trollkhmer news

Woodward វាយបកអ្នករិះគន់ ហើយនិយាយថា Solskjaer គឺជាបុរសត្រឹមត្រូវសម្រាប់ ManUtd

ថ្ងៃទី ១៨ ខែ តុលា ឆ្នាំ ២០១៩ ម៉ោង ១១:១១

Woodward វាយបកអ្នករិះគន់ ហើយនិយាយថា Solskjaer គឺជាបុរសត្រឹមត្រូវសម្រាប់ ManUtd

អង់គ្លេស៖ អនុប្រធានប្រតិបត្តិរបស់  Manchester United លោក Ed Woodward  បានឆ្លើយតបទៅនឹងការជេរប្រមាថថា ក្រុមបិសាចក្រហមកំពុងត្រូវបានគ្រប់គ្រងដោយមនុស្សខុស ហើយបានទទូចថា Ole Gunnar Solskjaer ជាមនុស្សត្រឹមត្រូវក្នុងការគ្រប់គ្រងក្លិប។



ក្រុមបិសាចក្រហមបានចាប់ផ្តើមយុទ្ធនាការដ៏អាក្រក់បំផុតរបស់ពួកគេចាប់តាំងពីឆ្នាំ ១៩៨៩-៩០ ដោយទទួលបានជ័យជម្នះតែ២ លើកគត់ ពីការប្រកួតក្របខ័ណ្ឌ Premier League ចំនួន ៨ លើករបស់ពួកគេរហូតមកដល់ពេលនេះ ហើយស្ថិតក្នុងចំណាត់ថ្នាក់លេខ១២ ដោយមានតែ ៩ ពិន្ទុ។ នៅមុនការប្រកួតដ៍ធំមកដល់ លោក Woodward បានជំរុញឱ្យអ្នកគាំទ្ររក្សាភាពអត់ធ្មត់ និងគាំទ្រអ្នកចាត់ការ Solskjaer ដែលបានមកដឹកនាំជាផ្លូវការកាលពីខែមីនា។



លោក Woodward បាននិយាយនៅក្នុងកិច្ចប្រជុំបុគ្គលិកប្រចាំឆ្នាំរបស់ក្លិបកាលពីថ្ងៃព្រហស្បតិ៍ថា៖ «ផ្នែកកណ្តាលនៃរដូវកាលចុងក្រោយ បន្ទាប់ពីការមកដល់របស់  Solskjaer មានអារម្មណ៍ថា ពាក់ព័ន្ធនឹងអ្វីដែលយើងចង់សម្រេចបាន និងកន្លែងដែលយើងចង់ក្លាយជា។  យើងបានឃើញក្រុមមួយលេងបាល់របៀបលឿន ដោយមានការបង្ហាញយ៉ាងច្បាស់ពីស្ទីល និងទស្សនវិជ្ជាដែលអ្នកគ្រប់គ្រងចង់បាន។ គាត់កំពុងកសាងក្រុមដែលគោរពប្រវត្តិសាស្រ្តរបស់ក្លិបដែលក្នុងនោះកីឡាករខិតខំប្រឹងប្រែង និងគោរពមិត្តរួមក្រុម។ គ្មាននរណាធំជាងក្លិបទេ»៕ 


ប្រែសំរួលដោយ : TK

ប្រភព​ : Onefootball