trollkhmer news

សង្គមនិងជីវិត

អបិយ​ជំនឿ​ប្លែកៗ របស់​ប្រទេសមួយចំនួន នៅ​តាម​បណ្ដា​ក្នុង​តំបន់​អាស៊ី

ថ្ងៃទី ២១ ខែ កុម្ភះ ឆ្នាំ ២០១៧ ម៉ោង ០០:០៨

ទោះបីជាវិទ្យាសាស្ត្រកំពុងតែរីកចំរើនទៅមុខយ៉ាងខ្លាំងក្ដី តែអបិយជំនឿ នៅតែមិនរលាយសាបសូន្យពីក្នុងគំនិតរបស់មនុស្សបានឡើយ។ វាជាការពិតណាស់ដែលមនុស្សនៅទូទាំងពិភពលោកមានជំនឿរៀងៗខ្លួនលើរឿងអ្វីមួយ។ ខាងក្រោមនេះគឺជាការបង្ហាញពីជំនឿប្លែករបស់ប្រជាជននៅតាមបណ្តារប្រទេសមួយចំនួនក្នុងតំបន់អាស៊ី ៖១. ចិននៅប្រទេសចិន លេខ៤ត្រូវបានគេចាត់ទុកថាជាលេខដែលគ្មានសំណាង ដែលគេច្រើននិយាយថាគ្មានហុងស៊ុយនោះ ព្រោះថាការបញ្ចេញសំឡេងរបស់វានៅក្នុងភាសាចិនគឺវាស្រដៀងទៅនឹងពាក្យថាស្លាប់ ហេតុនេះហើយទើបអគារមួយចំនួនគឺមិនតំរូវឲ្យមានជាន់ទី៤នោះឡើយ។២. ម៉ាឡេស៊ីប្រជាជនម៉ាឡេស៊ីមានជំនឿថាប្រសិនបើអង្គុយនៅលើខ្នើយកើយ វានឹងធ្វើឲ្យបាតជើង និងប្រអប់ជើងមានពងបែក និងដំបៅផ្សេងទៀត។៣. កូរ៉េខាងត្បូងនៅកូរ៉េខាងត្បូងគេមានជំនឿថាការបើកកង្ហារគេងនៅក្នុងបន្ទប់ដែលបិទជិតឈឹងនឹងអាចសម្លាប់យើង។ ពួកគេនិយាយថាដើម្បីជៀសវាងយើងគួរតែបើកវានៅក្នុងបន្ទប់ដែលមានបង្អួច មានខ្យល់ចេញចូល។៤. ឥណ្ឌាប្រជាជនឥណ្ឌាជំនឿថាបើកាត់ ឬកក់សក់នៅថ្ងៃព្រហស្បតិ៍ ឬថ្ងៃសៅរ៍នឹងនាំសំណាងអាក្រក់ដល់អ្នក។

ផ្ទុះជំងឺផ្តាសាយបក្សីក្នុងខេត្តចំនួនពីររបស់វៀតណាម

ថ្ងៃទី ២០ ខែ កុម្ភះ ឆ្នាំ ២០១៧ ម៉ោង ២៣:៤៤

នាយកដ្ឋានសុខភាពសត្វរបស់វៀតណាមបានឱ្យដឹងថានៅថ្ងៃចន្ទនេះថា ខេត្ត Bac Lieu និង ខេត្ត Quang Ngai ភាគខាងត្បូងខេត្តវៀតណាម បានប្រឈមមុខនឹងការផ្ទុះឡើងនៃជំងឺផ្តាសាយបក្សី។ នេះបើតាមសេចក្តីរាយការណ៍របស់ទីភ្នាក់ងារសារព័ត៌មានចិនស៊ីនហួ។សេចក្តីរាយការណ៍បានឱ្យដឹងថា ខេត្ត Bac Lieu ជំងឺផ្តាសាយបក្សី H5N1បានផ្ទុះឡើងនៅក្នុងឃុំ VinhPhu Dong ស្រុក Phuoc Long បណ្តាលឱ្យមាន់ឈឺនិងស្លាប់ចំនួនជាង ១១០០ក្បាល។ ភ្នាក់ងារពាក់ព័ន្ធបានដាក់សត្វមាន់ជាង ២៨០០ក្បាលឱ្យនៅដាច់ដោយឡែកពីគេ។ដោយឡែកនៅខេត្ត Quang Ngai ជំងឺផ្តាសាយបក្សី H5N6 បានផ្ទុះឡើងនៅក្នុងឃុំ Pho Cuong អ្នកស្រុក Duc Pho បណ្តាលឱ្យសត្វចំនួន ២៨០០ ក្បាលស្លាប់ ឬដាក់ឱ្យនៅដាច់ដោយឡែកពីគេ។បើយោងតាមនាយកដ្ឋានសុខភាពសត្វបានឱ្យដឹងថា វៀតណាមកំពុងប្រឈមនឹងហានិភ័យខ្ពស់នៃជំងឺផ្តាសាយបក្សីដែលបានរីករាលដាលនេះ៕

គម្រោង​«​ពហុកីឡាដ្ឋាន​ជាតិ​មរតក​តេជោ» មើល​ហើយ ស្ទើរ​មិន​ជឿ​ថា នឹង​មាន​នៅ​ក្នុងប្រទេសកម្ពុជា

ថ្ងៃទី ២០ ខែ កុម្ភះ ឆ្នាំ ២០១៧ ម៉ោង ១៧:០២

ពហុ​កីឡាដ្ឋាន​ដ៏​ថ្មី​ទំនើប​ «​ពហុកីឡាដ្ឋាន​ជាតិ​មរតក​តេជោ» ដែល​មាន​ទីតាំង​នៅ​សង្កាត់​ភ្នំពេញ​ថ្មី សង្កាត់​ឃ្មួញ ខណ្ឌ​សែន​សុខ និង​សង្កាត់​ទួលសង្កែ ខណ្ឌ​ប្ញស្សីកែវ។ គម្រោងក្នុងការសាងសង់​ពហុកីឡាដ្ឋានថ្មីទំនើបមួយនេះ មាន​ផ្ទៃ​ដី​ទំហំ​៩៤​ហិកតា ដែល​ស្ថិត​នៅ​ភាគ​ខាង​កើត រាជធានី​ភ្នំពេញ។ ក្រឡែកទៅមើលនៅខាងក្នុងបរិវេណពហុកីឡាដ្ឋានថ្មីមួយនេះ មានផ្ទៃ​ដី​ប្រមាណ​៦០​ភាគរយ​នៃ​ផ្ទៃ​ដី​ទាំងមូល​នឹង​គ្រប​ដណ្តប់​ទៅ​ដោយ​ តំបន់​បៃតង ដោយ​មាន​ដើម​ឈើ ស្មៅ និង​សួន​ច្បារ​ ជា​ដើម រីឯ​ផ្ទៃដី​៤០​ភាគរយ​ទៀត គឺជា​សំណង់​កីឡ​ដ្ឋាន​ដែល​មាន​ការិយាល័យ និង​ទីលាន​កីឡា​ចម្រុះ​ជាច្រើន។ បើយោងទៅតាមប្លង់​ត្រួសៗ​នៃ​គម្រោង​មាន​ដូច​ជា ទីលាន​បាល់​ទាត់ និង​រត់​ប្រណាំង នៅ​លើ​ក្រឡា​ផ្ទៃ​ទំហំ​ ៩​ហិកតា​ដែល​អាច​ផ្ទុក​អ្នក​ទស្សនា​បាន​ចំនួន​ជាង​៤៣០០០​នាក់ សាល​ហាត់​ខាង​ក្នុង Indoor Sports នៅ​លើ​ក្រឡា​ផ្ទៃ​៣,៦​ហិកតា​ដែល​អាច​ផ្ទុក​អ្នក​ទស្សនា​បាន​ជាង​១៥០០០​នាក់ អាង​ហែល​ទឹក​នៅ​លើ​ក្រឡា​ផ្ទៃ​៣,៦​ហិកតា​ដែល​អាច​ផ្ទុក​អ្នក​ទស្សនា​ជាង​ ៦០០០​នាក់ សាល​បាល់​បោះ បាល់ទះ ហ៊្វូតសាល​នៅ​លើ​ក្រឡា​ផ្ទៃ​១,៥​ហិកតា​ដែល​អាច​ផ្ទុក​អ្នក​ទស្សនា​បាន​ជាង​៣០០០ នាក់ សាល​ហាត់​សាច់​ដុំ​នៅ​លើ​ក្រឡាផ្ទៃ​១,៥​ហិកតា​ដែល​អាច​ផ្ទុក​អ្នក​ទស្សនា​ជាង​ ១៥០០​នាក់ សាលកាយ​សម្ព័ន្ធ​នៅ​លើ​ក្រឡា​ផ្ទៃ​២,១​ហិកតា​ដែល​អាច​ផ្ទុក​អ្នក​ ទស្សនា​ជាង​៣៧០០​នាក់ សាល​វាយ​សី​ វាយកូន​ឃ្លី​លើ​តុ​នៅ​លើ​ផ្ទៃ​ក្រឡា​២,១​ហិកតា​ដែល​អាច​ផ្ទុក​អ្នក​ទស្សនា​ចំនួន ជាង​៣៧០០​នាក់ សាល​កាយ​សម្ព័ន្ធ​កីឡា​ប្រពៃណី​នៅ​លើ​ក្រឡាផ្ទៃ​២,១​ហិកតា​ដែល​អាច​ផ្ទុក​ អ្នក​ទស្សនា​បាន​ជាង​៣៧០០​នាក់​។ រីឯ​អគារ​ស្នាក់​នៅ និង​អាហារដ្ឋាន​នឹង​ត្រូវ​សាង​សង់​លើ​ផ្ទៃ​ដី​ទំហំ ២,២​ហិកតា ដោយ​មាន​អគារ​៦​ជាន់​ចំនួន​៤​អគារ និង​៨​ជាន់​ចំនួន​៤​អគារ ក្នុង​នោះ​មាន​បន្ទប់​សរុប​ចំនួន​៤០០ និង​អាហារដ្ឋាន​ចំនួន​២​កន្លែង​។ គួរបញ្ជាក់ផងដែរថាផ្ទៃ​ដី​បម្រុង​ទុក​សម្រាប់​សង់​ការ​ដ្ឋាន​មួយ​ចំនួន​ ដូចជា​៣,២​ហិកតា​សម្រាប់​សាងសង់​សណ្ឋាគារ​មួយ​ដែល​មាន​៨០០​បន្ទប់ ៧ហិកតា​សម្រាប់​សាងសង់​សួន​ទឹក​កម្សាន្ត និង​៧​ហិកតា​សម្រាប់​សាង​សង់​ទីលាន​បាល់​ទាត់​មួយ​ទៀត។

ទូរស័ព្ទរបស់ហ៊ីត្លែរបានលក់ក្នុងតម្លៃ ២៤៣.០០០ដុល្លារ នៅក្នុងការលក់ដេញថ្លៃនៅអាមេរិក

ថ្ងៃទី ២០ ខែ កុម្ភះ ឆ្នាំ ២០១៧ ម៉ោង ១៦:៣៦

ទូរស័ព្ទដែលប្រើដោយ Adolf ហ៊ីត្លែរក្នុងអំឡុងពេលសង្គ្រាមលោកលើកទីពីរត្រូវបានគេដាក់លក់ក្នុងតម្លៃ ២៤៣,០០០ដុល្លារ (195,744 £) នៅកន្លែងលក់ដេញថ្លៃនៅអាមេរិក។ដែលមិនបានបង្ហាញនូវអត្តសញ្ញាណនៃអ្នកដេញថ្លៃយកទូរស័ព្ទនេះឡើយ។ ដោយការដាក់ដេញថ្លៃនេះនៅក្នុងទីក្រុង Chesapeake រដ្ឋ Maryland ដែលជាការចាប់ផ្តើមនៅ ១០០,០០០ដុល្លារ ។ ទូរស័ព្ទពណ៌ក្រហម ដែលមានឈ្មោះមេដឹកនាំពួកNazi បានចារនៅលើទូរស័ព្ទនោះត្រូវបានគេរកឃើញនៅក្នុងទីក្រុងប៊ែកឡាំង នៅក្នុងគេហដ្ឋានរបស់លោកនៅក្នុងឆ្នាំ ១៩៤៥ ។ ដែលនៅក្នុងពេលនោះទាហានសូវៀតបានផ្ដល់ទៅឲ្យមន្រ្តីអង់គ្លេស លោក Ralph Rayner ទុកជាវត្ថុអនុស្សាវរីយ៍បន្ទាប់ពីអាល្លឺម៉ង់បានចុះចាញ់។ ហើយឥឡូវនេះផងដែរទូរស័ព្ទនេះត្រូវបានលក់ដោយក្រុមហ៊ុនដេញថ្លៃលោក Alexander ដែលដាក់ដេញថ្លៃជាប្រវត្តិសាស្ត្រ។ យោងតាមប្រភពពត៌មានច្បាស់ការមួយបាននិយាយថាទូរស័ព្ទដែលក្រុមហ៊ុនដាក់ដេញថ្លៃនេះជា "អាវុធប្រល័យលោក" ដែលវាត្រូវបានប្រើប្រាស់ដោយហ៊ីត្លែរដើម្បីផ្តល់ឱ្យការបញ្ជាទិញដែលបានយកជីវិតមនុស្សជាច្រើនក្នុងអំឡុងពេលសង្គ្រាម។ រួមទាំងរូបសំណាក់ របស់សត្វឆ្កែ អាសាស្តៀ(Alsatian)មួយផងដែរ។ ដែលជាកម្មសិទ្ធិរបស់ហ៊ីត្លែរបានដាក់លក់ក្នុងតម្លៃ ២៤.៣០០ដុល្លារ ហើយវាត្រូវបានគេទិញដោយអ្នកដេញថ្លៃផ្សេងគ្នានៅក្នុងពេលនោះផងដែរ៕

កុំចេះតែហ៊ាន! ចាប់ខ្លួនបុរសម្នាក់យកកាំបិតឆូតបំផ្លិចបំផ្លាញស្លាកគណបក្សប្រជាជនកម្ពុជា

ថ្ងៃទី ២០ ខែ កុម្ភះ ឆ្នាំ ២០១៧ ម៉ោង ១៥:៥៧

ភ្នំពេញ៖ បុរសម្នាក់ត្រូវបានសមត្ថកិច្ចចាប់ខ្លួន បន្ទាប់ពីយកកាំបិតឆូតបំផ្លិចបំផ្លាញស្លាកគណបក្សប្រជាជនកម្ពុជា នៅចំណុចផ្លូវបេតុង ភូមិមានជ័យ១ សង្កាត់ស្ទឹងមានជ័យ ខណ្ឌមានជ័យ កាលពីរំលងអាធ្រាត្រឈានចូលថ្ងៃទី២០ ខែកុម្ភៈ ឆ្នាំ២០១៧។ ជនសង្ស័យដែលសមត្ថកិច្ចឃាត់ខ្លួនឈ្មោះ បូក ធីតា ០១ ហៅដា ភេទ ប្រុស  អាយុ ៣២ ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ ៣៩២ ផ្លូវលំ ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ។  លោកឈឺន សាគីម ភេទ មេភូមិស្ទឹងមានជ័យ១ បានប្តឹងបុរសរូបនោះ ពីបទបំផ្លិចបំផ្លាញទ្រព្យសម្បត្តិសាធារណៈ គឺបានយកផ្លែកាំបិតឆូតស្លាកគណបក្សប្រជាជនកម្ពុជា សង្កាត់ស្ទឹងមានជ័យ។ សមត្ថកិច្ចបានដកហូត វត្ថុតាងរួមមានៈ ផ្លែកំាបិតចំនួន០២ ស្រោមផ្លែកាំបិតជ័រពណ៍ខៀវចំនួន០១ មួកកាតិបពណ៍ប្រផេះប៉ាក់ឈ្មោះ បូក ធីតា ០១ ចំនួន ០១ អត្តសញ្ញាណប័ណ្ណសញ្ជាតិខ្មែរចំនួន ០៤សន្លឹក (ថតចម្លង០៣សន្លឹក) ផ្លាកឡូហ្គោរបស់គណបក្សប្រជាជនកម្ពុជា ឆូតដាច់មួយចំនួន។ បច្ចុប្បន្នជនសង្ស័យខាងលើឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធី៕

ផ្តល់​សិទ្ធិ​ស្រប​ច្បាប់​ដល់​សហគមន៍​ ក្នុងការ​ការពារ​ ប្រើប្រាស់​ និង​គ្រប់​គ្រង​ធនធាន​ធម្មជាតិ​

ថ្ងៃទី ២០ ខែ កុម្ភះ ឆ្នាំ ២០១៧ ម៉ោង ១៥:០៧

ខេត្តកោះកុង៖ នៅ​ព្រឹក​ថ្ងៃ​ទី​២០​ ខែកុម្ភៈ​ ឆ្នាំ​២០១៧​ លោក​ សាយ​ សំអាល់​ រដ្ឋមន្ត្រី​ក្រសួង​បរិស្ថាន​បាន​អញ្ជើញ​ជា​អធិបតី​ក្នុង​ពិធី​ចុះ​ហត្ថលេខា​លើ​កិច្ច​ព្រមព្រៀង​រវាង​អគ្គនាយកដ្ឋាន​សហគមន៍​មូលដ្ឋាន​ និង​សហគមន៍​តំបន់​ការពារ​ធម្មជាតិ​ចំនួន​៤​នៅ​ខេត្ត​កោះកុង​ ដោយ​មានការ​ចូលរួម​ពី​សំណាក់​​អភិបាល​ខេត្ត​ តំណាង​ធនាគារ​អភិវឌ្ឍន៍​អាសីុ​ មន្ទីរ​ពាក់ព័ន្ធ​ជុំវិញ​ខេត្ត​ ឧទ្យានុរក្ស​អង្គការ​មិនមែន​រដ្ឋាភិបាល​ រដ្ឋបាល​មូលដ្ឋាន​សហគមន៍​តំបន់​ការពារ​ធម្មជាតិ​ លោក​គ្រូ​អ្នក​គ្រូ​ និង​សិស្សានុសិស្ស​ សរុបចំនួន​២៣១នាក់។ គោល​បំណង​សំខាន់​នៃ​កិច្ចព្រមព្រៀង​នេះ​គឺ​ ដើម្បី​ផ្តល់​សិទ្ធិ​ស្រប​ច្បាប់​ដល់​សហគមន៍​ក្នុងការ​ការពារ​ ប្រើប្រាស់​ និង​គ្រប់​គ្រង​ធនធាន​ធម្មជាតិ​ ក្នុង​សហគមន៍​តំបន់​ការពារ​ធម្មជាតិ​ ជា​លក្ខណៈ​ស្វ័យ​គ្រប់​គ្រង​ ស្រប​តាម​លក្ខខណ្ឌ​ និង​ស្ថានភាព​ជាក់ស្ដែង​របស់​សហគមន៍​នីមួយៗ​ ក្នុង​ទិសដៅ​លើក​កម្ពស់​ជីវភាព​សហគមន៍​ ដែល​មានសុពលភាព​រយៈពេល​១៥ឆ្នាំ​។​ ​តាម​រយៈកិច្ច​ព្រមព្រៀង​នេះសហគមន៍នឹង​ទទួលបាន​នូវភាព​ជា​ម្ចាស់​ សិទ្ធិសម្រេច​ ​និង​ចាត់​វិធានការ​ ស្រប​តាម​លក្ខន្តិកៈ​សហគមន៍​ ក៏​ដូច​ជា​សិទ្ធិ​ចូល​រួម​ទប់ស្កាត់​បទល្មើស​នានា​ក្នុង​សហគមន៍​។ លោករដ្ឋមន្រ្តី​បាន​សម្ដែង​នូវ​ការ​គាំទ្រ​និង​លើក​ទឹកចិត្ត​ឱ្យ​បង​ប្អូន​ប្រជាសហគមន៍​យកចិត្តទុកដាក់​លើ​ការ​ងារ​ចិញ្ចឹម​សត្វ​ ក៏ដូចជា​សិក្សា​បន្ថែម​នូវ​ជំនាញ​វិជ្ជាជីវៈ​ ដើម្បី​ភាព​ប្រសើរ​នៃ​សហគមន៍​ ដែល​នេះ​ជា​ការរួមចំណែកយ៉ាង​សំខាន់​ដល់ការ​ពង្រឹង​លទ្ធិប្រជាធិបតេយ្យ​នៅ​ថ្នាក់​មូលដ្ឋាន​ ស្របតាម​ទិសដៅ​នៃ​​កំណែទម្រង់​វិមជ្ឈការ​វិសហមជ្ឈការ​របស់​រាជ​រដ្ឋាភិបាល​។

៥វិធីនេះ អាចជួយឲ្យអ្នកបំភ្លេច Crushបាន ហើយចាប់ផ្ដើមជីវិតសារជាថ្មី...

ថ្ងៃទី ២០ ខែ កុម្ភះ ឆ្នាំ ២០១៧ ម៉ោង ១៤:៤៨

គ្រប់ពេលដែលអ្នកតែងតែចាប់អារម្មណ៍ទៅលើអ្នកណាម្នាក់ អាចហៅបានថា Crush ប៉ុន្តែបែរជាគេមិនបានចាប់អារម្មណ៍មកលើអ្នកទៅវិញសោះនោះ គឺវាពិតជារឿងដែលធ្វើអោយអ្នកមានការសោកស្ដាយបំផុត ប៉ុន្តែមិនមែនគ្រប់រឿងនៅក្នុងរឿងនេះគឺមានតែអ្នកម្នាក់នោះទេដែលធ្លាប់ជួបប្រទះនោះ គឺរឿងដែលយើងគ្រប់គ្នាតែងតែធ្លាប់ជួបនូវការខកបំណងហើយវាបានក្លាយទៅជារឿងធម្មតាទៅហើយ។​ តើត្រូវធ្វើដូចម្ដេចដើម្បីកាត់ចិត្តពីគេ? ដើម្បីកុំឲ្យអ្នកគិតរឿងនេះតែម្នាក់ឯងទៀត គ្រប់ពេលអ្នកត្រូវតែដឹងច្បាស់ថា Crush គេមិនបានចាប់អារម្មណ៍មកទៅលើអ្នកនោះទេ។ ត្រូវចាំថាទាំងនេះវាមិនបានផ្ដល់ប្រយោជន៍​ចំពោះ​ការលូតលាស់​និង​រីកចម្រើន ការ​ស​ញ្ចឹង​គិតពិចារណា​យូរ​ទៅលើ​អតីតកាល អាច​នាំ​ឲ្យ​មាន​ឥទ្ធិពល​អវិជ្ជមាន​ ក៏ដូចជា​ចិត្ត​គំនិត​ផងដែរ​។ វិធីខាងក្រោមនេះដែរជា ជំហាន​ដែល​អាច​ធ្វើ​ឲ្យ​អ្នក​ផ្លាស់​ការគិត និង​ជីវិត​រស់នៅ​របស់​អ្នក​ជាថ្មី​៖  ១.ចាត់ទុកខ្លួនឯងជាស្រីស្អាតទោះបីគេមិនបានស្រឡាញ់យើងក៏ដោយ ប៉ុន្តែត្រូវចាត់ទុកខ្លួនឯងជាស្រីស្អាតម្នាក់ មិនឈឺចាប់ជាមួយនិងអតិតកាលនោះទេ។ ធ្វើដូច្នេះហើយ ទើបអ្នកមានមនុស្សថ្មីមកចូលក្នុងឆាកជីវិតបាន។២.ទទួលស្គាល់ខ្លួនឯងនៅពេលគេមិនស្រឡាញ់យើង មានន័យថាគេឃើញពីចំណុចអវិជ្ជមានរបស់យើងហើយ ដូច្នេះដើម្បីងាយកាត់ចិត្ត មានតែទទួលស្គាល់ខ្លួនឯងទៅថាមិនទាន់ល្អគ្រប់គ្រាន់ក្នុងការទាក់ចិត្តគេបាន។៣.ចាត់ទុកប្រុសម្នាក់នោះមិនមែនជាគូCrush មិនស្រឡាញ់យើងវិញ អ៊ីចឹងត្រូវចាត់ទុកគេជាមនុស្សប្រុសម្នាក់មិនមែនជាគូទៅចប់ហើយ។ បើនៅតែគិតថាខ្លួនឯងសក្តិសមជាមួយនិងគេទៀត នោះការឈឺចាប់គ្មានថ្ងៃបំភ្លេចបាននោះទេ។៤.ខឹងច្រើន នាំតែចាស់កុំទៅខឹង Crush នាំតែមុខចាស់អី ហើយក៏ឈប់ទៅច្រណែនគេជាមួយស្រីដទៃដែរទៅ បើគេស្រឡាញ់យើងគេខ្វល់ពីយើងហើយ។ ដូច្នេះអ្វីដែលល្អបំផុត គឺកុំគិតច្រើន កុំខឹងច្រើន នាំតែឆាប់ចាស់ទេ។៥.ត្រូវកំណត់គោលដៅជីវិតមិនមែន Crush អាចកំណត់គោលដៅរបស់យើងបានទេ ដូច្នេះហើយគួរតែគិតដល់ផ្លូវជីវិតរបស់អ្នកផង។ ប្រសិនជាអ្នកមានគោលដៅជីវិតហើយនោះ អ្នកអាចយកចិត្តទុកដាក់ចំពោះគោលដៅនោះ ហើយអ្នកក៏អាចបំភ្លេចគេម្នាក់នោះបានហើយ៕

ទំនប់ពហុបំណង រមណីយដ្ឋានធម្មជាតិដ៏ស្រស់ស្អាតបំផុតមួយ ក្នុងខេត្តបាត់ដំបង

ថ្ងៃទី ២០ ខែ កុម្ភះ ឆ្នាំ ២០១៧ ម៉ោង ១៤:១៣

កាលពីពេលថ្មីៗកន្លងមកនេះ ទំនប់ពហុបំណង ដែលជារមណីយដ្ឋានមួយដ៏ស្រស់ស្អាតដែលស្ថិតនៅក្នុងស្រុករតនមណ្ឌល ខេត្តបាត់ដំបង បើទោះបីជាការសាសងសង់មិនទាន់បានបញ្ចប់ជាស្ថាពរ ក៏ប៉ុន្តែមើលទៅ រមណីយដ្ឋាន ទំនប់ពហុបំណងនេះ គឺពិតជាមានភាពស្រស់ស្អាត រំុពន្ធ័ទៅដោយទេសភាពធម្មជាតិដ៏ស្រស់បំព្រង និងខ្យល់អាកាសបរិសុទ្ធ។ ហើយមិនតែប៉ុណ្ណោះរមណីយដ្ឋានធម្មជាតិនេះ បានផ្តល់នូវទឹកសម្រាប់ស្រោចស្រពស្រែវស្សា ស្រែប្រាំង ជិត១០ មុឺន ហិកតាផ្តល់ថាមពលអគ្គិសនីជាង ១៣ មេហ្គាវ៉ាត់ ផ្តល់ទឹកសម្រាប់ការប្រើប្រាស់ប្រចាំថ្ងៃ ទំនប់នេះក៏នឹងក្លាយទៅជាតំបន់ទេសចរណ៍ដ៏ទាក់ទាញបំផុតមួយ ។នេះជាសមិទ្ធលថ្មីមួយទៀតរបស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិត របស់សម្តេចអគ្គមហាសេនាបតីតេជោ នាយករដ្ឋមន្ត្រី ។ពីមួយថ្ងៃទៅមួយថ្ងៃ ភ្ញៀវទេសចរកាន់តែច្រើនឡើងៗ នាំគ្នាទៅកំសាន្តនៅទំនប់នេះ ។ ក្រសួងធនធានទឹក និងឧតុនិយម សូមអធ្យាស្រ័យពីបងប្អូនដែលចង់ទៅកំសាន្តនៅទីនោះ តែមិនបានសម្រេចបំណង ព្រោះថាពេលនេះការដ្ឋានរបស់យើងកំពុងដំណើរការនៅឡើយ ។ ទោះជាបែេនេះក្តី ក្នុងឨកាសពិធីបុណ្យផ្សេងៗ ពិសេសបុណ្យចូលឆ្នាំថ្មី ប្រពៃណីជាតិខាងមុខនេះ ក្រសួងនឹងអនុញ្ញាតឲ្យបងប្អូនបានចូលទៅកំសាន្ត៕

ចៅហ្វាយក្រុងព្រមានចាត់វិធានការ ច្បាប់លើក្រុមហ៊ុនម៉ៅការជីកកាយផ្លូវ កប់ខ្សែកាប អុបទិច

ថ្ងៃទី ២០ ខែ កុម្ភះ ឆ្នាំ ២០១៧ ម៉ោង ១១:៤៣

ភ្នំពេញ៖ លោកប៉ា សុជាតិវង្ស ចៅហ្វាយក្រុងភ្នំពេញ បានព្រមានចាត់វិធានការច្បាប់ទៅលើក្រុមហ៊ុនម៉ៅការជីកកាយផ្លូវ ឬចិញ្ចើមផ្លូវ កប់ខ្សែកាប អុបទិច ដែលជីកកាយផ្លូវហើយមិនបានរៀបចំឲ្យបានស្រួលបួលដូចដើម និងបានបង្កឲ្យប្រជាពលរដ្ឋមានគ្រោះថ្នាក់ចរាចរណ៍ដោយជិះធ្លាក់ជំហុក។ ការព្រមាននេះ បានធ្វើឡើងនៅក្នុងកិច្ចប្រជុំជាមួយមន្រ្ដីជំនាញ ពាក់ព័ន្ធ និង អ្នកបច្ចេកទេសក្រុមហ៊ុន ស៊ីហ្វុក ដែលទទួលម៉ៅការអាជីវកម្ម នៅពីថ្ងៃទី ២០ កុម្ភៈ ឆ្នាំ២០១៧នេះ។ សម្ដេចតេជោនាយករដ្ឋមន្ដ្រី ហ៊ុន សែន ធ្លាប់បានមានប្រសាសន៍ថា រឿងខ្សែកាប កប់ក្រោមដី រឿងជីកកកាយកាត់ផ្លូវថ្នល់ គួរណាស់បញ្ចប់ទៅបានទេ វាខូចផ្លូវអស់ហើយ ប្រសិនបើចង់កប់ខ្សែកាបគួរណាស់ កប់ឲ្យបានមុខធ្វើផ្លូវនោះទៅ ។