trollkhmer news

ភាពយន្តដ៏ល្បី រឿង “ភូមិគ្រឹះលោហិត” នឹងមកដល់ក្នុងពេលឆាប់ៗនេះនៅ MYTV

ថ្ងៃទី ១០ ខែ មេសា ឆ្នាំ ២០២០ ម៉ោង ១២:០៤

ភាពយន្តដ៏ល្បី រឿង “ភូមិគ្រឹះលោហិត” នឹងមកដល់ក្នុងពេលឆាប់ៗនេះនៅ MYTV

ភ្នំពេញ៖ ដើមឆ្នាំ ២០២០ នេះ ទូរទស្សន៍ MYTV បាននាំមកនូវភាពយន្តភាគថៃល្បីមួយទៀតហើយ គឺរឿង “ភូមិគ្រឹះលោហិត” ដែលជាខ្សែភាពយន្តភាគ ពោរពេញទៅដោយ បាលីមន្តអាគមន៍គាថា  វេទមន្តយន្តសាក់ ភ័យរន្ធត់ព្រឺព្រួច តក់ស្លុត វិញ្ញាណប្រទាក់ក្រឡាគ្នាឆ្លងភព ព្រោះតែភក្តីភាពស្នេហា។



ថ្វីត្បិតតែ ពិភពលោកបានជឿនលឿន បែបវិទ្យាសាស្ត្រ យ៉ាងណាក៏ដោយចុះ តែបាលីក្បួនវេទមន្ត អាគមន៍គាថា ដាស់វិញ្ញាណសណ្ឋិត នៃអមនុស្ស ជាអរូបីយ៍នៃពិភពលោកនេះ មានតាំងពីសម័យកាលដ៏យូរលង់ណាស់មកហើយ ដែលបានដក់ជាប់ជាជំនឿមិនអាចប្រកែកបានរបស់មនុស្សលោកក្នុងពេលបច្ចុប្បន្ន។



រឿង “ភូមិគ្រឹះលោហិត” ព្រោះតែក្តីស្រឡាញ់ បានធ្វើឳ្យចិត្តពុះកញ្ជ្រោល ក្លាយទៅជាវិញ្ញាណបិសាច កំណាច់ ដោយសារតែអាក់អន់ចិត្តជាមួយមនុស្សដែលខ្លួនស្រឡាញ់ និងគូសត្រូវស្នេហា ដែលបានសន្យា ពីអតីតកាល បានធ្វើឳ្យក្លាយទៅជារឿងរ៉ាវតាមចងអាឃាតគ្នាមិនចេះចប់។



ហេតុនេះ ថាតើរឿងរ៉ាវ “ភូមិគ្រឹះលោហិត” យ៉ាងណានោះ សូមរងចាំតាមដានទស្សនានៅលើកញ្ចក់ទូរទស្សន៍ MYTV និង CNC រៀងរាល់ថ្ងៃចន្ទ ដល់ ថ្ងៃសុក្រ វេលាម៉ោង ១១ ព្រឹក នឹងមានការផ្សាយឡើងវិញ នៅវេលាម៉ោង ៦ ល្ងាច នៅលើកញ្ចក់ទូរទស្សន៍ MYTV ឆាប់ៗនេះ។ សូមអរគុណ