trollkhmer news

ប្រធានក្លិប Napoli៖ ប្រសិនបើ Maguire មានតម្លៃ ៨០លានផោន នោះ Koulibaly នឹងមានតម្លៃ ២៥០

ថ្ងៃទី ០៩ ខែ សីហា ឆ្នាំ ២០១៩ ម៉ោង ១៥:១៣

ប្រធានក្លិប Napoli៖ ប្រសិនបើ Maguire មានតម្លៃ ៨០លានផោន នោះ Koulibaly នឹងមានតម្លៃ ២៥០

អ៊ីតាលី៖ ប្រធានក្លិប Napoli លោក Aurelio de Laurentiis ចំអកចំពោះលុយដែល Manchester United បានចំណាយទៅលើ Harry Maguire ថា បើខ្សែការពារអង់គ្លេសមានតម្លៃប៉ុននោះ ដូច្នេះកីឡាកររបស់គាត់មានតម្លៃ ៣ដងច្រើនជាងអ្វីដែល ManUtd បានចំណាយ។ 



Maguire បានផ្ទេរទៅ Old Trafford ពី Leicester City ក្នុងតម្លៃ ៨០លានផោនដែលជាតម្លៃបំបែកកំណត់ត្រាពិភពលោកសម្រាប់ខ្សែការពារ ហើយលោក  De Laurentiis ជឿជាក់ថា នេះជាតម្លៃខ្ពស់ពេកសម្រាប់កីឡាករដែលក្រុមបិសាចក្រហមបានទិញ ហើយបានស្នើថា កីឡាករ Kalidou Koulibaly អាចនឹងមានតម្លៃ ២៥០ លានផោន។



នាយកប្រតិបត្តិរូបនេះបានប្រាប់ ESPN ថា៖  "ខ្សែការពារ Koulibaly មានតម្លៃផ្ដាច់កុងត្រាត្រឹមតែ ១៥០លានផោន"។ ប៉ុន្តែឧទាហរណ៍នៅប្រទេសអង់គ្លេសពួកគេបានចំណាយប្រាក់ ៨៥ លានផោនសម្រាប់កីឡាករម្នាក់ បើនៅ Napoli  អាចនឹងចាយតែ ៣០-៣៥ លានផោនប៉ុណ្ណោះ។  ដោយគិតដូច្នេះខ្ញុំគិតថា តម្លៃរបស់ Koulibaly គឺ ២៥០ លានផោន ប្រសិនបើពួកគេចំណាយប្រាក់ដ៍ច្រើនសម្រាប់ Maguire៕


ប្រែសំរួលដោយ : TK

ប្រភព​ : Goal