ក្លឹបមួយកំពុងនាំមុខគេក្នុងការនាំយកខ្សែបម្រើ Aaron Ramsey ពី Arsenal ដោយឥតគិតថ្លៃ

ថ្ងៃទី ០៥ ខែ វិច្ឆិកា ឆ្នាំ ២០១៨ ម៉ោង ១៥:៣៥

យោងតាមសារព័ត៌មាននៅអង់គ្លេសបានចេញផ្សាយថា Bayern Munich គឺជាក្លិបនាំមុខមួយយ៉ាងគួរឱ្យភ្ញាក់ផ្អើលក្នុងការប្រជែងយកខ្សែបម្រើ Aaron Ramsey ពី Arsenal នៅពេលកិច្ចសន្យារបស់ខ្សែបម្រើវេសល៍រូបនេះផុតសុពលភាពនៅរដូវក្ដៅឆ្នាំ២០១៩ខាងមុខនេះ។

បានចុះផ្សាយថា Bayern បាននាំមុខ Manchester United, Liverpool, Chelsea និងក្លិបមួយចំនួនទៀតក្នុងការប្រជែងយក Ramsey។ ដោយឡែកតាមច្បាប់របស់ FIFA ក្លិបមកពីលីគបរទេសត្រូវបានអនុញ្ញាតឱ្យបើកការចរចាកុងត្រាជាមួយកីឡាករដែលនៅសល់កិច្ចសន្យា៦ខែចុងក្រោយ។