trollkhmer news

សង្គមនិងជីវិត

Trump: ខ្ញុំធ្លាប់គិតថាការធ្វើជាប្រធានាធិបតីជារឿងងាយស្រួលជាងនេះ

ថ្ងៃទី ២៩ ខែ មេសា ឆ្នាំ ២០១៧ ម៉ោង ១២:៥៧

លោកDonald Trumpបាននិយាយកាលពីថ្ងៃព្រហស្បតិ៍ថាលោកធ្លាប់រំពឹងថាភាពជាប្រធានាធិបតីគឺ "ងាយស្រួល" ជាង "ការងារពីមុន" របស់គាត់ដែលជាមហាសេដ្ឋីអចលនទ្រព្យ។"ខ្ញុំស្រឡាញ់ជីវិតរបស់ខ្ញុំកាលពីមុនជាង"។ "ខ្ញុំមានរឿងល្អៗជាច្រើន" លោកប្រធានាធិបតីបានប្រាប់ទៅReutersនៅក្នុងបទសម្ភាសមួយ។ "ការងារនេះមានបន្ទុកច្រើនជាងការងាររបស់ខ្ញុំពីមុនទៅទៀត។ ខ្ញុំធ្លាប់គិតថាវាជារឿងងាយស្រួលមួយ"។Trump ដែលបានចំណាយពេលវេលាជាច្រើនឆ្នាំជាមហាសេដ្ឋីអចលនទ្រព្យនិងជាតារានៅក្នុងទូរទស្សន៍ផងដែរនោះ ក៏បានទួញសោកពីការខ្វះពេលវេលាឯកជននៅក្នុងជីវិតថ្មីរបស់គាត់ផងដែរ។ លោកបាននិយាយថាក្នុងជីវិតសព្វថ្ងៃរបស់គាត់នេះ គាត់មិនអាចទៅកន្លែងណាដោយគ្មានអង្គរក្សនោះទេ។

Seal Team 6 មកដល់ Busan ហើយ ?

ថ្ងៃទី ២៩ ខែ មេសា ឆ្នាំ ២០១៧ ម៉ោង ១២:៥២

នាវាផ្ទុកនុយក្លែអ៊ែរធំបំផុតរបស់អាមេរិកឈ្មោះ USS Carl Michigan បានធ្វើដំណើរមកដល់កំពង់ផែសមុទ្រនៃទីក្រុង Busan ចំថ្ងៃខួបទី 85 ឆ្នាំនៃទិវាបុណ្យកងទ័ពប្រដាប់អាវុធរបស់កូរ៉េខាងជើង ។ ជាងនេះទៅទៀត USS Michigan គឺផ្នែកមួយរបស់ US Navy ប្រើប្រាស់សម្រាប់ដាក់ Ballistic Missile និង Nuclear Missile  ក្នុងការទប់ស្កាត់នុយក្លែអ៊ែររបស់សត្រូវបានដែរ ។អ្នកវិភាគបានិយាយថា នាវា USS Carl Michigan បានផ្ទុក Tomahawk Cruise Missile ចំនួន 154 ដើម និង ឧបករណ៏សម្លាប់មនុស្សជាច្រើនទៀត ហើយក្នុងនោះដែរ នាវានេះដដែលក៏កំពុងផ្ទុកក្រុមទាហ៊ានពិសេសគឺ Seal Team 6 ពេលនេះពួកគេកំពុងវឹកហាត់យ៉ាងខ្លាំងដើម្បីត្រៀមខ្លួនសម្លេះ Kim Jong-Un ចោល ។ តែទោះជាយ៉ាងណាក៏ដោយទីក្រុង Washington បានបដិសេធនៅការមកដល់របស់ Seal Team 6 នេះ ។USS Carl Michiganគួរបញ្ជាក់ថាលោក Donald Trump បានបញ្ជូននាវា និង ប្រព័ន្ធការពារម៉ីស៊ីលមកយ៉ាងច្រើនក្នុងកូរ៉េខាងត្បូងដើម្បីបញ្ជៀសពីការវាយប្រហាររបស់កូរ៉េខាងជើង ហើយមហាសេដ្ឋីអចលនទ្រព្យនេះដដែលបានបង្ហាញគំនិតអវិផ្ជាមានថា ច្បាស់ណាស់សង្រ្គាមនិងកើតឡើងជាងការចចារដោយសាស្ថានភាពយ៉ាប់យ៉ឺនខ្លាំង ។ ជាការពិតណាស់លោក Donald Trump មានវ័យ 71 ឆ្នាំ កំពុងតែគម្រាម Kim Jong-Un អាយុប្រហាក់ប្រហែលនឹងចៅគាត់ទៅហើយគឺ 27 ឆ្នាំ តែលោកប្រធានាធិបតីសម្តែងការគោរព និង ចង់ចរចាជាមួយមេដឹកនាំកូរ៉េខាងជើងណាស់ពីព្រោះគាត់មិនចង់បានសង្រ្គាមប៉ុន្មានទេ ៕

ការព្រួយបារម្ភថាអាចនឹងមានរលកយក្សស៊ូណាមិបន្ទាប់ពីការរញ្ជួយដីកម្រិត៦.៨នៅប្រទេសហ្វីលីពីន

ថ្ងៃទី ២៩ ខែ មេសា ឆ្នាំ ២០១៧ ម៉ោង ១២:២២

ការរញ្ជួយដីកម្រិត៦.៨បានវាយប្រហារភាគខាងត្បូងនៃកោះមីនដាណាវប្រទេសហ្វីលីពីន បង្កជាការព្រមានសម្រាប់គ្រោះមហន្តរាយ "រលកយក្សស៊ូណាមិ "សម្រាប់ឆ្នេរសមុទ្ររបស់ប្រទេសនេះ បើយោងតាមការអង្កេតភូមិសាស្ត្រអាមេរិក និងមជ្ឈមណ្ឌលព្រមានរលកស៊ូណាមីនៅតំបន់ប៉ាស៊ីហ្វិក។មជ្ឈមណ្ឌលព្រមានស៊ូណាមិនៅតំបន់ប៉ាស៊ីហ្វិកបានឱ្យដឹងថា រលកស៊ូណាមិអាចឈានដល់៣០០គីឡូម៉ែត្រពីចំណុចកណ្តាលនៃការរញ្ជួយដីដែលត្រូវបានកត់ត្រាទុកក្នុងកម្រិត៦.៨រិចទ័រនេះ។មជ្ឈមណ្ឌលព្រមានរលកស៊ូណាមីនៅតំបន់ប៉ាស៊ីហ្វិកនេះក៏បាននិយាយថារលកនេះអាចឈានដល់រយៈកំពស់១ម៉ែត្រលើសពីកម្រិតជំនោរធម្មតានៅក្នុងប្រទេសហ្វីលីពីន ខណៈពេលដែលឆ្នេរសមុទ្រមួយចំនួននៅក្នុងប្រទេសឥណ្ឌូនេស៊ីម៉ាឡេស៊ីនិងកោះPalauអាចរំពឹងថានឹងមានរលករហូតដល់៣០សង់ទីម៉ែត្រខ្ពស់ជាងធម្មតា។ការរញ្ជួយដីនេះដែលត្រូវបានរាយការណ៍ដំបូងក្នុងកម្រិត៧,២រ៉ិចទ័របានវាយប្រហារនៅឆ្នេរសមុទ្រនៃកោះមីនដាណាវក្នុងប្រទេសហ្វីលីពីននៅម៉ោង៨:២៣រសៀលកាលពីថ្ងៃសុក្រ។ ការរញ្ជួយដីនេះត្រូវបានវាស់នៅក្នុងជម្រៅ៤១,៧គីឡូម៉ែត្រ និង៣១kmភាគខាងលិចនៃBalangonan។

មានធ្លាប់​ឆ្ងល់​អត់ទេ!!! ហេតុ​អ្វី​មេឃ​មាន​ពណ៌ខៀវ?

ថ្ងៃទី ២៩ ខែ មេសា ឆ្នាំ ២០១៧ ម៉ោង ១១:៤៧

នៅ​ពេល​ពន្លឺ​ថ្ងៃ​ឆ្លង​កាត់​បរិយាកាស វា​បាន​ប៉ះម៉ូលេគុល​ឧស្ម័ន ហើយម៉ូលេគុល​ទាំង​នោះ នឹង​បំបែក​នៅ​ក្នុង​ពន្លឺ។ នៅ​ពេល​រលក​ចម្ងាយ​កាន់​តែ​ខ្លី វា​នឹង​បំបែក​កាន់​តែ​ខ្លាំង នៅ​ក្នុង​បរិយាកាស ហើយ​វា​នឹង​ធ្វើ​ឲ្យ​ផ្ទៃ​មេឃ មាន​ពណ៌​ខៀវកាន់​តែ​ខ្លាំង នៅ​អំឡុង​ពេល​ថ្ងៃ។ដោយ​ឡែក នៅ​ពេល​ថ្ងៃ​លិច​វិញ វា​នឹង​មាន​ពណ៌​ទឹក​ក្រូច ព្រោះ​នៅ​ពេល​ព្រះអាទិត្យ​ធ្វើ​ដំណើរ​ដល់​ជើង​មេឃ ពន្លឺ​របស់​វា នឹង​ប្រើ​រយៈចម្ងាយ​ឆ្ងាយ​នៅ​ក្នុង​បរិយាកាស​ទៅ​ដល់​ភ្នែក​អ្នក បើ​ប្រៀប​ទៅ​នឹង​ពេល​ថ្ងៃ ដែល​ព្រះអាទិត្យ​ស្ថិត​នៅ​លើ​ក្បាល​របស់​អ្នក។ វា​ធ្វើ​ឲ្យ​ពន្លឺ​ពណ៌​ខៀវ​ទាំង​នោះ បំបែក​កាន់​តែ​ខ្លាំង​ឆ្ងាយទៅៗ ធ្វើ​ឲ្យ​អ្នក​មើល​ឃើញ​ពណ៌​ស្រដៀង​ពណ៌​ទឹកក្រូច​ទៅ​វិញ៕ 

អាថ៌កំបាំងនៃ​សម្រស់ ៣​យ៉ាង ដែលអ្នកមិនធ្លាប់ដឹង ពីការ​ទទួលទានផ្លែ​ទ​ទឹម

ថ្ងៃទី ២៩ ខែ មេសា ឆ្នាំ ២០១៧ ម៉ោង ១១:៣១

កាលពី​ពេលមុនៗ ក្រុមការងារ​របស់​យើងខ្ញុំ​បាន​បង្ហាញ​រួចមកហើយ​អំពី​អត្ថប្រយោជន៍​ដ៏​អស្ចារ្យ​នៃ​ផ្លែ​ទទឹម​មក​លើ​សុខភាព​មនុស្ស​យើង​។ ទោះបីជា​យ៉ាងណា​ក៏ដោយ ផ្លែឈើ​មួយ​នេះ​ក៏​ត្រូវបាន​គេ​រកឃើញ​ទៀតថា ផ្តល់​ប្រយោជន៍​ច្រើន​ថែមទៀត​ចំពោះ​សុខភាព​សម្រស់​មនុស្ស​យើង​ដែរ តាមរយៈ​ការ​ញ៉ាំ​ធម្មតា ផឹកទឹក និង​គ្រាប់​របស់​វា​ជាដើម​។ ខាងក្រោម​នេះ​គឺជា​អត្ថប្រយោជន៍​ចំពោះ​សម្រស់ ៣​យ៉ាង ដែល​អ្នក​នឹង​ទទួលបាន​ពី​ផ្លែ​ទ​ទឹម យ៉ាង​អាថ៌កំបាំង​បំផុត ព្រោះ​វា​កម្រ​មាន​នរណា​ដឹង​អំពី​រឿង​នេះ​ណាស់​។​​ភ្នែក​កាន់តែ​មាន​សុខភាព​ល្អ​​ក្នុង​ទឹក​របស់​ផ្លែ​ទទឹម មាន​សារធាតុ​មួយ​ប្រភេទ ដែល​គេ​បាន​ប្រើប្រាស់​វា​ដើម្បី​ព្យាបាល​ជំងឺភ្នែកឡើងបាយ ហើយ​ក៏​ប្រើ​ដូច​ជា​ថ្នាំ​បន្ត​លាង​ភ្នែក​អញ្ចឹង​ដែរ​។ យ៉ាងណាមិញ សារធាតុ​មួយ​នេះ​នឹង​កាត់បន្ថយ​ការកើតមាន​ជំងឺភ្នែកឡើងបាយ​នៅ​ថ្ងៃ​អនាគត​ទៀត​។​ជួយ​ការពារ​សុខភាព​ស្បែក​​គ្រាប់​ផ្លែ​ទ​ទឹម ១០០​ក្រាម ផ្តល់​នូវ​វីតាមីន C, K និង​សារធាតុ Polyphenols, ellagitannins និង Flavonoids ដែល​ជា​ប្រភព​នៃ​ជាតិ​សរសៃ​ដ៏​អស្ចារ្យ​ចំពោះ​សុខភាព​។ ដោយសារ​តែ​វា​មាន​សមត្ថភាព​ជា​អង់​ទី​អុកស៊ី​ដង់​ដែរ​នោះ ដូច្នេះ​វា​ពិតជា​ល្អ​ណាស់​សម្រាប់​សុខភាព​រាងកាយ​ទាំងមូល​។ ជាមួយគ្នានេះដែរ វា​នឹង​ជួយ​ឲ្យ​ស្បែក​មនុស្ស​យើង​មើល​ទៅ​ស្រស់ថ្លា និង​ផ្តល់​សំណើម​ជាប់​បាន​យ៉ាង​ល្អ​។ ម្យ៉ាងវិញទៀត តាម​ការស្រាវជ្រាវ​បាន​រកឃើញថា ទឹក​ផ្លែ​ទទឹម​ត្រូវបាន​គេ​ប្រើប្រាស់​ដើម្បី​កាត់បន្ថយ​ជំងឺ​បេះដូង​។ កាលណា​ញ៉ាំ​វា​រាល់ថ្ងៃ វា​នឹង​ជួយ​ទប់ស្កាត់​ការបង្ក​រោគ​ដោយ​វីរុស និង​បាក់តេរី ដែល​នាំឲ្យ​កើត​ជា​កំណក​ជាប់​ធ្មេញ​ដែរ​។​ផលិតផល​ថែរក្សា​សម្រស​បែប​ធម្មជាតិ​​ជាមួយ​នឹង​ទឹក​ផ្លែ​ទទឹម​លាយ​ជាមួយ​ប្រេង Mustard Oil អាច​ជួយ​ពង្រឹង​ដល់​ភាពរឹងមាំ​របស់​ស្បែក​កាន់តែ​ល្អ ជាពិសេស អាច​ទប់ស្កាត់​ការ​យារ​ធ្លាក់​របស់​សុដន់ និង​ព្យាបាល​ជំងឺ​ឬ​ស​ដូង​បាត​បាន​ថែម​ទៀត​៕

ក្រសួងមហាផ្ទៃគ្រោង នឹងចាត់ក្រុមអធិការកិច្ចចុះត្រួតពិនិត្យ នៅតាមអង្គភាពនៃរដ្ឋបាលថ្នាក់ក្រោមជាតិ

ថ្ងៃទី ២៩ ខែ មេសា ឆ្នាំ ២០១៧ ម៉ោង ១០:០៩

រាជធានីភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជម្រុញឲ្យអភិបាល នៃគណៈអភិបាលរាជធានី-ខេត្ត អនុវត្តត្រួតពិនិត្យការផ្តល់សេវារដ្ឋបាលរបស់រដ្ឋបាលថ្នាក់ក្រោមជាតិ។ ជាមួយគ្នានេះ ក្រសួងមហាផ្ទៃ គ្រោងនឹងចាត់ក្រុមអធិការកិច្ចរបស់ក្រសួង ចុះត្រួតពិនិត្យនៅតាមបណ្តាអង្គភាពនានា នៃរដ្ឋបាលថ្នាក់ក្រោមជាតិ ដើម្បីធានាដល់ការអនុវត្តឲ្យមានតម្លាភាព និងប្រសិទ្ធភាព។យោងតាមលិខិតចុះថ្ងៃទី២៨ ខែមេសា ឆ្នាំ២០១៧ របស់សម្តេចក្រឡាហោម ស ខេង បានជម្រាបអភិបាល នៃគណៈអភិបាលរាជធានី-ខេត្ត ថានិងអនុវត្តតាមស្មារតីប្រកាសអន្តរក្រសួងលេខ ១៤៣៤២ ប្រក ចុះថ្ងៃទី២៩ ខែធ្នូ ឆ្នាំ២០១៦ ស្តីពីការផ្តល់សេវារដ្ឋបាលថ្នាក់ក្រោមជាតិ។ ជាពិសេសការលើកលែងបង់កម្រៃសេវាអត្តសញ្ញាណកម្ម ក្រសួងមហាផ្ទៃ សូមកោតសរសើរដល់រដ្ឋបារាជធានី- ខេត្ត ដែលបានយកចិត្តទុកដាក់ក្នុងការផ្តល់សេវារដ្ឋបាលបានល្អប្រសើរ ក្នុងគោលបំណងរួមចំណែកជួយសម្រួលដល់ជីវភាពរស់នៅរបស់ប្រជាពលរដ្ឋ និងដើម្បីកាត់បន្ថយភាពក្រីក្រ ស្របតាមគោលនយោបាយរបបស់រាជរដ្ឋាភិបាលកម្ពុជា។ ដូច្នេះដើម្បីទប់ស្កាត់ រាល់បាតុភាពអសកម្មផ្សេងៗ ក្រសួងមហាផ្ទៃស្នើយកចិត្តទុកដាក់ជម្រុញពង្រឹងការអនុវត្តធ្វើការត្រួតពិនិត្យ និងណែនាំដល់មន្ត្រីក្រោមឱវាទ ឲ្យបំពេញភារកិច្ចប្រកបដោយស្មារតីទទួលខុសត្រូវខ្ពស់ ក្នុងការផ្តល់សេវារដ្ឋបាលស្របតាមស្មារតី នៃប្រកាសខាងលើ។ រដ្ឋមន្ត្រីក្រសួងមហាផ្ទៃ បានបញ្ជាក់ថា ពាក់ព័ន្ធករណីនេះ ក្រសួងមហាផ្ទៃ គ្រោងនឹងចាត់ក្រុមអធិការកិច្ចរបស់ក្រសួង ចុះត្រួតពិនិត្យនៅតាមបណ្តាអង្គភាពនានា នៃរដ្ឋបាលថ្នាក់ក្រោមជាតិ ដើម្បីធានាដល់ការអនុវត្តឲ្យមានតម្លាភាព និងប្រសិទ្ធភាព៕

អគ្គស្នងការនគរបាលជាតិ៖ សមរភូមិប្រយុទ្ធប្រឆាំងគ្រឿងញៀន គឺជាសមរភូមិក្ដៅ

ថ្ងៃទី ២៩ ខែ មេសា ឆ្នាំ ២០១៧ ម៉ោង ០៩:០៧

រាជធានីភ្នំពេញ៖ លោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ បានបញ្ជាក់ថា សមរភូមិប្រយុទ្ធប្រឆាំងគ្រឿងញៀន គឺជាសមរភូមិក្តៅ ហើយសមរភូមិនេះ បច្ចុប្បន្នប្រជាពលរដ្ឋកំពុងបាននឹងទុកចិត្តជឿជាក់លើរាជរដ្ឋាភិបាល។ ការថ្លែងរបស់អគ្គស្នងការនគរបាលជាតិ បានធ្វើឡើងនៅក្នុងពិធីបំពាក់ឋានន្តរស័ក្តិ និងប្រកាសមុខតំណែងថ្នាក់ប្រធាននាយកដ្ឋាន អនុប្រធាននាយកដ្ឋាន កាលពីរសៀលថ្ងៃទី២៨ ខែមេសា ឆ្នាំ២០១៧ នៅអគ្គស្នងការនគរបាលជាតិ។នៅក្នុងពិធីក៏បានប្រកាសមុខតំណែងលោកឧត្តមសេនីយ៍ទោ ឡឹក វណ្ណៈ អនុប្រធាននគរបាលព្រហ្មទណ្ឌ ឡើងជាប្រធានមន្ទីរប្រឆាំងគ្រឿងញៀន ជំនួសលោកខៀវ សាម៉ន ដែលត្រូវចូលនិវត្តន៍ផងដែរ។ លោកបញ្ជាក់ថា “យើងចាប់ជាង៧០០០នាក់ហើយ ប៉ុន្តែបញ្ហាទូទៅមោទនភាពរបស់យើង ត្រង់ចំណុចមួយថា គ្រឿងញៀនបច្ចុប្បន្នបានក្លាយទៅចាយុទ្ធនាការមួយដែលប្រជាពលរដ្ឋគេពេញចិត្ត។ យុទ្ធនាការបច្ចុប្បន្នត្រូវបានប្រជាពលរដ្ឋគេចូលរួម គេសប្បាយអបអរសាទរ ក៏ប៉ុន្តែយើងខ្វះខាត ត្រង់មជ្ឈមណ្ឌល ខ្វះខាតកន្លែងឃុំឃាំង ខ្វះខាតបទពិសោធន៍ ខ្វះខាតកន្លែងកែប្រែយុវនីតិសម្បទា នេះជារឿងមួយ ដែលបច្ចុប្បបន្ននេះ យើងប្រើប្រាស់ជំនួយបរទេសនិងប្រើប្រាស់ជំនួយប្រទេសជាមិត្ត និងប្រើប្រាស់ថវិកាជាតិ ដើម្បដោះស្រាបញ្ហានេះ”។អគ្គស្នងការនគរបាលជាតិបានសង្កត់ធ្ងន់ថា “ខ្ញុំចង់ឲ្យគ្រឿងញៀននេះ មានចំណុចថ្មី មិនមែនការខ្វះខាតទេ ក៏ប៉ុន្តែខ្ញុំចង់ឲ្យថ្មី ថ្មីយ៉ាងម៉េច ថ្មីមានជំនាញ ថ្មីមានជំនាញនេះ គឺយើងត្រូវញែកជាពីរ ញែកថា មន្ទីរប្រឆាំងគ្រឿងញៀនយុទ្ធសាស្ត្ររបស់យើងត្រូវធ្វើអី ការណែនាំយើងពីមន្ទីរទៅដក់ខេត្តយ៉ាងម៉េច...”។ ពាក់ព័ន្ធទ្រព្យសម្បត្តិរបស់ឈ្មួញរកស៊ីគ្រឿងញៀន ត្រូវបានលោកនាយឧត្តមសេនីយ៍ នេត សាវឿន បញ្ជាក់ថា យោងទៅតាមច្បាប់យើងប្តឹងទៅតុលាការ មើលសាលក្រម យើងនឹងប្តឹងដកហូតអចលនទ្រព្យដែលពាក់ព័ន្ធគ្រឿងញៀន យើងនឹងធ្វើបន្ត ព្រោះសម្បត្តិនេះ ត្រូវដកហហូតជាសម្បត្តិរដ្ឋ។គួរបញ្ជាក់ផងដែរថា លទ្ធផលសរុបរបស់យុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១ គិតចាប់ពីថ្ងៃទី១ ខែមករា រហូតដល់ថ្ងៃទី២៨ ខែមេសា ឆ្នាំ២០១៧ បង្ក្រាបបានសរុប ៣១៧៣ករណី ឃាត់មនុស្ស ៧២៩១នាក់ ស្រី៧៤០ នាក់ ក្នុងនោះ (ជនរទេស ២៣នាក់)។ ចាប់យកវត្ថុតាងរួមមានៈ សារធាតុញៀនគ្រប់ប្រភេទ= ៣១kg ៨៣២,៦៤g និង៩១២ កញ្ចប់តូច១៤ធំ កញ្ឆាក្រៀម ១១kg ៦០៣,០៣g និង ១៤១៣១៥ដើម សម្ភារៈ រថយន្ដ ៣៦គ្រ ម៉ូតូ ៥៨៩គ្រ ទូរស័ព្ទ ១៨០៣គ្រ ជញ្ជីង ១១៦គ្រ អាវុធ ៣ដើម។ ចំណែកចលនៈនិងអចលនៈទ្រព្យ ស្នើសុំបង្កក រឹបអូស៕

វីដេអូរន្ធត់ខណៈពេលដែលស្ត្រីម្នាក់លោតBungeeទំលាក់ខ្លួនខុសបច្ចេកទេស

ថ្ងៃទី ២៨ ខែ មេសា ឆ្នាំ ២០១៧ ម៉ោង ២២:៣៩

ការលោតbungee គឺជាបទពិសោធន៏ដ៏រន្ធត់មួយ និងមើលទៅងាយនឹងប្រឈមនឹងគ្រោះថ្នាក់ណាស់ ប៉ុន្តែជាទូទៅកម្រណាស់ក្នុងការមានគ្រោះថ្នាក់ចំពោះការលេងកំសាន្តលោតនេះ។តែជាអកុសលចំពោះនារីម្នាក់នេះ ដោយបទពិសោធន៏មួយនេះធ្វើឲ្យនាងស្ទើរតែបាត់បង់ជីវិត។ស្ត្រីម្នាក់នេះបានលោតចុះពីលើស្ពានមួយដោយភ្ជាប់ខ្លួនជាមួយនឹងខ្សែយឺតមួយ ជាធម្មតាខ្សែយឺតនោះនឹងទាញមនុស្សឲ្យងើបឡើងវិញចេញពីទឹក តែចំពោះនាងវិញបានធ្លាក់ផ្ទុបនឹងដីនៅខាងក្រោមយ៉ាងពេញទំហឹង។ ដោយគេបានសន្និដ្ឋានថានេះបណ្តាលមកពីខ្សែនោះវែងពេកសម្រាប់ចំងាយនៃការលោតនោះ។តែសំណាងល្អណាស់ ដោយនាងបានរស់រានមានជីវិតនិងគ្មានការបាក់ឆ្អឹងណាមួយឡើយ។នេះជាវីដេអូនៅពេលដែលស្ត្រីម្នាក់នោះបានលោតចុះហើយបោកផ្ទុបទៅនឹងដី៖ហេតុការណ៍នេះបានកើតឡើងនៅលើស្ពានLa Negraនៅលើផ្លូវមួយរវាង Santa Cruz និង Cocabamba នៅកណ្តាលប្រទេសបូលីវី។Andean Trek ដែលជាក្រុមហ៊ុនដែលបានរៀបចំការកំសាន្តនេះបានបញ្ជូនស្ត្រីវ័យក្មេងនេះទៅគ្លីនិកឯកជននិងបង់វិក័យប័ត្រវេជ្ជសាស្រ្តរបស់នាងទាំងអស់។ ការវិភាគដំបូងបានបង្ហាញថានាងមិនមានការបាក់ឆ្អឹងណាមួយឡើយ ប៉ុន្តែនាងត្រូវនៅចាំបាច់ទទួលការធ្វើតេស្តបន្ថែមទៀត។នាយកក្រុមហ៊ុននោះ លោកOscar Sandoval បានអះអាងថានេះជាលើកដំបូងហើយ ដែលហេតុការណ៏បែបនេះបានកើតឡើងនៅកន្លែងកំសាន្តរបស់គាត់ ហើយគាត់និយាយថា: "នេះជាកំហុសរបស់មនុស្ស  នរណាម្នាក់បានធ្វើអ្វីមួយខុសបច្ចេកទេស ហើយយើងកំពុងពិនិត្យមើលវីដេអូនេះក្នុងគោលបំណងដើម្បីដឹងថានរណាជាអ្នកបង្កើតកំហុសមួយនោះ"។

បញ្ហានៅឧបទ្វីបកូរ៉េមិនមែនជាបញ្ហាដែលប្រជាជនអាមេរិកចាប់អារម្មណ៍នោះទេ

ថ្ងៃទី ២៨ ខែ មេសា ឆ្នាំ ២០១៧ ម៉ោង ២១:៤០

កាលពីម្សិលមិញនេះ នៅក្នុង CNN/ORC Poll បានដាក់អោយប្រជាជនអាមេរិកបោះឆ្នោតពីបញ្ហាចំនួន 3 ដូចជា កូរ៉េខាងជើង ស៊ីរី និង រុស្សី ។ ជាលទ្ធផលឃើញថា 37% គឺបញ្ហានៅកូរ៉េខាងជើង, 51% បញ្ហានៅស៊ីរី, និង 57% សម្ព័ន្ធភាពជាមួយរុស្សី ។លោក Donald Trump បានប្រាប់ Reuter ចំពោះបញ្ហាកូរ៉េខាងជើងថា គាត់មិនចង់មានសង្រ្គាមប៉ុន្មានទេ គាត់ចង់បានការទូតជាង ហើយសហរដ្ឋអាមេរិកសង្ឃឹមអាចនិងមានឱកាសដើម្បីបញ្ចប់ជម្លោះជាមួយកូរ៉េខាងជើងដោយសន្តិវិធី ។បញ្ហាប្រទេសស៊ីរីវិញ សហរដ្ឋអាមេរិកដូចជាពុំទាន់មានសកម្មភាពអ្វីនោះទេ ដោយកាលពីមុនអាមេរិកបានបាញ់ Missile ដើម្បីឆ្លើយតបទៅនឹងទង្វើរនៃការប្រើប្រាស់អាវុធហាមឃាត់គីមីមកលើប្រជាជនស៊ីរីដោយក្រុម Assad ។ចុងក្រោយសម្ព័ន្ធភាពជាមួយរុស្សីឃើញថា អាមេរិកមិនជាសូវចុះសម្រុងជាមួយនឹងរុស្ស៊ីប៉ុន្មានទេតាំងពីអាមេរិកទម្លាក់ Missile ទៅប្រទេសស៊ីរី ពីព្រោះលោក Putin យល់ថាអាមេរិកជាអ្នកនៅពីក្រោយរឿងនេះ ៕