todaykh news

កម្សាន្ត

សំដី ៧ឃ្លាដែលអ្នក​មិនគួរនិយាយខ្លាំងៗដាក់គូស្នេហ៏

ថ្ងៃទី ២៤ ខែ មករា ឆ្នាំ ២០១៦ ម៉ោង ០៦:២៨

ផ្តល់សិទ្ធដោយ មង្គលការជាការ​ពិតណាស់ ការមើលថែរក្សា​ស្នេហា​ឲ្យ​បានល្អ​គង់វង្ស​មិនមែន​ជារឿងមួយ​ងាយស្រួល​ឡើយ។ ស្របពេលដែល​ស្នេហាចុះសម្រុងគ្នា​ល្អអាច​ផ្តល់នូវ​តម្លៃ និង​សុភមង្គល​ច្រើន​ទៅដល់​ជីវិត​, គូស្វាមីភរិយា​ភាគច្រើន​ត្រូវចំណាយច្រើន មុនពេល​ដែលពួកគេ​ទាំង​ពីរអាច​ទុកចិត្តលើគ្នា និង​ចាប់ផ្តើម​និយាយ​បង្ហាញ​ពីអារម្មណ៏​ខ្លួនឯង​ប្រាប់ដល់​គ្នាទៅវិញទៅ​មក។ តែទោះបីជា​យ៉ាងណា អ្វីដែលយើង​តែងតែ​ភ្លេចនោះគឺ រឿង​តូចតាច និង​ជារឿងឥត​ប្រយោជន៏​ដែលអ្នក​បាននិយាយ​ទៅកាន់​មនុស្ស​សំខាន់​របស់អ្នក ដែល​ទីបំផុត​ធ្វើឲ្យ​ជម្លោះ​ផ្ទុះ​ឡើង។ខាងក្រោម​នេះជា ពាក្យសំដី ៧ឃ្លាដែល​អ្នកមិនគួរ​និយាយប្រាប់​ដល់គូស្នេហ៏​របស់​អ្នក ដូច្នេះ​នឹង​គ្មានជម្លោះ ឬការយល់​ច្រលំ​រវាងអ្នក​ទាំងពីរឡើយ៖១. "ខ្ញុំរវល់​ខ្លាំង​ណាស់”មាន​ពេលខ្លះ អ្នកប្រឈម​នឹងសម្ពាធ​ការងារ និង​បញ្ហាផ្ទាល់ខ្លួន​នៅផ្ទះ​ច្រើន ដោយសារ​តែអ្នក​មិនចេះ​បែងចែក​ពេលវេលា​យកចិត្តទុកដាក់​ចំពោះគូស្នេហ៏​របស់​អ្នក។ តែទោះបីជា​យ៉ាង​ណាក៏​ដោយ ប្រសិនបើ​គូស្នេហ៏​អ្នក​មកក្បែរ​ដើម្បី​និយាយ​ពីបញ្ហា និង​សន្ទនាស្របពេល​អ្នកកំពុង​មានសម្ពាធ​ការងារ​ច្រើន អ្នក​មិន​ត្រូវ​ដើរចេញ​ពីនាង​ក្នុង​ដំណាក់​កាល​នេះ​ឡើយ។ ការធ្វើ​បែបនេះ អ្នក​នឹង​ធ្វើឲ្យ​នាង​មានអារម្មណ៏​ថា អ្វីដែលនាង​និយាយ​ទៅ​មិនសំខាន់​គ្រប់គ្រាន់។ ផ្ទុយទៅ​វិញ ត្រូវ​ពន្យល់​ខ្លីៗ​ពីស្ថានភាព​របស់អ្នក​នៅពេល​នេះ​ប្រាប់​ដល់​គូស្នេហ៏ នៅពេល​ជីវិតអ្នក​កំពុងជួប​នឹង​ភាពច្របូកច្របល់។២. "ឈប់​ស្លៀក​វាទៅ”កុំនិយាយស្រែកៗ​ចំពោះសម្លៀក​បំពាក់អ្វីដែល​គូស្នេហ៏គួរ ឬមិនគួរ​ស្លៀក។ ចៀសវាង​ធ្វើឲ្យនាង​មានអារម្មណ៏​មិនសប្បាយ​ចិត្តចំពោះ​ជម្រើស​ការស្លៀកពាក់​របស់នាង ហើយ​ត្រូវ​ទទួល​យក​ជម្រើស​របស់​នាង ប្រសិនបើអ្នក​ចង់បាន​ស្នេហា​យូរអង្វែង។ តើអ្នក​ដឹងទេ​ថា ស្នេហា​រឹងមាំ​អាចជួយ​បំបាត់​ភាពតាន​តឹង​របស់អ្នក។៣. "ខ្ញុំមិនចូលចិត្ត​មិត្តភក្តិ​របស់អ្នកទេ”គូស្នេហ៏របស់​អ្នក​ប្រហែល​ជាមានមិត្ត​ច្រើន និង​មិត្តស្គាល់​គ្នារយៈ​ពេលយូរមកហើយ។ ប្រសិនបើអ្នក​​មិនចូលចិត្ត​មិត្តភក្តិ​​របស់​គូស្នេហ៏​​អ្នក ដោយសារ​​ហេតុផល​​ផ្សេងៗ អ្នក​ត្រូវចៀសវាង​ការប្រើសម្តីបែបនេះ​ចំពោះ​ពួកគេ ជាពិសេស​និយាយ​ពីចំណុច​មិនល្អ។ ផ្ទុយ​ទៅវិញ អ្នកអាច​កាត់បន្ថយ​ពេលវេលា​ខ្លះពេល​នៅជាមួយ​មិត្តនាង ដើម្បី​ចៀសវាង​ជម្លោះ​ណាមួយ​កើត​ឡើង។៤. "អ្នកមិនយល់ទេ”នេះប្រហែល​​ជារឿងមួយ​ដ៏គួរឲ្យ​ឈឺចាប់​​បំផុត នៅពេល​អ្នក​អាច​​​និយាយ​ពាក្យ​សម្តី​បែបនេះ​​​ចំពោះគូស្នេហ៏​​​អ្នក ព្រោះ​វា​បញ្ជាក់​យ៉ាងច្បាស់​ថា អ្នកគិត​ថា គូស្នេហ៏​របស់អ្នក​គ្មាន​សមត្ថភាព​ថ្លឹងថ្លែង​ពីអារម្មណ៏​របស់អ្នក និងអ្វី​ដែលប៉ះពាល់​នៅក្នុង​ជីវិតរបស់​អ្នក។ ហើយអ្នក​នឹងធ្វើឲ្យគូស្នេហ៏​អ្នក​គិតថា គេមិនមែន​ជាកម្មសិទ្ធិ​របស់អ្នក និង​ជាអ្នក​ដទៃ។៥. "មិន​អីទេ”នេះជាចម្លើយ​មួយដែលធ្វើ​ឲ្យគូរស្នេហ៍របស់អ្នក​អន់ចិត្តបំផុត។ ពិតប្រាកដ​ណាស់ មានពេល​ខ្លះ អ្នកគ្មាន​អារម្មណ៏​នឹងពន្យល់​អ្វីមួយ ជាពិសេស​បន្ទាប់ពី​មានជម្លោះនឹង​គ្នារួច។ប្រសិនបើ​មានករណីនេះ​កើតឡើង អ្នកត្រូវ​គិត និងបង្ហាញ​អារម្មណ៏​មុនពេល​ចាប់ផ្តើម​សន្ទនាគ្នា។ ការនិយាយ​ពាក្យថា "មិន​អីទេ” វាហាក់បី​ដូចជា អ្នកកំពុង​តែទាត់​នាងចោល។៦. "ធ្វើអ្វីធ្វើទៅឲ្យ​តែអ្នក​ចង់ធ្វើ”ជាធម្មតា ស្នេហានីមួយៗ​មិនអាច​គេចផុត​ពីជម្លោះ​នឹង​គ្នាឡើយ។ ប្រសិនបើ​ស្ថានភាពបែប​នេះកើតឡើង ត្រូវ​ចៀសវាង​ការ​ចង់យក​ឈ្នះចាញ់​គ្នា។៧. "ឈប់​និយាយ​ជាមួយគាត់”ចៀសវាង​ការនិយាយ​ស្រែកៗ​ចំពោះអ្វី​ដែលគូស្នេហ៏​អ្នកគួរ ឬមិន​គួរធ្វើ។ ការ​ហាមឃាត់​មិនឲ្យ​នាងនិយាយ​ជាមួយអ្នក​ណាម្នាក់ បាន​ន័យថា អ្នក​ប្រច័ណ្ឌ, មិន​ទុកចិត្ត​លើនាង និង​ធ្វើ​ចរិកដូច​កូនក្មេង។ ការបញ្ចេញ​អត្តចរិក​បែបនេះ វាមានតែ​ធ្វើឲ្យ​បញ្ហា​កើតឡើង មុនពេល​ស្នេហា​បែកបាក់៕

រូប​រាង ធាត់ ស្គម ខ្ពស់ ទាប អាច​បញ្ជាក់​ពី​វាសនា​អនាគត​របស់​អ្នក

ថ្ងៃទី ២៤ ខែ មករា ឆ្នាំ ២០១៦ ម៉ោង ០២:៥៣

បុគ្គលិក​លក្ខណៈ​អាច​បញ្ជាក់​ប្រាប់​ពី​និស្ស័យ​របស់​មនុស្ស​បាន។ ក្នុង​ន័យ​នេះ រូប​រាង​ធាត់, ស្គម, ខ្ពស់, ទាប ក៏​អាច​ឆ្លុះ​បញ្ចាំង​ពី​និស្ស័យ​ចិត្ត​គំនិត របស់​មនុស្ស​ម្នាក់​បាន​ដែរ។ តោះ! ទៅ​មើល​ការ​ទស្សន៍​ទាយ​ទាំង​អស់​គ្នា។- រូប​រាង​ខ្ពស់​ស្គម ៖ ជា​មនុស្ស​មិន​ច្បាស់​លាស់ ញាប់​ញ័រ ភិតភ័យ ចំពោះ​បញ្ហា​ដែល​មិន​ទាន់​មក​ដល់ ហើយ​អាច​យល់​ពី​អារម្មណ៍​របស់​អ្នក​ដទៃ​ឆាប់​រហ័ស ប្រយ័ត្ន​ប្រយែង​គ្រប់​ពេល​វេលា ជា​មនុស្ស​ពូកែ​គិត​ច្រើន ប៉ុន្តែ​ចិត្ត​ល្អ មាន​មេត្តា។- រូបរាង​ខ្ពស់​ធាត់ ៖ ជា​មនុស្ស​ប្រកាន់​តាម​គន្លង​ប្រពៃ​ណី​យ៉ាង​មុតមាំ ត្រូវ​ការ​ភាព​ស្ថិត​ស្ថេរ​ក្នុង​ជីវិត ស្រឡាញ់​ក្រុម​គ្រួសារ ធ្វើ​ការ​មិន​ទំនេរ​ដៃ ដើម្បី​ជីវភាព​គ្រួសារ។- រូប​រាង​ខ្ពស់​ធំ ៖ ជា​មនុស្ស​ដែល​មាន​ថាម​ពល​ស្វាហាប់ មិន​សូវ​ចេះ​នៅ​ស្ងៀម ជា​ពិសេស​កិច្ច​ការ​ដែល​មាន​ប្រើកម្លាំង ដូច​ជា​ការ​ធ្វើ​លំហាត់​ប្រាណ ចេះ​រក​សេចក្ដី​សុខ​នៅ​ជុំ​វិញ​ខ្លួន មាន​សេចក្ដី​សុខ​នៅ​ក្នុង​បេះ​ដូង ហើយ​ជឿជាក់​លើ​ខ្លួន​ឯង​ទាំង​ស្រុង។- រូប​រាង​ទាប​ស្គម ៖ ជា​មនុស្ស​ដែល​មាន​អំណត់​អត់​ធ្មត់​ខ្ពស់ យក​ចិត្ត​ទុក​ដាក់​គ្រប់​កិច្ច​ការងារ រហូត​ចប់​ចុង ចប់​ដើម ដោយ​រំពឹង​ទុក​ថា បាន​ប្រយោជន៍​ខ្ពស់ ហើយ​ក៏​ជា​មនុស្ស​ចិត្ត​ល្អ​ដែរ។- រូបរាង​ទាប​ធាត់ ៖ ចូល​ចិត្ត​សប្បាយ​រីករាយ​គ្រប់​ពេល ស្វែងរក​ពេល​ឈប់​សម្រាក​ឲ្យ​ជីវិត គ្រប់​ពេល មិន​ចូល​ចិត្ត​ការ​ដាក់​កំហិត​តឹងតែង ឬ​ខំប្រឹង​ប្រែង​ធ្វើ​ការ​ពេក​ទេ ជា​មនុស្ស​ស្ងប់ស្ងាត់ ស្រឡាញ់​ធម្មជាតិ មាន​សម្ព័ន្ធ មេត្រី​ភាព​ជា​មួយ​មនុស្ស​គ្រប់​គ្នា ដោយ​មិន​លម្អៀង។- រូប​រាង​ទាប​ក្រអាញ ៖ ចូល​ចិត្ត​ភាព​រំភើប និង​ការ​ផ្សង​ព្រេង ជា​ពិសេស​ចូល​ចិត្ត​លេង​កីឡា​ដែល​ប្រកប​ដោយ​គ្រោះ​ថ្នាក់ ព្រម​ទាំង​គ្រប់​ការ​ប្រកួត​ដែល​រញ្ជួយ​ចិត្ត ជា​មនុស្ស​ចិត្ត​មុត​ដាច់​ខាត ប៉ុន្តែ​ក៏​ត្រូវ​ភាព​កក់​ក្ដៅ​ពី​មនុស្ស​ជុំ​វិញ​ខ្លួន​ដែរ៕ប្រភពពី Bektleay

រសជាតិជីវិតសាមញ្ញៗ ១៤ យ៉ាង ​ដែល​ធ្វើឲ្យ​អ្នកមិន​ចេះកើតទុក្ខ

ថ្ងៃទី ២៤ ខែ មករា ឆ្នាំ ២០១៦ ម៉ោង ០២:១១

ផ្តល់សិទ្ធដោយ មង្គលការតើអ្នកធ្លាប់​​លឺគេនិយាយ​ទេថា គ្រាន់តែរឿងតូចតាច​សោះអាច​ធ្វើឲ្យមនុស្សម្នាក់​ជោគជ័យ​បាន? សេចក្តីសុខ​តូចមួយ​នៅក្នុងជីវិត​ក៏ជាកំណប់​មួយសម្រាប់​អ្នកផងដែរ។ ប្រសិន​បើអ្នកហត់នឿយ​នឹងការងារ​ពេញមួយ​ថ្ងៃ ឬមាន​អារម្មណ៏មិន​សប្បាយចិត្ត ខាងក្រោម​នេះជារសជាតិជីវិត​សាមញ្ញៗ ដែល​នឹងធ្វើឲ្យអ្នក​សប្បាយ​ឡើងវិញ៖- ស្តាប់ចម្រៀងដែលអ្នកពេញចិត្ត- ស្រមៃឃើញគំនរប្រាក់ ពេល​ដែលអ្នករកបាន- ដៀងភ្នែកមើលមនុស្សមិនធ្លាប់ស្គាល់- ការធ្វើ ឬបញ្ចេញកាយវិការចេះជួយដល់គេ- ការចងចាំពីរឿងអ្វីមួយ និងសើចដូចក្មេង- សម្លឹងមើលផ្កាយនៅលើមេឃ- រីករាយនឹងនៅម្នាក់ឯង- រីករាយនឹងញ៉ាំកាហ្វេក្នុងថ្ងៃភ្លៀងធ្លាក់- ការក្រោកពីគេង ហើយដឹងថា អ្នកអាចគេងច្រើនទៅទៀតបាន- ហិតក្លិនដែលអ្នកចូលចិត្ត- នៅពេលអ្នកទទួលបានអ្វីមួយដោយមិនបានរំពឹងទុក- ទទួលបានការសរសើរ- សើចសប្បាយរីករាយ- លេងភក់ពេលមេឃភ្លៀង

រវាងស្រីស្អាត និងស្រីឆើត​ឆាត តើ​គូរជ្រើសយកមួយណា?

ថ្ងៃទី ២៣ ខែ មករា ឆ្នាំ ២០១៦ ម៉ោង ០៧:៤៨

ផ្តល់សិទ្ធដោយ មង្គលការដោយសារតែ​បុរសគ្រប់រូប​មាន​ចំ​ណង់ចំណូល​ចិត្តខុសៗគ្នា ហេតុនេះហើយ​ការស្រឡាញ់ចូល​ចិត្តមនុស្សស្រីក៏ខុសគ្នាដែរ។ អ្នក​ខ្លះ​ស្រឡាញ់​តែស្រីដែលមាន​ចរិកសុភាពរាបសារ តែ​អ្នក​ខ្លះ​ទៀត​ស្រឡាញ់​តែ​ស្រី​ឆើត​ឆាត ចូលចត្តធ្វើខ្លួនស្អាតៗរាល់ថ្ងៃ។ ប៉ុន្តែប្រសិនបើអាច រវាង​ស្រីស្អាត (Cute Girls) និង​ស្រីឆើតឆាយ (Hot Girls) តើអ្នក​គួរតែជ្រើសយក​មួយណា? ស្រីឆើត​ឆាយពិបាកនឹង​ទប់ទល់ណាស់បើទោះបីជា​បុរសជាច្រើន​មិនចូលចិត្ត​មនុស្សស្រី​បែបនេះ​ក៏​ពិតមែន តែបុរសៗ​តែងតែសម្លឹងមើល​ឃើញមនុស្សស្រី​ស្អាតសិចស៊ីជា​មុនសិន។ ជាទូទៅ បុរសៗតែងតែ​មាន​អារម្មណ៏​អៀនខ្មាស់​នៅក្នុងចំណោមមនុស្សស្រី​ស្អាតសិចស៊ី។ ប៉ុន្តែវាជាការពិត កណៈពេលដែល​បុរស​សម្លឹងមើល​ឃើញមនុស្សស្រី​ស្អាតសិចស៊ី រឿងដំបូង​ដែលគាត់ស្រមៃដល់​នោះគឺ ស្រមៃឃើញ​នាងសម្រាតនៅ​ក្នុងក្តីសុបិន្ត​របស់គាត់។ អានអត្ថបទ រឿង ៧យ៉ាងដែលធ្វើឲ្យភរិយារបស់អ្នកខឹងស្រីឆើតឆាយមិនសូវគេឲ្យតម្លៃបុរសណាម្នាក់ដែលបាននារីបែបនេះច្បាស់ជាគ្មានសេចក្តីសុខឡើយ។ នៅដែលអ្នក​បណ្តើរគ្នានៅតាម​ដងផ្លូវម្តងៗ អ្នកប្រហែល​ជាមានអារម្មណ៏​មិនសុខស្រួលនោះទេ ពេល​មានមនុស្ស​ជាច្រើនសម្លឹង​មើលនាង​ក្នុងផ្លូវ​មិនល្អ។ ស្រីស្អាតស្រួល​និយាយ​គ្នាមនុស្សស្រីស្អាត​ជាមនុស្សស្រី​ផ្អែមល្អែម និងជា​ដៃគូដ៏ល្អ។ ដំបូងឡើយ មនុស្សស្រី​បែបនេះងាយ​ស្រួល​នឹងនៅក្បែរ​ជាងមនុស្សស្រីឆើតឆាយ។ អានអត្ថបទ ទម្លាប់អាក្រ់ ៧ ចំណុច ​ធ្វើឲ្យ​អ្នក​ស្រឡាញ់គ្នា​មិន​បាន​យូរមនុស្សស្រីស្អាតធ្វើឲ្យជីវិតគូស្នេហ៏មាន​ភាព​ស្រស់បំព្រងបុរសៗតែងតែគ្មានទំនុកចិត្ត​លើមនុស្សស្រីដែ​លឆើតឆាយ​ឡើង។ ប៉ុន្តែមនុស្សស្រីស្អាត​វិញតែងតែ​ធ្វើឲ្យជីវិត​របស់គូស្នេហ៏នាង​មាន​ភាព​រស្រស់បំព្រងជានិច្ច។

បើដៃគូររបស់អ្នក​ មានចំនុចទាំងនេះ អ្នក​គួរតែ​រៀបការ​ជាមួយ​

ថ្ងៃទី ២៣ ខែ មករា ឆ្នាំ ២០១៦ ម៉ោង ០៣:៥៦

អ្នក​អាច​មាន​ស្នេហា ប៉ុន្តែ អ្នក​មិន​ប្រាកដ​ទេ​ថា នឹង​ជ្រើសរើស​គេ ធ្វើ​ជា​គូ​អនាគត ប៉ុន្តែ បើ​គេ​មាន​លក្ខណៈ​ដូច​ខាងក្រោម​នេះ អ្នក​មិន​គួរ​ឲ្យគេ ឆ្លង​ផុតពី​ដៃ​អ្នក​ឡើយ​។​១. គេ​ចូលចិត្ត​មិត្ត និង​គ្រួសារ​របស់​អ្នក​​នេះ​ជា​កត្តា​ធំ​បំផុត ដើម្បី​បញ្ជាក់​ថា គេ​ជា​ជម្រើស​ត្រឹមត្រូវ​។ ប្រសិនបើ​អ្នក​ពេញចិត្ត គោរព​និង​ស្រឡាញ់​សមាជិកគ្រួសារ និង​មិត្តភក្តិ​របស់​អ្នក ដោយ​ស្មោះ​អស់ពី​ចិត្ត នោះ​អ្នក​គួរតែ​សម្រេច​ចិត្ត​យក​គេ​ហើយ​។​២. រៀន​នូវ​អ្វី​ដែល​ថ្មី​​គេ​មិន​ចូលចិត្ត​រស់នៅ ក្នុង​ភាព​ដដែលៗ ឬ​តំបន់​សុខ​ស្រួល​ពេក​នោះ​ទេ គឺ​គេ​នឹង​ខិតខំ​ប្រឹងប្រែង​ត​ទៅ​មុខ​ទៀត ដើម្បី​សម្រេច​គោលដៅ​បន្តបន្ទាប់​។ គេ​ជា​មនុស្ស​ឧស្សាហ៍ ចង់​ចេះ​ចង់ដឹង និង​សាកល្បង​នូវ​អ្វី​ដែល​ថ្មីៗ​។​៣. គេ​ជា​មិត្ត​ដ៏​ល្អ​របស់​អ្នក​​ពិតណាស់ ដៃគូ​ជីវិត​ល្អ គឺជា​មិត្ត​ល្អ​។ ពេល​អ្នក​នៅ​ក្បែរ អ្នក​មាន​អារម្មណ៍​ថា​ស្និទ្ធស្នាល កក់ក្តៅ ឬ​អាច​លេងសើច​បាន ដូច​ជា​មិត្តភក្តិ​របស់​អ្នក​ដ៏ទៃទៀត នោះ​ហើយ​ជា​មនុស្ស​ដែល​អ្នក​គួរ​នៅក្បែរ​មួយជីវិត​។​៤. ប្រាប់​រឿង​អាថ៌កំបាំង​ឲ្យ​អ្នក​ដឹង​​ពិតណាស់ មនុស្ស​ពីរ​នាក់​ស្រឡាញ់គ្នា មិនត្រូវ​មាន​រឿង​លាក់បាំង​គ្នា​នោះ​ទេ ដូច្នេះ បើ​គេ​ប្រាប់​រឿង​ដែល​គេ​លាក់ទុក​ក្នុង​ចិត្ត ច្បាស់​ណាស់ គេ​ក៏​ស្រឡាញ់ និង​ទុកចិត្ត​អ្នក​ដែរ​។​៥. គោរព​អ្នក ហើយ​អ្នក​ក៏​គោរព​គេ​​ភាពស្មើគ្នា និង​ការគោរព​គ្នា នឹង​ធ្វើឲ្យ​ជីវិត​គូ រស់នៅ​បាន​យូរអង្វែង​។​៦. អ្នក​ចេះ​តែ​ចង់​នៅក្បែរ​គេ​​អារម្មណ៍​បែប​នេះ កាន់តែ​បញ្ជាក់​កាន់តែ​ច្បាស់​ថា អ្នក​មិន​អាច​អត់​គេ​បាន​នោះ​ទេ ដូច្នេះ អ្នក​គួរតែ​ធ្វើ​រឿង​អ្វី​មួយ​ហើយ ដើម្បី​បាន​គេ​មក​ក្នុង​ដៃ​របស់​អ្នក​។​៧. គេ​មិន​ពេញចិត្ត ប៉ុន្តែ គេ​យល់ព្រម​​ជម្លោះ កើតឡើង​ក្នុង​ទំនាក់ទំនង​គ្រប់បែបយ៉ាង ប៉ុន្តែ អ្នក​គួរតែ​ដោះស្រាយ​វា ដោយ​សន្តិវិធី​។ បើ​គេ​ខឹង តែ​អង្វរ​អ្នក ... បើ​គេ​មិន​ស្រឡាញ់ តែ​ទិញ​ឲ្យ​អ្នក នោះ​ហើយ ជា​មនុស្ស​ដែល​អ្នក​គួរ​តោង​ចាប់​ឲ្យបាន​។​៨. ធ្វើឲ្យ​អ្នក ក្លាយជា​មនុស្ស​ល្អ​ជាង​មុន​​ការស្រឡាញ់​មនុស្ស​ម្នាក់ គឺ​ចង់​ឲ្យ​រីកចម្រើន និង​រត់​ទៅ​មុខ​ជា​និច្ច​។ បើ​គេ​ចេះ​តែ​ចង់​ឲ្យ​អ្នក​ល្អ ច្បាស់​ណាស់ គេ​កំពុងតែ​ពេញចិត្ត និង​ស្រឡាញ់​អ្នក​ពិតប្រាកដ​ហើយ​៕

បទ «Hello» របស់ Adele បានជាប់ក្នុងតារាងដែលមានអ្នកទស្សនា 1000 លាននាក់ក្នុង YouTube ហើយ

ថ្ងៃទី ២៣ ខែ មករា ឆ្នាំ ២០១៦ ម៉ោង ០២:៥១

បទចម្រៀង «Hello» របស់ Adele ក្នុងអាល់ប៊ុមទី25របស់កញ្ញដែលបានចេញកាលពីថ្ងៃទី 22 ខែតុលា ឆ្នាំ 2015 មកទល់ឥឡូវនេះបានចូលក្នុងតារាដែលមានអ្នកទស្សនា 1000 លានអ្នករបស់គេហទំព័រ YouTube ។ការបំបែកកំណត់ត្រាអាល់ប៊ុមទី25របស់តារាចម្រៀងជនជាតិអង់គ្លេសបានក្លាយជាវីដេអូដែលរកបានអ្នកទស្សនា 1000 នាក់លឿនបំផុតក្នុង YouTube នេះបើតាមអ្នករាយការណ៍កាលពីម្សិលមិញ។ហើយបទនេះចំណាយពេល 87 ថ្ងៃដើម្បីដល់ចំណុចនេះ ដែលជិតប្រហែលនឹងពីរដងនៃរយៈពេលដែលបទ Gangnam Style របស់លោក PSY បានបំបែកកំណត់ត្រាដែលត្រូវចំណាយពេល 158 ថ្ងៃឯណោះ។ទស្សនាបទ «Hello» របស់ Adele នៅទីនេះ:គួរបញ្ជាក់ផងដែរថានៅក្នុងតារាដែលមានអ្នកទស្សនា 1000 លាននាក់មានចំនួន 17 វីដេអូមកទល់ពេលនេះ។ហើយ 7 វីដេអូក្នុងចំណោមទាំងនោះគឺបានបំបែកកំណត់ត្រាតាំងពីខែចាស់។បើតាមរបាយការណ៍ តាំងពីឆ្នាំ 2014 មកវីដេអូដែលបានរកបានអ្នកទស្សនា 1000 លានអ្នកកាន់តែឆាប់ទៅៗ ដូចកាលពី 2013 វីដេអូដែលរកបានអ្នកទស្សនា 1000 លាននាក់ត្រូវចំណាយពេល 487 ថ្ងៃឯណោះគឺបទ «Roar» របស់ Katy Perry។ចំណែកឆ្នាំ 2014 បទ «Blank Space» របស់ Taylor Swift ត្រូវចំណាយពេល 238 ថ្ងៃ ហើយឆ្នាំ 2015 បទ «Hello» របស់ Adele អាចសម្រេចត្រឹមតែ 87 ថ្ងៃ។ជាក់ស្តែងបទ «Gangnam Style» របស់ PSY គឺមានជាប់ក្នុងតារាងតាំង 2012 ដែលមានអ្នកទស្សនាជាង 2500 លានអ្នកមកទល់បច្ចុប្បន្ន។ប្រភព: CNNប្រែសម្រួលដោយ: William

ទម្លាប់អាក្រ់ ៧ ចំណុច ​ធ្វើឲ្យ​អ្នក​ស្រឡាញ់គ្នា​មិន​បាន​យូរ

ថ្ងៃទី ២៣ ខែ មករា ឆ្នាំ ២០១៦ ម៉ោង ០១:៤៤

ផ្តល់សិទ្ធដោយ មង្គលការ ពេលដែលអ្នក​ចាប់ផ្តើមស្នេហា​ជាមួយគ្នា មានន័យថា អ្នកមិនត្រឹមតែត្រូវទុកចិត្ត​គេប៉ុណ្ណោះ​ទេ តែអ្នក​ក៏ត្រូវ​ទទួលយក​នូវរាល់​កំហុស​របស់​គេផងដែរ។ គ្មាន​អ្នកណាម្នាក់​ល្អគ្រប់ដប់ ហើយ​គ្មាន​កំហុសនោះទេ តែអ្នកត្រូវរៀនសម្របសម្រួលគ្នា។ គូស្នេហ៏​របស់អ្នកក៏ដូចគ្នា​ដែរ គាត់ត្រូវ​ហ៊ានទទួលយក​រាល់អ្វីៗដែលអ្នកមាន។ទោះបីជា​យ៉ាងណា ប្រសិនបើទម្លាប់​មួយចំនួន​របស់អ្នក​មិនអាច​សម្របសម្រួល​បានទេ ​ជម្លោះច្បាស់ជា​កើតមាន​ឡើង​ជាមិនខាន។ ខាងក្រោមនេះជា​រឿងរ៉ាវ​មួយចំនួន ដែលអ្នក​កំពុង​តែ​ធ្វើខុស៖អានអត្ថបទ ទម្រង់​បបូរមាត់​អាចបក​ស្រាយ​ពីនិស្ស័យរបស់អ្នក១. ប្រាប់អាថ៌កំបាំងរបស់អ្នកទាំងពីរដល់មនុស្សគ្រប់គ្នាការនិយាយពីរឿង​ស្និតស្នាល​របស់អ្នក និង​ត្អូញត្អែ​ពីទម្លាប់​មិត្តប្រុស​ ឬមិនស្រី របស់អ្នកប្រាប់ដល់​អ្នកដទៃ ជាកំហុសឆ្គងដ៏ធំ​បំផុតមួយ​ដែលអ្នក​កំពុងតែប្រព្រឹត្ត។ គាត់និយាយ​រឿងផ្ទាល់ខ្លួន​គាត់ប្រាប់​ដល់អ្នក ដោយសារ​តែគាត់​ទុក​ចិត្តអ្នក តែបែរ​ជាយករឿងអាថ៌កំបាំងនេះអ្នកនិយាយ​ពីរឿង​គាត់ប្រាប់​ដល់មនុស្ស​ក្នុងលោកទៅវិញ។២. ជ្រៀតជ្រែកបញ្ហាផ្ទាល់ខ្លួន​របស់គាត់បន្ទាប់ពីអ្នកបាន​ក្លាយជាមិត្តស្រីរបស់គាត់ហើយ ដូច្នេះអាចមាន​សិទ្ធិដឹងរឿងគ្រប់​យ៉ាងពីគាត់។ តែទោះបីជាយ៉ាងណាក៏ដោយ មានបញ្ហា​មួយចំនួន​គាត់មិនចង់​ឲ្យអ្នក​ចូល​មក​ជ្រៀតជ្រែកឡើយ។ វាអាចជាបញ្ហាគ្រួសារ ឬបញ្ហា​ការងាររបស់គាត់។ គាត់អាច​ប្រាប់បញ្ហា​ដល់អ្នក តែមិនមែន​មានន័យថា គាត់ត្រូវ​ការ​យោបល់របស់​អ្នកទេ។ ពេលខ្លះ អ្នកអាច​គ្រាន់តែ​ស្តាប់​បាន​ហើយ។៣. រំខានគាត់​គ្រប់ពេលអ្នកចូលចិត្តខល​ទៅគាត់គ្រប់ពេល សូម្បីតែនៅ​ពេលគាត់​កំពុងតែរវល់​នឹងការងារ។ មិត្តប្រុស​អ្នកអាច​នឹងមិនចូលចិត្តទម្លាប់​បែបនេះរបស់អ្នក ជាពិសេស​នៅពេល​គាត់កំពុង​យកចិត្តទុកដាក់​ធ្វើអ្វីមួយ។៤. ប្រច័ណ្ឌ​ហួសហេតុអ្នកពិត​ជាស្រឡាញ់មិត្តប្រុស​របស់អ្នក​យ៉ាងខ្លាំង ប៉ុន្តែអ្នក​តែងតែ​បញ្ចេញសកម្មភាព​មិនល្អ រាល់ពេល​ដែលគាត់​និយាយជាមួយ​មនុស្សស្រី​ណាម្នាក់។ ព្យាយាម​ផ្តល់សិទ្ធិ​សេរីភាព​ផ្ទាល់ខ្លួន​ខ្លះដល់​គាត់។៥. ការសន្មត់ប្រសិនបើអ្នក​តែងតែធ្វើការសន្មត់រឿងអ្វីមួយ​ក្នុងចិត្ត ដោយមិនគិត​ដល់ការសម្តែង​ចេញរបស់គាត់ វានឹងធ្វើឲ្យ​កើតការយល់ច្រលំ បន្ទាប់មក​នឹងកើត​មានជម្លោះឡើង។ កុំព្យាយាម​ធ្វើតាមតែ​ចិត្តខ្លួនឯង។អានអត្ថបទ ខ្សែបន្ទាត់នៅលើ​បាតដៃទាំង ៤ នេះ អាចទាយដឹងអ្វីខ្លះពីខ្លួនរបស់អ្នក?៦. ការ​មិនទុកចិត្តប្រសិនបើកើតមានរឿងរំខានអ្វីមួយ​ចំពោះអ្នកថ្មីៗ​នេះ គួរប្រាប់​ដល់គាត់ជាជាង​ការរក្សាទុក​ជាភស្តុតាងដើម្បី​ប្រឆាំង​នឹងគាត់វិញ។ រាល់ពេល​ដែលគាត់​និយាយ​ជាមួយ​មនុស្សស្រី​ផ្សេង មិនមែន​មានន័យថា គាត់ក្បត់​អ្នកទេ។ ការសន្ទនា​ធម្មតា​រវាងមនុស្ស​ភេទខុសគ្នា​តែងតែកើត​មានឡើង​នៅលើលោកនេះ។៧. អ្នកជា​មនុស្ស​មានតម្រូវ​ការជ្រុលពេកអ្នកមិន​អាចឲ្យគាត់​នៅចាំមើលថែអ្នក​គ្រប់ពេលវេលា​បានទេ។ គាត់ក៏មាន​ជីវិតដែរ ហើយ​មិនថា អ្នកស្អប់​ការពិតប៉ុណ្ណាទេ គាត់នៅតែ​មិនអាច​នៅជាមួយអ្នក​គ្រប់ពេលបាន​ដែរ។ ការ​នៅ​ស្និតនឹង​គាត់គ្រប់ពេល​មិនមែន​ជារឿងមួយ​ល្អចំពោះស្នេហា​ឡើយ៕

លោក Apolojoy ចេញបទថ្មី ស្នេហ៌ជាអាវុធមុខពីរ ល្បីកក្រើកហ្វេសប៊ុកទៀតហើយ

ថ្ងៃទី ២២ ខែ មករា ឆ្នាំ ២០១៦ ម៉ោង ១៧:១០

តារាចំរៀងនៅក្នុងផលិតកម្ម World Song លោក រស់ សេរីវណ្ណាត ដែលមានរហ័ស្សនាមថា (Apolojoy) បានចេញវីឌីអូចំរៀងថ្មីមួយទៀតហើយគឺបទ ស្នេហ៌ជាអាវុធមុខពីរ បានធ្វើអោយកក្រើកអ្នកនិយមលេងបណ្តាញសង្គមហ្វេសប៊ុកម្តងទៀតហើយ ។ គ្រាន់តែចេញភ្លាមបទ ស្នេហ៌ជាអាវុធមុខពីរ របស់លោក Apolojoy ត្រូវបានគេចែករំលែកតគ្នាពីមួយទៅមួយ ។ ចង់ដឹងបទចំរៀងរបស់លោកពិរោះយ៉ាងណាសូមទស្សនាវីឌីអូចំរៀងខាងក្រោម 

ខ្សែបន្ទាត់នៅលើ​បាតដៃទាំង ៤ នេះ អាចទាយដឹងអ្វីខ្លះពីខ្លួនរបស់អ្នក?

ថ្ងៃទី ២២ ខែ មករា ឆ្នាំ ២០១៦ ម៉ោង ១០:០០

ផ្តល់សិទ្ធដោយ មង្គលការ តើ​អ្នក​ជឿទេ ការ​មើល​ខ្សែបាតដៃអាចដឹងពី​ជោគ​វាសនា​របស់អ្នក​ទៅថ្ងៃអនាគត? មាន​មនុស្សជាច្រើន​ណា​ស់ដែលជឿ ហើយ​រត់រកគ្រូទាយ ដើម្បី​មើលពី​ការរកស៊ី, គូព្រេង,​ដំណើរ​ជីវិតទៅថ្ងៃមុខ​ ល្អ ឬអាក្រក់។ ប៉ុន្តែ អ្នកអាច​អាន​អត្ថបទ​ខាងក្រោម​នេះបាន ដើម្បី​ស្វែងយល់​ពីចំណេះដឹងបន្តិចបន្តួចទាក់ទងទៅនឹងខ្សែបាតដៃ។អានអត្ថបទ ដឹងអត់! ម្រាមជើងទាំង ១០ អាចបកស្រាយ​ពីចរិកលក្ខណៈរបស់អ្នក១. ខ្សែជីវិតខ្សែមួយនេះ​ស្ថិតនៅ​ចន្លោះរវាង ចង្អុលដៃ និងមេដៃ អូស​រាងជាខ្សែកោង​ឆ្ពោះទៅបញ្ចប់នៅកដៃ។ អ្នកដែលមាន​ខ្សែបន្ទាត់វែង ហើយ​ចាក់ចូលជ្រៅ បង្ហាញ​ថា អ្នក​នោះ​ច្បាស់ជា​មាន​អនាគ់តភ្លឺស្វាង និងការរស់នៅ​មាន​សេចក្តីសុខបំផុត ទាំង​ផ្លូវកាយ និងផ្លូវចិត្ត។២. ខ្សែបេះដូងជា​ខ្សែបន្ទាត់ដែលស្ថិតនៅ​ខាងលើគេបង្អស់។ ប្រសិន​បើ​ខ្សែ​មួយនេះ​កោង មាន​ន័យថា អ្នក​ជាមនុស្សដែលមាន​មនោសញ្ចេតនាខ្ពស់ (ចូលចិត្តស៊ីអារម្មណ៍) តែប្រសិន​បើ​ខ្សែខាងលើ​នេះ​ត្រង់​ស្មើវិញ បង្ហាញថា អ្នក​ជាមនុស្សម្នាក់ដែលគ្មាន​កង្វល់ និងគ្មាន​ខ្វល់​ជាមួយនឹងអ្នកដទៃសោះ (ធ្វើអ្វីតាម​តែចិត្ត​ឯងមិន​ខ្លាចចិត្តអ្នកដទៃ)។៣. ខ្សែក្បាលខ្សែមួយនេះស្ថិតនៅ​ន្លោះ​រវាងមេដៃ និង​ង្អុលដៃ ស្របជាមួយនឹងខ្សែជីវិតដែរ ប៉ុន្តែ​វា​ស្ថិត​នៅពីលើ។ អ្នក​ដែលមាន​ខ្សែបន្ទាត់វែង ជា​មនុស្សដែលមាន​ការច្នៃប្រឌិតខ្ពស់ និងមាន​ភាព​ឆ្លាតវៃ។ តែប្រសិនបើអ្នក​មាន​ខ្សែបន្ទាត់ខ្លីវិញ មាន​ន័យថា អ្នកជាមនុស្សម្នាក់ដែល​មិន​ចេះគិតច្រើនពេល​ដែលសម្រេចចិត្ត​ ឬ​ធ្វើអ្វីមួយឡើយ។អានអត្ថបទ ក្រចកដៃវែង ឬខ្លី អាចបញ្ជាក់ថា អ្នកជាមនុស្សបែបណា!៤. ខ្សែសុខភាពប្រសិន​បើខ្សែសុខភាពរបស់អ្នក​មាន​មូលដ្ឋាន​ពី​ម្រាម​កណ្តោល ហើយ​បញ្ចប់ទៅកាន់កដៃ វា​អាចបង្ហាញថា​អ្នកពិតជា​មាន​​សុខភាព​ល្អ។ តែប្រសិន​បើ​មាន​បន្ទាត់តូចៗជា​ច្រើន​អូស​កាត់​ពីលើវា មាន​ន័យថា អ្នកជាមនុស្សដែលមាន​ឧបសគ្គច្រើនក្នុងការ​សម្រេច​ផែនការ​របស់ខ្លួននៅក្នុង​ជីវិត៕