trollkhmer news

Power By Pepsi

កីឡា

ទេព ឡុងរចនា៖ ក្រសួងការពារជាតិនឹងបន្ថយភាពខ្លំាងពេលប៉ះ វើស្ទើនភ្នំពេញ

ថ្ងៃទី ២៩ ខែ មេសា ឆ្នាំ ២០១៧ ម៉ោង ០១:៤៥

លោក ទេព ឡុងរចនា គ្រូបង្វឹកក្រុមក្រសួងការពារជាតិបានអោយ ដឹងថាក្រុមរបស់ខ្លួននឹងបន្ថយភាពខ្លំាងខ្លះៗ ពេលប៉ះ វើស្ទើនភ្នំពេញ ក្នុងការប្រកួតជម្រើសជើងឯកជាតិឆ្នាំ២០១៧ ដែលធ្វើឡើងនៅថ្ងៃទី ២៩ ខែមេសា ឆ្នាំ ២០១៧ នាកីឡដ្ឋានស្តាតចាស់វេលាម៉ោង ៦ យប់ ។គ្រូបង្វឹកក្រុមជើងឯក ហ៊ុន សែន ខាប់ ឆ្នាំ២០១៦ នេះបានបញ្ជក់ថា៖ យើងបាត់បង់កីឡាករសំខាប់ពីររូបក្នុងជំនួបជាមួយក្រុមកំពូលតារាង ព្រះខ័នរាជស្វាយរៀង កាលពីសប្តាហ៍មុន ដែលធ្វើអោយក្រុម បន្ថយភាពខ្លាំងខ្លះៗផងដែរ។ ប៉ុន្តែលោកបន្តថា៖ កីឡាករ ដែលមកជំនួសតំណែងក៏មានសមត្ថភាពដូចគ្នាដែរ ដូចនេះមិនជាបញ្ហាច្រើនទេសំរាប់ក្រុមយើង ក្នុងការជួបក្នុងវេសើ្ទន។ ការពារជាតិកំពុងឈរលេខ២ក្នុងតារាងដែល ៨ ប្រកួត ឈ្នះ ៥ ស្មើ ៣ មាន ១៨ ពិន្ទុ ខណៈ វេស្ទើនភ្នំពេញ ស្ថិតនៅលេខ ៩ ដោយឆ្លងកាត់ ៨ ប្រកួតឈ្នះ ២ ចាញ់ ៣ និង ស្មើ ៣ ៕អត្តបទ៖ អូស្កា

រដូវកាលមុន ភ្នំពេញក្រោន ចាញ់បឹងកេត ទាំងពីរជើង ចុះលើកនេះវិញ? (មានវីដេអូ)

ថ្ងៃទី ២៩ ខែ មេសា ឆ្នាំ ២០១៧ ម៉ោង ០១:៤១

ការប្រកួតជម្រើសជើងឯកជាតិកាលពីរដូវកាលមុន(លីគកំពូលកម្ពុជា) ភ្នំពេញក្រោន មិនមានប្រវិត្តឈ្នះបឹងកេតទេ ពោលទាំងពីរជើង ខណៈ ចាន់ វឌ្ឍនាកា ធ្លាប់ស៊ុតបាន Hat-trick ក្នុងការប្រកួតជើងទី ១ នៅពហុកឡដ្ឋានជាតិអូឡាំពិកកាលពីថ្ងៃទី ៣០ ខែកញ្ញា ឆ្នាំ ២០១៦ ដោយជួយអោយ បឹងកេត ឈ្នះ ភ្នំពេញក្រោន ៣ ទល់ ២ត។ រដូវថ្មី ២០១៧ ក្នុងសប្តាហទី ៩ នេះក្រុមទាំងពីរនឹងត្រូវជួបគ្នានៅថ្ងៃទី ២៩ ខែមេសា ឆ្នាំ ២០១៧ នៅទឹកដីភ្នំពេញក្រោន RSN វេលាម៉ោង ៦ យប់ ដោយបឹងកេត មិនមាន ចាន់ វឌ្ឍនាកា ទៀតទេដោយកំពុងប្រកបអាជីពនៅប្រទេស ជប៉ុន។ក្រុមដែលដឹកនាំដោយលោក Jonh Mcglynn ស្ថិតនៅលេខ ៣ ឆ្លងកាត់ការប្រកួត ៨ ប្រកួត ឈ្នះ ៥ ស្មើ ២ និង ចាញ់ ១ មាន ១៧ ពិន្ទុ ។ ងាកមកកាន់ម្ចាស់ផ្ទះ ដឹកនាំដោយបុរសសញ្ជាតិ អ៊ុយក្រែន Oleg Starynskyi ក្នុងនោះ ៨ ប្រកួត ឈ្នះ ៤ ចាញ់ ២ និង ស្មើ ២ មាន ១៤ ពិន្ទុ ។ 

មាន់ក្នាយមាស Tottenham Hotspur ត្រូវប្តូរទឹកដីរបស់ខ្លួននៅរដូវកាលក្រោយ

ថ្ងៃទី ២៩ ខែ មេសា ឆ្នាំ ២០១៧ ម៉ោង ០១:២២

នៅរដូវកាលក្រោយ ក្រុមមាន់ខ្នាយមាស Tottenham Hotspur នឹងយកកីឡដ្ឋាន Wembley ធ្វើជាទឹកដីខ្លួនឯង បន្ទាប់ពីទឹកដីចាស់កំពុងតែធ្វើការកែកុននិងពង្រីកបន្ថែម។ ជាក់ស្តែង ម្ចាស់ក្លឹប Spur បានចាយប្រាក់ប្រមាណរហូត ៤០០លានផោន ទៅលើគម្រោងថ្មីនៃការសាងសង់កីឡដ្ឋាន White Hart Lane ឲ្យក្លាយជាសមរភូមិវាលស្មៅធំជាងគេបំផុតនៅចក្រភពអង់គ្លេស ដោយទទួលទស្សនិកជនប្រមាណ ៦១,០០០នាក់ ស្របពេលកន្លងមកបានត្រឹមតែ ៥៦,២៥០ នាក់។ គម្រោងខាងលើ គេដាក់ឈ្មោះថា Northumberland Development Project នឹងបញ្ចប់ពេលបើករដូវកាល ២០១៨-២០១៩ ខណៈចាប់ពីរដូវកាលក្រោយត្រូខ្ចីកីឡដ្ឋានជាតិអង់គ្លេសប្រើជាបណ្តោះអាសន្ន។ សូមបញ្ជាក់ថា ទឹកដី Wembley គឺស្ថិតនៅទីក្រុងឡុងដ៍ ប្រទេសអង់គ្លេស ដោយមានកៅអីទស្សនាបាល់ទាត់ចំនូន ៩ម៉ឺនកៅអី។ 

Liverpool បន្ថែមប្រាក់ដល់១០ម៉ឺនផោនក្នុង១សប្តាហ៍ដល់កីឡាករមួយរូប

ថ្ងៃទី ២៩ ខែ មេសា ឆ្នាំ ២០១៧ ម៉ោង ០១:១៦

 ក្រុម Liverpool សម្រេចបន្តកុងត្រានិងខ្សែការពារកណ្តាល Dejan Lovren ចំនួន ១ឆ្នាំទៀត ដោយបន្ថែមប្រាក់ចំនួន ៣៥,០០០ផោន ពីលើប្រាក់កម្រៃប្រចាំសប្តាហ៍ចាស់ដែលទទួលពីពេលកន្លងមក។ បុរសវ័យ ២៧ឆ្នាំបានឲ្យដឹងថា៖ ខ្ញុំគិតថា ខ្ញុំគឺជាមនុស្សម្នាក់ដែលរីករាយបំផុតនៅថ្ងៃនេះ។ វាជាសុបិន្តមួយទៀតដែលជាការពិត ។ ខ្ញុំស្រម៉ៃចង់បន្តរស់នៅជាមួយក្លឹបបាល់ទាត់ដែលខ្ញុំស្រលាញ់ នោះគឺ Liverpool។ សូមរំលឹកថា កាលពីឆ្នាំ ២០១៤ Lovren បានផ្ទេរពីក្រុម Southampton ក្នុងតម្លៃជាប្រវត្តិសាស្រ្តប្រចាំក្លឹបក្នុងនាមជាខ្សែការពារមានតម្លៃខ្លួនថ្លៃជាងគេបំផុតគឺ ២០លាផោន។ យោលតាមកុងត្រាខាងលើ សមាជិកជម្រើសជាតិក្រូអាតត្រូវបន្តរស់នៅទឹកដី Anfield រហូតដល់ឆ្នាំ ២០២១ ជាមួយចំណូលសរុប ១០ម៉ឺនផោនពីក្រុមហងក្រហម។

Lukaku គឺល្អជាង Costa សម្រាប់ក្រុមតោខៀវ Chelsea

ថ្ងៃទី ២៩ ខែ មេសា ឆ្នាំ ២០១៧ ម៉ោង ០១:០១

ក្រុមតោខៀវ Chelsea កំពុងតាមប្រម៉ាញ់ខ្សែប្រយុទ្ធ Romelu Lukaku ត្រឡប់មកកីឡដ្ឋាន Stamford Bridge ក្រោយពីបានលក់ឲ្យក្រុមស្ករគ្រាប់ Everton កាលពីឆ្នាំ ២០១៤ ក្នុងតម្លៃ ២៨លានផោន។ យោលតាមសម្តីររបស់អតីតសមាជិក Man City លោក Shaun Goater បានបញ្ចេញមិតផ្ទាល់ខ្លួនថា៖ Lukaku អាយុត្រឹមតែ ២៣ឆ្នាំ ដូច្នេះគេនូវមានពេលច្រើន ក្នុងបង្ហាញសមត្ថភាពទេព្យកោលស្យដែលមាន។ រូបគេគឺជារ៉ាដារបស់ក្លឹបធំៗ ហើយក៏ជាទីដែលគេបង្កើនអ្វីដែលគេដុសខាតខ្លួនផងដែរ។ ចំណែក Costa អាយុ ២៨ឆ្នាំហើយ ហើយក៏ជាពេលដែលគេឈានដ៏កំពូលដែរនៅពេលនេះ ប៉ុន្តែសមត្ថភាពរបស់ជម្រើសជាតិអេស្ប៉ាញនៅមានកម្រិត។ រដូវកាលនេះ សមាជិកជម្រើសបែលហ្ស៊ិកកំពុងតែគ្រងតំណែង Top Soccer នៅ Premier League ដោយស៊ុតបញ្ចូលទី ២៤គ្រាប់ ដោយច្រើនជាង Diego Costa ចំនួន ៥គ្រាប់ ខណៈមានពត៌មានលេចលឺថា បុរសសំបុរស្រអែមស្រស់ បានបដិសេធសំណើរបន្តកុងត្រាជាមួយ Everton ដោយចង់ចាកចេញនៅរដូវក្តៅនេះ  ស្របពេល Chelsea កំពុងត្រៀមទទួលដៃពី៕

លោក Jurgen Klopp បង្ហើបឈ្មោះកីឡាករក្នុងក្តីស្រមៃដែលលោកចង់ទិញមក Liverpool

ថ្ងៃទី ២៩ ខែ មេសា ឆ្នាំ ២០១៧ ម៉ោង ០០:៤៩

គ្រូបង្វឹក Liverpool លោក Jurgen Klopp បានបង្ហើបឈ្មោះកីឡាករក្នុងក្តីសម្រៃរបស់របស់ខ្លួនដែលចង់ទិញមកកាន់ Liverpool ហើយបានសរសើរខ្សែបម្រើ Toni Kroos របស់ Real Madrid ថាកីឡាករដ៏អស្ចារ្យក្នុងការគ្រប់គ្រងបាល់។តាមការរាយកាណ៍បានឲ្យដឹងថាអ្នកចាត់ការក្រុមហង្សក្រហមគ្រោងនឹងរុះរើក្រុមក្រោយចប់រដូវកាលនេះ​ ដោយបានបង្ហើបអំពីតម្រុយក្នុងការទិញយកកីឡាករមួយចំនួនមកកាន់ទឹកដី Anfield ផងដែរ។បុរសជនជាតិអាល្លឺម៉ង់បានប្រាប់ Marca ថា៖ "Busquets អាយុត្រឹមតែ២៨ឆ្នាំទេ ប៉ុន្តែមើលទៅគេដូចជាធ្លាប់លេងនៅតំបន់កណ្តាលនេះបាន១៦ឆ្នាំហើយអញ្ជឹង។ Toni Kroos គឺជាកីឡាករដ៏អស្ចារ្យ, គេពិតជាល្អណាស់នៅពេលដែលបាល់ជាប់ជើងរបស់គេ។ បើសិនជាពួកគេគឺជាកូនក្រុមរបស់ខ្លួន វាពិតជាល្អណាស់"។លោក Klopp បានបន្ថែមទៀតថា លុយមិនមែនជាបញ្ហាឡើយសម្រាប់ក្លឹបក្នុងការចំណាយ ដោយលោកចង់បានកីឡាករថ្មីៗមួយចំនួនទៀតមកធ្វើការជាមួយលោកនៅរដូវកាលក្រោយដើម្បីប្រជែងយកជើងឯក Premier League បន្ទាប់ពីក្លឹបខកខានឈ្នះជាយូរណាស់មកហើយ។

Jose Mourinho៖​ ប៉ះ Swansea​ ស្អែកនេះ ខ្ញុំអាចចូលលេងធ្វើខ្សែការពារបាន!

ថ្ងៃទី ២៩ ខែ មេសា ឆ្នាំ ២០១៧ ម៉ោង ០០:២៣

អ្នកចាត់ការទូទៅ Jose Mourinho និយាយថា កីឡាករតម្លៃថ្លៃលើលោក Paul Pogba នឹងបន្តអវត្តមានសម្រាប់ការប្រកួតសប្តាហ៍នេះពេលទទួលភ្ញៀវ Swansea ប៉ុន្តែនឹងត្រលប់មកវិញនៅសប្តាហ៍ក្រោយក្នុងពានរង្វាន់ Uefa Europa League​ វគ្គពាក់កណ្តាលផ្តាច់ព្រ័ត ជើងទី១ពេលប៉ះជាមួយ Celta Vigo។Pogba មានបញ្ហារបួសសាច់ដុំនៅក្នុងជំនួបដែលបិសាចក្រហមបានយកឈ្នះក្រុមម្ចាស់ផ្ទះ Burnley ២-០ ដោយត្រូវខកខានមិនបានចូលលេងកាលពីយប់មិញពេលស្មើគ្នា ០-០ ជាមួយ Man City ផងដែរនៅទឹកដី Etihad។" Paul នឹងត្រលប់មកជួយក្រុមវិញពេលប៉ះ Celta" លោក Mourinho ប្រាប់អ្នកកាសែត។ "រឿងតែមួយគត់ដែលយើងអាចនិយាយបាននោះគឺយើងពិតជាខ្វះសំណាងនឹងបញ្ហារបួសកីឡាករ, Pogba មួយ, ហើយ Valencia មួយទៀតកាលពីពេលថ្មីៗនេះ។ អតីតគ្រូបង្វឹក Real Madrid​ បាននិយាយបែបលេងសើចថា ឥឡូវនេះ Man UTD មានវិបត្តិប្រព័ន្ធខាងក្រោមដោយនៅសល់តែ Eric Bailly, Daley Blind និង Axel Tuanzebe ដូចនេះលោកនឹងអាចជាបេក្ខភាពខ្សែការពារមួយរូបផងដែរបើសិនជាក្រុមត្រូវការ។ក្រុមបិសាចក្រហម Manchester United ត្រូវបើកទ្វារផ្ទះ Old Trafford របស់ខ្លួនដើម្បីស្វាគមន៍ក្រុមក្ងានខ្មៅ Swansea City នៅថ្ងៃអាទិត្យនាវេលាម៉ោង៦ល្ងាច ដើម្បីប្រជែងរកពិន្ទុបន្ថែមទៀតសម្រាប់កៅអីនៅ Top4 នារដូវកាលនេះ។

រថយន្តថ្មីរបស់កូនច្បង David Beckham ធ្វើឲ្យស្រីៗជ្រួលជ្រើមពេញទីក្រុងឡុងដ៍

ថ្ងៃទី ២៨ ខែ មេសា ឆ្នាំ ២០១៧ ម៉ោង ១៥:១៦

កូនប្រុសច្បងរបស់អតីតខ្សែបម្រើឆ្នើម David Beckham បង្ហាញនូវរថយន្តថ្មីរបស់ខ្លួនមួយគ្រឿងទៀត ដោយបានធ្វើដំណើរជុំវិញទីក្រុងឡុងដ៍ ខណៈដែលស្រីស្អាតជាច្រើនពិតជាជ្រួលជ្រើមជាមួយនឹងរថយន្តនឹងសម្រសរបស់ Brooklyn Beckham។ រថយន្តនោះម៉ាក Land Rover Defender 90 ដែលផលិតនៅចក្រភពអង់គ្លេស ដែលតម្លៃប្រមាណ ៣,៥០០ផោន។ ក្រៅពីរថយន្តខាងលើ យុវជនវ័យ ១៨ឆ្នាំ ក៏មានរថយន្តផ្ទាល់ខ្លួន៣​គ្រឿងទៀតដែរ រួមមាន Mercedes C-class  (៣៧,៦១៥ផោន ), Jeep ( ៣៥,០០០ផោន) និង Mercedes-Benz GL 63 AMG (១០២,៣៥០ផោន)។

Diego Simeone ប្រាប់ពីមូលហេតុមិនឲ្យកូនប្រុសលេងនៅ Atletico Madrid ទោះបីលេងល្អប៉ុណ្ណាក៏ដោយ

ថ្ងៃទី ២៨ ខែ មេសា ឆ្នាំ ២០១៧ ម៉ោង ១២:៣៦

លោក Diego Simeone គឺជាអ្នកចាត់ការមួយរូបដែលបានជួយឲ្យ Atletico Madrid ទទួលបានជោគជ័យច្រើននៅប៉ុន្មានឆ្នាំចុងក្រោយនេះ ហើយបុរសជនជាតិអាហ្សង់ទីនរូបនេះបានប្រាប់ពីមូលហេតុដែលមិនឲ្យកូនប្រុសលេងនៅក្នុងក្រុមជាមួយខ្លួន។គ្រូបង្ចឹកមុខកាចវ័យ៤៦ឆ្នាំត្រូវបានកាសែតកីឡានៅអេស្ប៉ាញរាយការណ៍ថា ការធ្វើការជាមួយនឹងកូនរបស់ខ្លួនធ្វើឲ្យមានការលំបាកច្រើនលើមនោសញ្ជេតនា ប៉ុន្តែគេបានអះអាងថាមិនមែនជាបញ្ហានេះឡើយ។បុរសជនជាតិអាហ្សង់ទីនបានឲ្យដឹងថា៖ "វាមិនមែនជារឿងបញ្ហាមនោសញ្ជេតនា ឪពុក-កូន ឡើយ, វាគឺជាការប្រកួត បើសិនជាការលំបាកក៏ដោយប៉ុន្តែយើងត្រូវធ្វើដោយជំនាញរបស់យើង។ Giovanni មានគុណភាពដែលខ្ញុំពេញចិត្តជាមួយនឹងការខិតខំប្រឹងប្រែងរបស់គេ ប៉ុន្តែគេមិនសាកសមជាមួយនឹងក្រុមរបស់ខ្ញុំឡើយ"។ កូនប្រុសលោក Deigo កីឡាករ Giovanni Simeone បានបង្ហាញថ្វីជើងបានយ៉ាងល្អក្រោយពីអាចបំប៉ោងសំណាញ់ទី១១គ្រាប់ក្នុងការបង្ហាញខ្លួន២៨លើកឲ្យ Genoa នៅប្រទេសអ៊ីតាលី។