trollkhmer news

កម្សាន្ត

អាចារ្យអេ ប្រាប់មូលហេតុ និងសុំទោសរឿងថាមុខលោក ព្រាប សុវត្ថិ ស្រែ រួមទាំងរឿងទះកំផ្លៀងសូឡាពីថ្ងៃមុន ដោយសារ...

ថ្ងៃទី ១៥ ខែ មិនា ឆ្នាំ ២០១៧ ម៉ោង ១៣:៤៥

កាលពីព្រឹកមិញនេះដែរ លោកអាចារ្យ អេ និងក្រុមការងារ បានធ្វើការបកស្រាយទាក់ទងនឹងរឿងលោកព្រាប សុវត្ថិ ហើយលោកអាចារ្យអេ ក៏បាននិយាយថា លោកបានសុំទោសលោក ព្រាប សុវត្ថិ ម្ដងរួចមកហើយ។ បន្ទាប់មកទៀត អាចារ្យ អេ ក៏បានធ្វើការបកស្រាយរឿងដែលលោកបាននិយាយថា លោក ព្រាប សុវត្ថិ មុខស្រែ គឺដោយសារតែលោកព្រាប សុវត្ដិផ្សាយពាណិជ្ជកម្មស្រាបៀរ ។ ហើយរឿងមួយវិញទៀតនេោះគឺរឿងដែលលោកបានធ្វើឃ្លីបកាលពីលើកមុននោះ លោកបានទះកំផ្លៀងសូឡានោះ គឺគ្រាន់ជាការសំដែងទេ ដោយគាត់បានធ្វើឃ្លីប ទាក់ទង និងបទចំរៀង "ទឹកភ្នែកខ្ទើយ" ដែលតំរូវឲ្យសូឡាដើរតួនៅក្នុងបទនោះផងដែរ សរុបមកការសំដែងដែលលោកបានធ្វើឃ្លីបវីដេអូពីលើកមុននោះ គ្រាន់ចង់ឲ្យសង្គមខ្មែរឲ្យតម្លៃខ្ទើយ ហើយគ្រាន់តែជាការសម្ដែងតែប៉ុណ្ណោះ។ ដើម្បីចង់ដឹងឲ្យកាន់តែជ្រាបច្បាស់នោះ សូមប្រិយមិត្តទស្សនាវិដេអូខាងក្រោមទាំងអស់គ្នា៖

បុណ្យភូមិឆ្នាំនេះ ប្រព្រឹត្តនៅថ្ងៃទី០៧ ដល់ ០៩ ខែមេសា ទីតាំងថ្មីស្ថិតនៅ...

ថ្ងៃទី ១៥ ខែ មិនា ឆ្នាំ ២០១៧ ម៉ោង ១១:២៩

ជារៀងរាល់ឆ្នាំដែលកន្លងមកកម្ពុជាយើង តែងតែប្រារព្ធធ្វើពិធីបុណ្យតាមបែបប្រពៃណីបុរាណខ្មែរ ដែលមានឈ្មោះថា “បុណ្យភូមិ” រៀបចំឡើងដោយ ភ្លើងគប់ តែងតែប្រារព្ធធ្វើឡើងមុនពេលពិធីបុណ្យចូលឆ្នាំប្រពៃណីខ្មែរ ឆ្នាំចាស់ ផ្លាស់ចូលឆ្នាំថ្មីខាងមុននេះ។ យោងតាមការឲ្យដឹងនៅលើទំព័រផ្លូវការរបស់ BonnPhum បានឲ្យដឹងថា បុណ្យភូមិ ឆ្នាំនេះនឹងប្រព្រឹត្តធ្វើឡើងនៅថ្ងៃ សុក្រ សៅរ៍ អាទិត្យ ទី០៧-០៨-០៩ ខែមេសា ឆ្នាំ២០១៧ ចំណែកឯទីតាំងវិញគឺស្ថិតនៅវត្តទួលក្រសាំង។ តោះ ប្រិយមិត្តកុំភ្លេចទៅគាំទ្រ និងដើរលេងសប្បាយដើម្បីទទួលនូវអ្វីដែលប្លែកៗទាំងអស់គ្នាណា៖ សូមទស្សនាវីដេអូខ្លីៗខាងក្រោយនេះ៖

ការពិត Angelina Jolie និងអតិតស្វាមី សាក់យ័ន្តក្រោយខ្នងដើម្បីរឹតចំណងស្នេហ៍ តែចុងក្រោយនៅតែបែកគ្នាទៅវិញ...

ថ្ងៃទី ១៥ ខែ មិនា ឆ្នាំ ២០១៧ ម៉ោង ១០:៤៨

តារាហូលីវូដ៖ អ្នកដឹកនាំសម្ដែង និងជាតារាសម្តែងរបស់ហូលីវូដដ៏ល្បីឈ្មោះ Angelina Jolie ដែលចូលចិត្តមានស្នាមសាក់លើដងខ្លួន ហើយកាលពីនាងនៅវ័យជំទង់នោះ  នាងធ្លាប់មានស្នាមសាក់ចំនួន១៥កន្លែងឯណោះ។យោងតាមប្រភពពត៌មានបានឲ្យដឹងថា មួយរយៈពេលនេះ គេសង្កេតឃើញថាមានស្នាមសាក់ចម្លែកជាច្រើននៅខាងក្រោយខ្នងរបស់ Angelina Jolie ប៉ុន្តែក៏បានឃើញស្នាមសាក់រូបយ័ន្តធំមួយនៅចំកណ្ដាលខ្នងរបស់នាងផងដែរ។ ដែលនោះគឺជាសាក់យ័ន្ត ដែលនាងធ្លាប់មកសាក់ជាមួយអតីតស្វាមីនាងនៅឯខេត្តសៀមរាប កាលពីខែកុម្ភៈ ឆ្នាំ២០១៦ ដោយស្នាដៃអតីតសង្ឃមកពីប្រទេសថៃ។ខណៈពេលដែល Angie មកទស្សនកិច្ចនៅខេត្តសៀមរាប កាលពីឆ្នាំមុន តាមប្រភពដដែលបានបន្តទៀតថា នាងបានទាក់ទងអតីតសង្ឃពីប្រទេសថៃ មកសាក់ឲ្យនាង ដែលជាប្រភេទសាក់យ័ន្ត នៅលើខ្នងចំនួន៣កន្លែង មិនតែប៉ុណ្ណោះសូម្បីតែអតីតស្វាមីរបស់នាង លោក Brad Pitt ក៏ទទួលសាក់នេះដែរ ប៉ុន្តែសាក់នៅខាងមុខ ផ្នែកខាងឆ្វេងលើពោះ។គួរបញ្ជាក់ផងដែរថា​ តាមពិតស្នាមសាក់ដែលបានឆ្លាក់លើដងខ្លួនទាំងនេះ គឺជាស្នាមសាក់ដែលលាយឡំនឹងអាគមន៍ ដើម្បីរឹតចំណេងស្នេហ៍អ្នកទាំង២ ប៉ុន្តែចុងក្រោយចំណងស្នេហ៍មួយនេះត្រូវបានបែកប្រេះឆា ដោយសារ Angie និង Brad Pitt បានសម្រេចលែងលះ កាលពីអំឡុងខែកញ្ញា ឆ្នាំ២០១៦ ក្រោយទទួលបានស្នាមស្នាក់នេះអស់រយៈពេល៧ខែ។ ហើយចំពោះសា្នមសាក់ដ៏ធំ ចំកណ្តាលខ្នងវិញ គឺជាស្នាមសាក់ចុងក្រោយដែល Angie បានអញ្ជើញអតីតសង្ឃនេះដដែលឲ្យមកសាក់ជូន ហើយវាក៏ជាប្រភេទសាក់យ័ន្ត ដែលតំណាងឲ្យព្រះពុទ្ធសាសនា និងធម៌ ដើម្បីការពារខ្លួនផងដែរ។ បន្តបញ្ជាក់ឲ្យដឹងថា ចំពោះអតីតសង្ឃថៃដែលជាអ្នកទទួលឆ្លាក់សាក់នេះ មានឈ្មោះថា Ajarn Noo Kenpai បានប្រើរូបមន្តបុរាណ៕ 

តំលៃថ្លៃបន្តិចមែន តែបើបានទៅកោះសង្សារនេះប្រៀបបានដូចជាទៅឋានសួគ៌ចឹង

ថ្ងៃទី ១៥ ខែ មិនា ឆ្នាំ ២០១៧ ម៉ោង ០៩:៤៤

ខេត្តព្រះសីហនុ៖ នៅក្នុងខេត្តព្រះសីហនុ ត្រូវបានគេគ្រប់គ្នាកំណត់សំគាល់ឃើញថា គឺជាខេត្តដែលសម្បូរទៅដោយ​កោះ​ដែល​មាន​សម្រស់​ស្រស់​ស្អាត​មិន​ធម្មតា​។ ក្រៅ​ពី​ឆ្នេរ​សមុទ្រ​ខ្សាច់​ស​ក្បុស​ហើយ​នោះខេត្តនេះក៏សម្បូរទៅដោយកោះល្បីៗ ដែលនៅក្នុងចំណោមកោះល្បីៗទាំងនោះដែរ ក៏មានកោះមួយ​ដែល​មាន​ឈ្មោះ​ល្បី​​នៅ​ក្នុង​តំបន់​ប្រជុំ​កោះ​នឹង​កោះ​រ៉ុង​ផង​ដែរ មានឈ្មោះថា " កោះសង្សារ "។​ថ្វីត្បិតថា​កោះ​សង្សារ​ជា​កូន​កោះ​តូច​​ ប៉ុន្តែ​ពេល​នេះ​វាបានក្លាយទៅជា​Resortដ៏​ស្រស់​ស្អាត​មួយ ស្អាត​រហូត​ដល់​​ថ្នាក់​ចង់​ទៅ​លេង​ ព្រោះ​វា​មើល​ទៅ​មិន​ចាញ់​កោះ​ល្បី​ៗ​នៅ​ក្នុង​អាស៊ី​យើង​ប៉ុន្មាន​ទេ។​ ចំពោះ​តម្លៃ​ស្នាក់​នៅ​របស់​វា​វិញ​ នៅ​ពេល​ដែល​ដឹង​អ្នក​អាច​ នឹង​ភ្ញាក់ផ្អើលបន្តិចហើយ ព្រោះ​មួយ​យប់​តម្លៃ​ជិត​១៣០០​ដុល្លារ​ឯ​ណោះ​ នេះ​បើ​តាម​ឲ្យដឹងពីតម្លៃ​ដែល​ឆែក​នៅ​លើ​វេបសាយ​របស់​ Resortផ្ទាល់​។​ ហើយអ្នកក៏ប្រាកដជាមិនចំលែកចិត្តទៀតទេមើលទៅ ព្រោះមិនមានដែលឃើញនៅភ្ញៀវទេសចរខ្មែរទៅលេងនៅទីនោះ ពីព្រោះថាតម្លៃនៃការស្នាក់នៅទីនោះគឺវាហាក់ដូចជាមានតម្លៃថ្លៃហួសពេក។ ប៉ុន្តែជឿជាក់ថាអ្នកទាំងអស់គ្នាបានទស្សនារូបភាពនៃកូនកោះតូច ដែលមើលទៅដូចជាឋានសួគ៌នេះហើយ និងមានចំណាប់អារម្មណ៍ចង់សន្សំលុយដើម្បីមកលេងនៅទីនេះជាមិនខាន ព្រោះមើលទៅកូនកោះតូចនេះពិតជាមានភាពទាកទាញខ្លាំងមែនទែន៕ តោះ ទៅមើលរូបភាពដ៏ស្រស់ស្អាតរបស់កូនកោះនេះ បន្តិចមើល ថាគួរឲ្យចាប់អារម្មណ៍ខ្លាំងបែបណា៖

លោក ព្រាប សុវត្ថិ ចេញបទថ្មីសង្ស័យឆ្លើយតបទៅនឹងអាចារ្យ A

ថ្ងៃទី ១៤ ខែ មិនា ឆ្នាំ ២០១៧ ម៉ោង ១៩:២៤

ប្រហែលប៉ុន្មាននាទីមុននេះផលិតកម្មរស្មីហង្សមាសបានចេញបទថ្មីក្រោមចំណងជើងថា "ខ្ញុំស្រែអ៊ីចឹង" ដែលច្រៀងដោយលោក ព្រាប សុវត្ថិ ។ បើតាមការស្តាប់អត្ថន័យរបស់បទនេះគឺចង់និយាយពីអត្តចរិក មន្តស្នេហ៍របស់កំលោះស្រុកស្រែមួយរូបនៅប្រទេសកម្ពុជា ហើយសូមបញ្ជាក់ថាបទនេះគឺជាបទនិពន្ធថ្មីមិនចម្លងពីបរទេសឡើយ ។ យើងចាំបានថាកាលពីចុងខែ មករា ឆ្នាំ 2017 លោកអាចារ្យ A ធ្លាប់បានថាអោយលោក ព្រាប សុវត្ថិថាមុខដូចអ្នកស្រែរហូតធ្វើអោយអ្នកគាំទ្រលោកព្រាប សុវត្ថិបានចេញមកប្រឆាំងនឹងសម្តីរបស់អាចារ្យ A ដែលថាអោយ Idol របស់ពួកគាត់ ។ ឥឡូវកុំអោយខាតពេលយូសូមទស្សនាបទថ្មីនេះទាំងអស់គ្នា ៖

បទថ្មី! "ឲ្យតែប្រុស Crush ខ្ញុំ" ពី ឱក សុគន្ធកញ្ញា ប្លែកអារម្មណ៍ទៀតហើយ

ថ្ងៃទី ១៤ ខែ មិនា ឆ្នាំ ២០១៧ ម៉ោង ១៥:០៩

តារាខ្មែរ៖ កំពូលតារាចម្រៀងស្រីដ៏ល្បីល្បាញ កញ្ញា ឱក សុគន្ធកញ្ញា ថ្មីៗនេះដែរ ក៏បានចេញនូវបទចំរៀងថ្មីមួយបទទៀត គឺមានចំណងជើងថា "ឲ្យតែប្រុស Crush ខ្ញុំ" ពិតជាប្លែកអារម្មណ៍ទៀតហើយជាមួយ និងបទថ្មីរបស់កញ្ញា មួយបទនេះ។ តោះ! ស្ដាប់បទថ្មី  "ឲ្យតែប្រុស Crush ខ្ញុំ" បន្តិចមើល៖

ទីបំផុត បទ "វិញ្ញាណ​ស្នេហ៍​" របស់ ចេស្ដា ចេញ Full MVហើយ!

ថ្ងៃទី ១៤ ខែ មិនា ឆ្នាំ ២០១៧ ម៉ោង ១៤:០៧

ការទន្ទឹមរង់ចាំជាយូរមកហើយរបស់ទស្សនិជន និងបណ្ដាញអ្នកគាំទ្រទាំងអស់ ដែលកំពុងតែចាំមើលថា តើMVបទចំរៀង “វិញ្ញាណ​ស្នេហ៍​" របស់ ចេស្ដា មានអត្ថន័យ និងកំសត់យ៉ាងណានោះ។ ឥឡូវនេះបានចេញជា MV ជាផ្លូវការហើយនៅលើ យូធូ កាលពីមុននេះបន្តិច ជឿជាក់ថាទស្សនាហើយប្រាកដជាស្លុងអារម្មណ៍ជាក់ជាមិនខាន។ ចង់ដឹងថា Full MV មនោសញ្ចេតនាបែបយុវវ័យ បទ “វិញ្ញាណ​ស្នេហ៍​" នេះមានអត្ថន័យ និងពិរោះយ៉ាងណានោះ? តោះ ទស្សនាវីដេអូខាងក្រោមនេះទាំងអស់គ្នា៖

រឿង «ភ្លើងព្រះនាង» ត្រូវបានឈប់ឲ្យបញ្ជាំងនៅប្រទេសថៃ ក្រោយពេលទាយាទស្ដេចភូមា មានប្រតិកម្មយ៉ាងខ្លាំង និងសំណូមពរឲ្យឈប់ចាក់ផ្សាយ!

ថ្ងៃទី ១៤ ខែ មិនា ឆ្នាំ ២០១៧ ម៉ោង ១២:២១

ប្រទេសថៃ៖ ក្រោយផ្ទុះរឿងព្រះអង្គ សូ វីន ដែលត្រូវជាព្រះទាយាទរបស់ព្រះមហាក្សត្រភូមា បានសម្ដែងនូវភាពមិនពេញចិត្តចំពោះសាច់រឿង «ភ្លើងព្រះនាង» ជាខ្លាំង បើទោះបីជាសាច់រឿងជារឿងភាគរបស់អាណាចក្ររួមមិត្តក៏ដោយ តែស្ទើរតែទាំងអស់នៃសាច់រឿង គឺឈុតឆាកចម្លងចេញមកពីកំឡុងឆ្នាំចុងក្រោយបង្អស់របស់រាជវង្ស "ខង បង" នៅក្នុងសម័យក្សត្រទី១៩ គឺជាកំឡុងពេលដែល មីយ៉ាន់ម៉ា ក្លាយជាប្រទេសមួយដែលគេឲ្យឈ្មោះថា "ភូមា"។យោងតាមការធ្វើបទសម្ភាសន៍ជាមួយ BBC ជាភាសាភូមាថា « បើទោះបីជាការដណ្ដើមរាជ ជាហេតុការដែលកើតឡើងពិតនៅក្នុងប្រវត្តិសាស្រ្ដ តែទាយាទព្រះបាទ ធីប នៅតែមិនពេញចិត្ត ដែលរឿងរ៉ាវត្រកូលរបស់ពួកគេ ត្រូវយកមកសម្ដែងដោយប្រទេសដែលគោរពស្ដេចខ្លួនឯង ហើយមិនមានការពិចារណាអ្វីនោះឡើយ ហើយព្រះទាយាទ សូ វីន បានប្រាប់បន្ដទៀតថា មិនពេញចិត្តសោះ ដែលរឿងភាគមួយនេះត្រូវយកមកសម្ដែង ទះតប់គ្នា​ ជាឈុតឆាកប្រើអំពើហឹង្សា នឹងជាអំពើព្រៃផ្សៃ»។គួរបញ្ជាក់ផងដែរថា កាលពីពេលថ្មីៗនេះ ចំពោះរឿង«ភ្លើងព្រះនាង» ត្រូវបានសំណូមពរឱ្យផ្អាកការចាក់ផ្សាយ ជាបណ្តោះអាសន្ន ដើម្បីរក្សាចំណងមិត្តភាពរវាងប្រទេសជាមិត្តទាំងពីរ៕

រត់ប្រាស់អាយ៉ូសទាំងអស់គ្នាដោយសារអគ្គីភ័យពេលសម្ពោធរឿង Kong: Skull Island (2017)

ថ្ងៃទី ១៤ ខែ មិនា ឆ្នាំ ២០១៧ ម៉ោង ១២:០៣

ពិតជាគួអោយភ្ញាក់ផ្អើលមួយដែលមានអគ្គីភ័យបានឆាប់ឆេះនៅទីក្រុង Ho Chi Minh ប្រទេសវៀតណាមកាលពីថ្ងៃទី 09 ខែ មិនា ឆ្នាំ 2017 នាពេលរាត្រីតែម្តងចំពេលការសម្ពោធខ្សែភាពយន្តសត្វគីងកុងគឺ Kong: Skull Island (2017) ។ អគ្គីភ័យនេះកើតឡើងដោយសារកំហុសពីអ្នករាំម្នាក់ដែលកាន់រងើបភ្លើងរាំទៅប៉ះចំគ្រឿងលំអឆាករហូតធ្វើអោយរីករាលដាលក្លាយជាអគ្គីភ័យហើយដំបូងឡើយគេឃើញដែរតែគិតថាជាការសម្តែង ដល់តែមានអីស្រាប់តែមនុស្សម្នានាំគ្នារត់ចេញយ៉ាងលឿន ។ ទោះបីជាយ៉ាងណាអគ្គីភ័យនេះបានរលត់ទៅវិញត្រឹមតែរយះពេល 5 នាទីប៉ុណ្ណោះ ហើយជាក់ស្តែងរឿងនេះត្រូវចំណាយដើមទុនថតអស់ $185 million ថតនៅឈូងសមុទ្រ Ha Long ប្រទេសវៀតណាម ៕