trollkhmer news

Justin និងSelena ផ្អែម​ល្ហែម​ជាមួយ​គ្នា​​ មុនថ្ងៃ១៤កុម្ភៈបាត់​ទៅ​ហើយ

ថ្ងៃទី ១៣ ខែ កុម្ភះ ឆ្នាំ ២០១៨ ម៉ោង ១៤:២៥

Justin និងSelena ផ្អែម​ល្ហែម​ជាមួយ​គ្នា​​ មុនថ្ងៃ១៤កុម្ភៈបាត់​ទៅ​ហើយ


ទោះ​បី​ជា​មិន​ទាន់​ដល់​ថ្ងៃ​បុណ្យ​នៃ​សេចក្ដី​ស្រឡាញ់​ក៏​ដោយ ប៉ុន្តែ​តារា​ចម្រៀង Selena Gomez និង​Justin Bieber បាន​ចំណាយ​ពេល​យ៉ាង​ផ្អែមល្ហែម​ជាមួយ​គ្នា​បាត់​ទៅ​ហើយ។ 




តារាចម្រៀងទាំងពីរ ត្រូវបានគេប្រទះឃើញបាន​​ធ្វើ​ដំណើរ​ទៅ​ឆ្នេរ Laguna ក្នុង​រដ្ឋ California ហើយ​បាន​ស្នាក់​នៅ​ក្នុង​សណ្ឋាគារ Montage ជាមួយ​គ្នា ពេញ​មួយ​សប្ដាហ៍។ 


យោងតាម​ប្រភព​មួយ​បានឲ្យដឹងថា៖ "Justin និង Selena បាន​ឲ្យ​អ្នក​បើក​ឡាន​ជូន​ពួក​គេ​ទៅ​ឆ្នេរ Laguna កាល​ពី​​រសៀល​ថ្ងៃ​សៅរ៍។ Justin ធ្លាប់​បាន​ទៅ​សណ្ឋាគារ​ Montage ជា​ច្រើន​លើក​ពី​មុន​មក ហើយ​លោក​ចូលចិត្ត​ទៅ​កន្លែង​នេះ​ជានិច្ច​​រាល់​ពេល​ដែល​លោក​ចង់​ចំណាយ​ពេល​ជា​លក្ខណៈ​ឯកជន"។




នៅ​ពេល​ដែល​ពួក​គេ​ទៅ​ដល់  "អ្នក​ទាំង​២បានបណ្ដើរ​គ្នា​លេង​នៅ​លើ​ផ្លូវ​ពី​មុខ តំបន់​លម្ហែដែល​មើល​ទៅ​ឃើញ​សមុទ្រ។ ដោយ​មេឃ​ហាក់អួរអាប់​មាន​ពពក​ច្រើន ដូច្នេះ​ទើប​ពួក​គេ​មិន​ចំណាយ​ពេល​នៅ​ក្រៅ​យូរ​"។


ក្រោយមកមានពាក្យចចាមអារ៉ាមលេចឭថា តារា​ចម្រៀង Selena Gomez អាច​នឹង​ចំណាយ​ពេល​ក្នុង​ថ្ងៃ​១៤ កុម្ភៈ​នៅ​ទី​ក្រុង​ ញូវយ៉ក ដោយ​ត្រូវ​ចូលរួម​កម្មវិធី Coach for Fashion Week។​ ទោះ​បី​ជា​មិន​បាន​ចំណាយ​ពេល​ជាមួយ​គ្នា​ក្នុង​ថ្ងៃ​ពិសេស​នេះ​ក្ដី ក៏​គូ​ស្នេហ៍​តារា​មួយ​គូ​នេះ បាន​ឆ្លៀត​ចំណាយ​ពេល​ជាមួយ​គ្នា​មុន​ថ្ងៃ​បុណ្យ​នៃ​សេចក្ដី​ស្រឡាញ់​បាត់​ទៅហើយ៕ ​​





ប្រែសំរួលដោយ : trollkhmer

ប្រភព​ : TMZ