក Kang Ji Hwan បានផឹកស្រវឹងជាមួយអ្នកស្គាល់គ្នាពីរនាក់គឺ A និង B កាលពីថ្ងៃទី៩ ខែកក្កដា។ បន្ទាប់ពីពួកគេស្រវឹងគេងលក់ លោក Kang Ji Hwan បានចាប់រំលោភ A និងបៀតបៀនផ្លូវភេទ B។ លោក Kang បានប្រាប់ប៉ូលិសថា លោក មិនចាំអ្វីទាំងអស់ ដោយសារតែនៅពេលនោះស្រវឹង៕

BLACKPINK ធ្លាក់មកលេខ២ ក្នុងចំណាត់ក្រុមចម្រៀងនារីដែលមានប្រជាប្រិយភាពបំផុតទាំង១០

ថ្ងៃទី ១៥ ខែ កក្តដា ឆ្នាំ ២០១៩ ម៉ោង ១៥:៤៦

កូរ៉េខាងត្បូង៖ វិទ្យាស្ថានស្រាវជ្រាវអាជីវកម្មកូរ៉េ (Korea Business Research Institute) បានចេញផ្សាយចំណាត់ថ្នាក់ប្រជាប្រិយភាពក្រុមចម្រៀងនារីទាំង១០ សម្រាប់ខែកក្កដា។ក្រុម Red Velvet បានឡើងទៅចំណាត់ថ្នាក់កំពូល បន្ទាប់ពីការវិលត្រលប់មកវិញថ្មីៗនេះ របស់ពួកគេ ដោយផ្តួលក្រុម BLACKPINK ឱ្យធ្លាក់ទៅចំណាត់ថ្នាក់លេខ២។ ១. Red Velvet២. BLACKPINK៣. TWICE៤. IZ*ONE៥. WJSN៦. GFRIEND៧. Lovelyz៨. fromis_9៩. Girl’s Generation១០. (G)I-DLE

ចេញក្រៅប្រទេសម្ដងនេះ Wonho សមាជិក MONSTA X លេងស្ទាយ៌ប្លែកខុសសព្វដង

ថ្ងៃទី ១៥ ខែ កក្តដា ឆ្នាំ ២០១៩ ម៉ោង ១៤:៤២

កូរ៉េខាងត្បូង៖ កាលពីថ្ងៃទី១២ ខែកក្កដា Wonho សមាជិក MONSTA X បានបង្ហាញខ្លួន យ៉ាងគួរឲ្យភ្ញាក់ផ្អើលបំផុត ក្នុងចំណោមសមាជិកក្រុមទាំងអស់របស់លោក នៅឯអាកាសយានដ្ឋានអន្ដរជាតិ Incheon ដើម្បីធ្វើការហោះហើរទៅកាន់អង់គ្លេស។ជាធម្មតា ក្រុមចម្រៀងបុរស MONSTA X ត្រូវបានគ្រប់គ្នាផ្ដោតការចាប់អារម្មណ៍ខ្លាំងទៅលើម៉ូដសម្លៀកបំពាក់សមាជិកក្រុមរបស់ពួកគេគ្រប់គ្នា ប៉ុន្តែទោះជាយ៉ាងណា នៅពេលនោះ Wonho បានធ្វើឲ្យអ្នកគាំទ្រជាច្រើនស្ទើរតែមិនចង់ជឿនឹងភ្នែក ទៅលើការលេងស្ទាយ៌ខោខ្លីរបស់លោក ស្រដៀងនឹងខោហែលទឹក បង្ហាញខ្លួនក្នុងហ្វូងមនុស្សជាច្រើន។ហើយសម្រាប់ខោខ្លីមួយនេះដែរ ត្រូវបានគេដឹងថាជាម៉ាក Vetements មានតម្លៃប្រមាណ ៣៩០ដុល្លារ។

Jungyeon សមាជិក TWICE ធ្វើឲ្យអ្នកគាំទ្រស្រងាកចិត្ត ក្រោយឃើញសម្រស់ពិតរបស់នាង

ថ្ងៃទី ១៥ ខែ កក្តដា ឆ្នាំ ២០១៩ ម៉ោង ១០:២៨

កូរ៉េខាងត្បូង៖ កាលពីថ្មីៗនេះ ក្រុមចម្រៀងនារីដ៏ល្បីឈ្មោះ TWICE បានបង្ហាញវត្តមាននៅឯព្រលានយន្តហោះអន្តរជាតិក្នុងប្រទេស ដើម្បីធ្វើការហោះហើរទៅកាន់ការប្រគុំតន្រ្តីរបស់ពួកគេ។ក៏ប៉ុន្តែតារាចម្រៀងស្រីមួយរូប ក្នុងចំណោមសមាជិករបស់ TWICE បានធ្វើឲ្យអ្នកគាំទ្ររបស់នាង ស្រងាកចិត្តជាខ្លាំង នៅពេលនាងបង្ហាញមុខមាត់ពិតរបស់នាង ដោយគ្មានការផាត់មុខជំនួយ។តារាស្រី Jungyeon ក្រៅពីរង្វង់ភ្នែកធំ និងសភាពស្បែកមិនភ្លឺថ្លាហើយ សូម្បីតែសម្រស់មុខមាត់របស់នាង ក៏ភាពចម្រូងចម្រាស់ ផងដែរ ត្រូវបានក្រុមអ្នកនិយមលេងអ៊ីនធឺណេតក្នុងប្រទេសកូរ៉េ គិតថា ភាពស្រស់ស្អាតរបស់ Jungyeon នៅមានកម្រិត បើសិនជាមិនមានការផាត់មុខជំនួយនោះទេ។គួររម្លឹកផងដែរថា នេះមិនមែនជាលើកទី១ ទេ ដែលតារាស្រី Jungyeon ធ្វើឲ្យអ្នកគាំទ្ររបស់នាង ស្រងាកខ្លាំងដោយសារតែ សម្រស់ពិតរបស់នាង ព្រោះកន្លងមក រាល់ពេលបង្ហាញខ្លួននៅព្រលានយន្តហោះ នាងមិនសូវជាចាប់អារម្មណ៍តុបតែងមុខមាត់អ្វីច្រើននោះទេ។

Jennie សមាជិកក្រុម BLACKPINK មើលទៅស្អាតខ្លាំង ក្នុងឈុតខោអាវពណ៌ខ្មៅ និងពណ៌ផ្កាឈូក

ថ្ងៃទី ១២ ខែ កក្តដា ឆ្នាំ ២០១៩ ម៉ោង ១៥:៤៥

កូរ៉េខាងត្បូង៖ នៅថ្ងៃទី១១ ខែកក្កដា ឆ្នាំ២០១៩ សមាជិកក្រុមចម្រៀង BLACKPINK, Jennie, Jisoo និងRosé ត្រូវបានគេប្រទះឃើញនៅអាកាសយានដ្ឋាន Incheon ធ្វើដំណើរទៅកាន់ប្រទេសថៃដើម្បីធ្វើការប្រគុំតន្រ្តីរបស់ពួកគេ។អ្នកគាំទ្រជាច្រើន បាននាំគ្នាសរសើរសម្រស់របស់ Jennie ថា នាងមើលទៅស្រស់ស្អាត និងទន់ភ្លន់សមជានារី។អ្នកគាំទ្រក៏មានភាពភ្ញាក់ផ្អើលដែលនាងជ្រើសរើសស្លៀកពាក់ Black (ពណ៌ខ្មៅ) និង Pink(ពណ៌ផ្កាឈូក) ដែលនេះត្រូវនឹងឈ្មោះក្រុមរបស់នាង BLACKPINK។ នាងនិយាយថា នាងស្លៀកពាក់ពណ៌ទាំងពីរដើម្បីសម្តែងការគោរពដល់ក្រុមរបស់នាង និងដើម្បីបង្ហាញពីមោទនភាពរបស់នាងក្នុងនាមជាសមាជិក៕

ក្រុមចម្រៀងទាំង៩ ដែលមានបំផុតនៅក្នុងឧស្សាហកម្មកម្សាន្ត K -Pop

ថ្ងៃទី ១២ ខែ កក្តដា ឆ្នាំ ២០១៩ ម៉ោង ១៤:៥៤

កូរ៉េខាងត្បូង៖ K-Pop គឺជាឧស្សាហកម្មកម្សាន្តធំមួយនៅក្នុងពិភពលោក។ មានក្រុមថ្មីថ្មោងជាច្រើន បានបង្ហាញខ្លួនជារៀងរាល់ឆ្នាំ។ ប៉ុន្តែមិនមែនក្រុមទាំងអស់សុទ្ធតែអាចរកប្រាក់ចំណូលបានច្រើនដូចក្រុមទាំង៩ នេះទេ។9. ក្រុមចម្រៀង GOT78. ក្រុមចម្រៀង Red Velvet7. ក្រុមចម្រៀង Wanna One6. ក្រុមចម្រៀង SEVENTEEN5. ក្រុមចម្រៀង EXO4. ក្រុមចម្រៀង TVXQ3. ក្រុមចម្រៀង BLACKPINK2. ក្រុមចម្រៀង TWICE1. ក្រុមចម្រៀង BTS

២ឈុតរបស់ Song Hye Kyo ធ្វើឲ្យអ្នកគាំទ្រភ្ញាក់ផ្អើលខ្លាំងពីភាពសិចស៊ីរបស់នាង

ថ្ងៃទី ១២ ខែ កក្តដា ឆ្នាំ ២០១៩ ម៉ោង ១០:០១

កូរ៉េខាងត្បូង៖ ថ្មីៗនេះ យោងតាមរយៈគេហទំព័រ Sina និង Weibo បានចែករំលែករូបភាពថ្មីរបស់តារាសម្ដែងស្រី Song Hye Kyo ចូលរួមក្នុងព្រឹត្តិការណ៍បង្ហាញម៉ូដគ្រឿងពេជ្រដ៏ល្បីល្បាញមួយ។ខណៈពេលដែលតារាសម្ដែងស្រីរូបនេះ បានបង្ហាញវត្តមានរបស់ខ្លួន ក្នុងហ្វូងមនុស្សជាច្រើន ពិតជាគួរឲ្យមានការភ្ញាក់ផ្អើលយ៉ាងខ្លាំង ជាមួយនឹងការតុបតែងខ្លួនដ៏សិចស៊ី ស្រស់ឆើតឆាយបំផុត ក្នុងឈុតរ៉ូបចំនួន ២ ឈុត ដិតជាប់អារម្មណ៍របស់អ្នកគាំទ្រយ៉ាងខ្លាំង ព្រោះកម្រនឹងបានឃើញតារាសម្ដែងរូបនេះ លេងខ្លួនបែបសិចស៊ីទាក់ទាញបែបនេះណាស់ ចាប់តាំងពីលែងលះគ្នានឹងតារាសម្ដែងប្រុស លោក Song Joong Ki។

Goo Hyesun និយាយពីមូលហេតុនាងឡើងទម្ងន់ ១៣គីឡូ ដោយសារតែប្ដីរបស់នាង

ថ្ងៃទី ១១ ខែ កក្តដា ឆ្នាំ ២០១៩ ម៉ោង ១៧:០៨

ឆ្លៀតក្នុងឱកាសផ្ដល់បទសម្ភាសថ្មីៗនេះ ទាក់ទងអំពីរឿងប្រលោមលោកថ្មីរបស់ខ្លួន អ្នកនាង Goo Hyesun បានសារភាពថា ឥឡូវនេះ ទម្ងន់របស់នាង មានការកើនឡើង រហូតដល់ទៅ ១៣គីឡូក្រាមឯណោះ គិតចាប់តាំងពីអ្នកនាង បានថតសម្ដែងជាតួឯកស្រីក្នុងរឿង "Boys over Flowers" របស់ទូរទស្សន៍ KBS2 ។តារាស្រីរូបនេះ បាននិយាយបន្តថា "ខ្ញុំគិតថា ខ្ញុំជាមនុស្សម្នាក់ដែលមិនងាយឡើងគីឡូលឿននោះទេ មានតែងាយនឹងស្រកគីឡូទៅវិញ ប៉ុន្តែខ្ញុំមិនដឹងថា ហេតុអ្វីថ្មីៗនេះ ទម្ងន់របស់ខ្ញុំចេះតែឡើងមិនងាយស្រកសោះឡើយ"។បន្ទាប់មកនាង បាននិយាយអំពីប្ដីរបស់នាង តារាសម្ដែងប្រុស Ahn Jaehyun ដោយបានលើកឡើងថា លោក គឺជាកត្តាមួយនៃការឡើងទម្ងន់របស់នាង ដោយអ្នកនាង បាននិយាយថា "គាត់ ពិតជាចូលចិត្តសាច់មាន់បំពងមកខ្លាំងណាស់ ហើយគាត់ទិញតែសាច់មាន់ ប៉ុណ្ណោះ ហើយតែងតែទុកចោល ពិតហើយ ខ្ញុំបានញ៉ាំវារហូត មិនអាចបោះចោលទៅធុងសំរាមបានទេ"។ 

ភរិយា​ដ៏ស្រស់​សោភា​របស់ នាយ ចយ សល់​តែ ២ខែ​ទៀត​នឹង​សម្រាល​កូនប្រុស​ដំបូង

ថ្ងៃទី ១១ ខែ កក្តដា ឆ្នាំ ២០១៩ ម៉ោង ១២:០៤

ភ្នំពេញ៖ ទស្សនិជនបានជ្រាបហើយថា បន្ទាប់ពីរៀបការរួច នាយ ចយ និងភរិយាដ៏ស្រស់សោភា បានកសាងសុភមង្គលយ៉ាងខ្លាំង ក្នុងក្រុមគ្រួសារ។ កាន់តែពិសេសថែមទៀតនោះ បច្ចុប្បន្ន ភរិយារបស់តារាកំប្លែងរូបនេះ កំពុងត្រៀមខ្លួនសម្រាលកូនប្រុសដំបូងរបស់ខ្លួន ខណៈទស្សនិកជនក៏កំពុងអន្ទះសារ ចង់ឃើញមុខកូនប្រុសដំបូងរបស់គូស្វាមីភរិយាទាំងពីរ។ពិតណាស់ បន្ទាប់ពីរៀបការរយៈពេល១ឆ្នាំជាងមក ពេលនេះត្រូវបានមហាជនសង្កេតឃើញថា នាយ ចយ កំពុងមមាញឹកខ្លាំង ក្នុងការប្រកបរបរចិញ្ចឹមគ្រួសារ ព្រោះនៅថ្ងៃខាងមុខដ៏ខ្លី នាយនឹងក្លាយឪពុករបស់គេហើយ។ ងាកមកភរិយាវិញ ថ្មីៗនេះ នាងបានបញ្ចេញរូបភាពប៉ុន្មានសន្លឹកលើបណ្តាញសង្គម ពិតជាធ្វើឲ្យមហាជនចាប់អារម្មណ៍គ្រប់គ្នាជាមួយនឹងឈុតក្បិនបុរាណខ្មែរ បង្ហាញពីផ្ទៃពោះ ដែលនឹងជិតដល់ពេលសម្រាលនោះ ដើម្បីទុកជាអនុស្សាវរីយជាមួយនឹងទឹករំភើប សប្បាយរីករាយ ក្នុងការត្រៀមរង់ចាំវត្តមានរបស់កូនប្រុស របស់ពួកគេ។បើតាមប្រភពបានឲ្យដឹងថា នាង ប៉ិច ក្វាន់ឌី ភរិយាតារាកំប្លែង នាយចយ នឹងសម្រាលកូនដំបូង នៅអំឡុងពាក់កណ្ដាលខែកញ្ញា ឆ្នាំ ២០១៩ ខាងមុខនេះ។ ទោះបីដឹងថាកូនដំបូងរបស់អ្នកទាំងពីរ គឺជាកូនប្រុសក៏ពិតមែន តែពួកគេមិនទាន់រកនឹកឈ្មោះដាក់ឲ្យកូននៅឡើយទេ។ ប្រភពបន្តថា ជុំវិញរឿងកូនចៅនេះ ក្វាន់ឌី បញ្ជាក់ថា យកកូនតែម្នាក់ គឺនៅមិនទាន់គ្រប់គ្រាន់ទេ គឺនាងនៅចង់បានថែមទៀត។ ដូច្នេះហើយ នាងបានដាក់កំហិតនាយ ចយ ថា ត្រូវប្រឹងបន្ថែមទៀត។ បន្ទាប់ពីនោះមក នាងនឹងពិចារណាថាគួរបញ្ឈប់ត្រឹមហ្នឹងតែម្ដង ឬយកទៀត។គួរជម្រាបថា នាយ ចយ និង អ្នកនាង ប៉ិច ក្វាន់ឌី បានរៀបមង្គលការជាមួយគ្នា កាលពីថ្ងៃទី ២៧ កុម្ភៈ ២០១៨។ អាពាហ៍ពិពាហ៍របស់អ្នកទាំងពីរ ត្រូវបានគេដឹងថា សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចងដៃដល់ទៅ ១ម៉ឺនដុល្លារអាមេរិកឯណោះ ហើយក៏មានការចូលរួមជាពិសេស ពីសំណាក់កូនប្រុស បង្កើតរបស់សម្តេច គឺ ឯកឧត្ដម ហ៊ុន ម៉ាណែត និង ឯកឧត្ដម ហ៊ុន ម៉ានីផងដែរ៕