trollkhmer news

ខ្សែបម្រើវ័យក្មេង Leroy Sane ថាមិនអាចទៅរួចទេចំពោះរឿងផ្ទេរទៅកាន់ Man UTD

ថ្ងៃទី ០៥ ខែ វិច្ឆិកា ឆ្នាំ ២០១៨ ម៉ោង ២២:៥៥

ខ្សែបម្រើវ័យក្មេង Leroy Sane ថាមិនអាចទៅរួចទេចំពោះរឿងផ្ទេរទៅកាន់ Man UTD


ខ្សែបម្រើវ័យក្មេង Leroy Sane បានចេញមុខមក​បដិសេធ​​ពី​ពាក្យ​ចចាមអារ៉ាម​ដែល​ថា​ រូប​គេ​អាចនឹង​ផ្ទេរ​ទៅកាន់​គូ​ប្រជែង​រួម​ទីក្រុង​ Manchester United។


កីឡាករ​អាល្លឺម៉ង់​រូប​នេះ​បាន​និយាយ​នៅ​ពេល​ក្រោយ​​បញ្ចប់​ការ​ប្រកួត​ទល់​នឹង​ក្លឹប​ Southampton ថា​៖ " វា​មិន​អាច​ទៅ​រួច​ទេ! វា​មិន​អាច​ទៅ​រួច​ទេ! ខ្ញុំ​សប្បាយ​ចិត្ត​នៅ​ទី​នេះ​ហើយ​។ ខ្ញុំ​គិត​ថា​ ខ្ញុំ​មក​កន្លែង​ត្រូវ​ហើយ​"។


ចាប់​តាំង​ពី​ផ្ទេរ​មក​ក្លឹប​ Manchester City នៅ​ឆ្នាំ ២០១៦​មក​ កីឡាករ​វ័យ​២២​ឆ្នាំ​រូប​នេះ បាន​បង្ហាញ​ខ្លួន​​បាន​​៩៩​លើក ដោយរក​គ្រាប់​បាល់​បាន​ ២៦​គ្រាប់​ និង​បញ្ជូន​បាល់​ឲ្យ​មិត្ត​រួម​ក្រុម​បាន​ ៣១​ដង។


ដោយឡែកនៅសប្តាហ៍នេះ Manchester City នឹង​បើក​កីឡដ្ឋាន​ Etihad របស់​ខ្លួន​ត្រៀម​ទទួល​ Manchester United នៃការប្រកួតក្របខ័ណ្ឌ Premier League សប្តាហ៍ទី១២។


ប្រែសំរួលដោយ : ឆើត

ប្រភព​ : Goal