trollkhmer news

កម្សាន្ត

“No Frauds” របស់ Nicki Minaj ចេញ MV បទថ្មី ពិតជាឡូយមិនធម្មតាមែន!

ថ្ងៃទី ២១ ខែ មេសា ឆ្នាំ ២០១៧ ម៉ោង ១១:៥៤

តារាចម្រៀងស្រី Pop របស់អាមេរិក Nicki Minaj ដែលទើបតែបង្ហោះ music video នៃបទចម្រៀងថ្មីរបស់នាង ដែលមានចំណងជើងថា “No Frauds” ដែល features ជាមួយ លោក Drake និង លោក Lil Wayne។ គ្រាន់តែបទចម្រៀងនេះត្រូវបានបញ្ចេញ និងបង្ហោះលើ YouTube ឃើញថាសន្ទុះ នៃបទចម្រៀងនេះ មានការគាំទ្រយ៉ាងច្រើនសន្ធឹកសន្ធាប់រហូតឈានទៅដល់ការទទួលបានការ Trending លេខ១ ទូទាំងពិភពលោកទៀតផង៕ ចង់ដឹងថា បទចម្រៀងថ្មីរបស់  Nicki Minaj ឡូយយ៉ាងណានោះ ទស្សនាវីដេអូខាងក្រោមនេះទាំងអស់គ្នា៖

ស្រាបៀរអាន់ឆ័រ នឹងចាប់រង្វាន់លាភមង្គលលើកទី២ នៅចុងសប្តាហ៍នេះ

ថ្ងៃទី ២១ ខែ មេសា ឆ្នាំ ២០១៧ ម៉ោង ១០:១៦

រាជធានីភ្នំពេញ៖ នៅថ្ងៃទី ២៣ ខែមេសា ឆ្នាំ២០១៧ ខាងមុខនេះ ស្រាបៀរអានឆ័របានរៀបចំកម្មវិធីចាប់រង្វាន់លើកទីពីរនៅស្ថានីយទូរទស្សន៍ PNN ក្នុងកម្មវិធីតន្រ្តី Anchor Fun Zone ដើម្បីផ្តល់រង្វាន់លាភមង្គលជូនដល់គូស្វាមីភរិយាថ្មីទាំងអស់ ដែលបានជាវស្រាបៀរអានឆ័រសម្រាប់កម្មពិធីអាពាហ៍ពិពាហ៍របស់ខ្លួន ។កម្មវិធី Anchor Fun Zone នឹងផ្សាយផ្ទាល់លើកញ្ចក់ទូរទស្សន៍ ភីអិនអិន (PNN) ចាប់ពីម៉ោង ៨យប់-១០យប់ ដោយមានការចូលរួមសម្តែងកម្សាន្ត សប្បាយរីករាយ ពីតារាចម្រៀងល្បីឈ្មោះជាច្រើនរូបដូចជា Ms. Pui Fai លោក វង្ស តារារតនា កញ្ញា សុខ ស៊ីឡាលីន លោក វ៉ាន់ ប៉ូលី។កម្មវិធីនេះធ្វើឡើងសម្រាប់តែអតិថិជនដែលបានជាវស្រាបៀរអាន់ឆ័រសម្រាប់កម្មវិធីអាពាហ៍ពិពាហ៍របស់ខ្លួន។ សម្រាប់ការចាប់រង្វាន់លើកទីពីរនេះ ស្រាបៀរអាន់ឆ័រ នឹងប្រគល់រង្វាន់សម្រាប់គូស្វាមីភរិយាថ្មីដូចជា៖ ដំណើរក្រេបច័ន្ទទឹកឃ្មុំនៅឆ្នេរឋានសួគ៌ ក្រាប៊ី (Krabi) ចំនួន១៥ រង្វាន់ ទូរទស្សន៍ Sony Android 55" ចំនួន១០រង្វាន់ កាមេរ៉ា Sony ចំនួន១០រង្វាន់។ តើគូស្វាមីភរិយារូបណាខ្លះដែលជាម្ចាស់រង្វាន់ទាំងនេះ? កុំភ្លេចចូលរួមទស្សនា និងតាមដានទាំងអស់គ្នា!!! 

សាហាវណាស់! កុំកុំធ្លាប់វៃបុរស៨នាក់ឲ្យដេកពេទ្យបន្ទាប់ពីយាយីមិត្តស្រីរបស់ខ្លួន

ថ្ងៃទី ២១ ខែ មេសា ឆ្នាំ ២០១៧ ម៉ោង ០៩:២៩

អ្នកប្រាកដជាធ្លាប់ឮរឿងជាច្រើនពាក់ព័ន្ធនឹងតារាល្បីកុំកុំដែលមានឈ្មោះពិតគឺDonnie Yenហើយ ប៉ុន្តែអ្នកប្រហែលជាមិនដឹងថាគាត់ពិតជាខ្លាំងដល់ថ្នាក់នេះនោះទេ។ហេតុការណ៍នេះត្រូវបានរាយការណ៍ដោយប្រព័ន្ធផ្សព្វផ្សាយហុងកុងនៅចុងទសវត្សរ៍ឆ្នាំ១៩៩០។ បើយោងតាមរឿងនេះ Yen និងMeng កំពុងតែនៅក្នុងក្លឹបរាត្រីមួយនៅពេលដែលក្រុមក្មេងទំនើងមួយក្រុមចាប់ផ្តើមការយាយីMeng ដែលជាមិត្តស្រីរបស់Yenដើម្បីទាមទារការចាប់អារម្មណ៏ពីគាត់។Yen ពេលនោះបានព្រមានទៅបុរសទាំងនោះ ប៉ុន្តែពួកគេមិនអើពើឡើយ។ ខណៈពេលដែលគូស្នេហ៏ទាំង២នាក់នេះព្យាយាមចាកចេញពីក្លិបនេះ ក្រុមក្មេងទំនើងទាំងនោះដេញតាម ដើម្បីវាយប្រហារ Yen ។ជាក់ស្តែង Yenដោយការការពារខ្លួន ក៏បានវាយពួកគេត្រលប់ទៅវិញ ដោយក្រុមក្មេងពាលដែលមានសមាជិកទាំង៨នាក់នោះត្រូវដេកពេទ្យទាំងអស់។ គាត់បន្ទាប់មកត្រូវបានចាប់ខ្លួនដោយប៉ូលីស ប៉ុន្តែត្រូវបានអនុញ្ញាតឱ្យរួចខ្លួនទៅវិញបន្ទាប់ពីមានការស៊ើបអង្កេត។ដូច្នេះពេលនេះយើងអាចដឹងបានហើយថាកុំកុំមិនមែនសាហាវតែនៅក្នុងខ្សែភាពយន្តនោះទេ។

កាន់តែមែនទែនហើយ! អ្នកគាំទ្រ សុខ ពិសី នៅតែដឹងពីទំនាក់ទំនងស្នេហា រវាងនាង និងម្ចាស់ផលិតកម្មសាន់ដេ ព្រោះមានចំណុចចាប់អារម្មណ៍ច្រើន

ថ្ងៃទី ២០ ខែ មេសា ឆ្នាំ ២០១៧ ម៉ោង ១៤:៤៧

តារាខ្មែរ៖ កន្លងមកថ្មីៗ តារាចម្រៀងស្រី រូបស្រស់ សាច់សខ្ចី កញ្ញា សុខ ពិសី កំពុងតែទាញប្រជាប្រិយភាព ពីសំណាក់អ្នកគាំទ្រកាន់តែខ្លាំងជាងឆ្នាំមុនៗទៀតសម្រាប់បទចម្រៀងរបស់នាងរហូតមកនេះ។ ដោយឡែកងាកមកមើលជីវិតស្នេហារបស់តារាស្រីស្រស់ស្អាតរូបនេះ ក៏មានការចាប់អារម្មណ៍ខ្លាំងណាស់ដែរ បន្ទាប់ពីការងារសិល្បៈរបស់នាង តើជីវិតស្នេហារបស់នាងយ៉ាងណាដែរ?បើទោះជាយ៉ាងណាមិញ ជាតារាស្រីរូបនេះ ក៏មិនទាន់ដែលបង្ហាញ ឬទម្លាយ មុខមាត់គូស្នេហ៍យ៉ាងណាក៏ដោយ ក៏អ្នកគាំទ្រជាច្រើននាក់ បានដឹងរួចមកហើយដែរ ថានាងមានស្នេហាជាមួយ នឹងម្ចាស់ផលិតកម្មសាន់ដេ តើនេះជាការពិត ឬយ៉ាងណា? គឺមិនទាន់មានការបកស្រាយនូវឡើយទេ ថានាងពិតជាមានទំនាក់ទំនងស្នេហា ជាមួយនឹងម្ចាស់ផលិតកម្មពិតមែន ឬអត់ទេ។ជាការពិតណាស់ កាលពីពេលថ្មីៗនេះ ដោយសារតែ អ្នកគាំទ្រសង្កេតឃើញការបង្ហោះរូបភាព ផ្អែកតាមការមើលឃើញ នៃការបង្ហោះរូប និងភស្តុតាងមួយចំនួន នៅលើគណនីហ្វេសប៊ុក របស់ម្ចាស់ផលិតកម្មសាន់ដេផ្ទាល់ ដោយថតរូបជាមួយនឹងកញ្ញា សុខ ពិសី គ្រាន់តែយកSticker មកបិទ ឬថតបែរខ្នង ដើម្បីកុំឲ្យគេចាប់អារម្មណ៍តែប៉ុណ្ណោះ។ ជាពិសេស អ្វីដែលកាន់តែធ្វើឲ្យអ្នកគាំទ្រ ច្បាស់ថា ម្នាក់ស្រី ដែលស្និទ្ធស្នាលជាមួយនឹង រូបលោក គឺ កញ្ញាសុខ ពិសី មកពីមានចំណុចជាច្រើន ដែលគេចាប់អារម្មណ៍ ដូចជា ម៉ូតសក់ ការស្លៀកពាក់ និង ថ្នាំក្រចក ម៉ូតនាឡិកាជាដើមនោះ។បើទោះបី មានការបិទបាំង លើទំនាក់ទំនងស្នេហា រវាងកញ្ញា សុខ ពិសី ជាមួយនឹងម្ចាស់ផលិតកម្ម សាន់ដេ យ៉ាងណាក៏ដោយ ក៏មហាជនពិតជា សប្បាយចិត្ត និងគាំទ្រ លើរូបកញ្ញាផងដែរ។ ហើយសង្ឃឹមថា កញ្ញា នឹងចេញមុខ បកស្រាយ នូវរឿងមួយនេះ ក្នុងពេលឆាប់ៗនេះ៕

«ស្នាមញញឹមក្លែងក្លាយ» របស់ ឆន សុវណ្ណរាជ ចេញTeaserបណ្ដើរៗហើយ!

ថ្ងៃទី ២០ ខែ មេសា ឆ្នាំ ២០១៧ ម៉ោង ១៣:៤៥

តារាខ្មែរ៖ កាលពីថ្មីៗ សង្កេតឃើញថា តារាចម្រៀងរូបសង្ហា លោក ឆន សុវណ្ណរាជ ហាក់បីដូចជាស្ងប់ស្ងាត់មិនឃើញ ចេញបទចម្រៀងឲ្យអ្នកគាំទ្រ រាំលេងកម្សាន្តសម្រាប់ចូលឆ្នាំ ដូចសព្វដងសោះ។ប៉ុន្តែឥឡូវនេះងាកមកមើល Teaserបទថ្មី ដែលមានចំណងជើងថា «ស្នាមញញឹមក្លែងក្លាយ» របស់តារាចម្រៀងប្រុស ស្រស់សង្ហា ប្រចាំផលិតកម្ម រស្មីហង្សមាសវិញម្ដង។ ដោយបទថ្មីរបស់លោក ឆន សុវណ្ណរាជ គឺជាបទចម្រៀងបែបមនោសញ្ចេតនា ទាំងអត្ថន័យ និងការសម្ដែងពិតជាសក្ដិសមឥតខ្មោះ សម្រាប់Teaserថ្មីមួយបទនេះ។ ដើម្បីឲ្យកាន់តែជាក់ច្បាស់ថា អត្ថន័យនៃចម្រៀងនេះពិតជាប្លែកភ្នែក និងជក់ចិត្តយ៉ាងណានោះ៕តោះ! សូមទស្សនាទាំងអស់គ្នានៅខាងក្រោមនេះ៖ 

ការប្រកួតកីឡាអូឡាំពិករបស់កូនក្មេង មើលហើយដឹងតែលង់ស្នេហ៏តែម្តង (មានវីដេអូ)

ថ្ងៃទី ១៩ ខែ មេសា ឆ្នាំ ២០១៧ ម៉ោង ២១:៥៦

ជាទូទៅអ្នកតែងតែធ្លាប់បានឃើញការប្រកួតកីឡាអូឡាំពិករបស់មនុស្សធំហើយ ដែលជាការប្រកួតអន្តរជាតិដែលមានការចូលរួមពីបណ្តាប្រទេសជាច្រើនក្នុងសាកលលោក និងប្រារព្ធឡើងរៀងរាល់២ឆ្នាំម្តង ដែលឆ្លាស់គ្នារវាងកីឡាអូឡាំពិករដូវក្តៅ និងកីឡាអូឡាំពិករដូវត្រជាក់។ ប៉ុន្តែនេះជាលើកទីមួយហើយដែលអ្នកបានឃើញកីឡាអូឡាំពិកសម្រាប់កូនក្មេង ដែលអ្នកចូលរួមប្រកួតគឺជាកូនក្មេងមែនទែន ដែលធ្វើឲ្យសកម្មភាពកីឡាទាំងនោះមើលទៅគួរឲ្យអស់សំណើច និងគួរឲ្យស្រលាញ់យ៉ាងខ្លាំង។ប្រសិនបើអ្នកមិនជឿនោះទេ សូមចូលមើលវីដេអូខាងក្រោមនេះ នោះអ្នកនឹងដឹងថាពួកគេគឺឃ្យួតកម្រិតណាហើយ៖

ថន​ ស្រីណៃ ទប់អារម្មណ៍លែងបាន ទម្លាយរឿងផលិតករមិនបើកលុយថ្លៃថតរឿងដូចករណីលោក សាវិន ហ្វីលីពដែរ!

ថ្ងៃទី ១៩ ខែ មេសា ឆ្នាំ ២០១៧ ម៉ោង ១៧:៣៩

តារាខ្មែរ៖ កាលពីប៉ុន្មានខែមុន មានរឿងដែលទាក់ទិននឹងផលិតករមិនបើកលុយថ្លៃថតរឿង ទៅឲ្យតារាសម្ដែង។ ដោយតារាម្នាក់ទៀតដែលល្បីឈ្មោះ តែត្រូវជនបោកប្រាស់នោះមិនអោយលុយត្រូវបានគេស្គាល់ឈ្មោះថា លោកសាវិន ហ្វីលីព បានទម្លាយរឿងផលិតករបោកប្រាស់មិនព្រមបើកលុយឲ្យ បន្ទាប់ពីថតរឿងចប់ជាងកន្លះឆ្នាំ។ ការទម្លាយរឿងនេះគឺបន្ទាប់ពីលោក ចារ រិទ្ធី បានទម្លាយរឿងផលិករមិនព្រមបើកលុយឲ្យខ្លួនរួមទាំងតារាមួយចំនួនទៀត។ លោកសាវិន ហ្វីលីព បានលើកឡើងថា តារាសម្តែងខ្មែរថតបានថ្លៃថោក មិនសមនឹងការចំណាយលើការទិញសម្លៀកបំពាក់ និងការធ្វើដំណើរការ តុបតែងខ្លួន។ ដោយលោកបានបញ្ជាក់ថា នៅពេលថតរឿងចប់បែរជាផលិតករមិនបើកលុយឲ្យទៅវិញ។ងាកមកមើលតារាសម្ដែងស្រី កញ្ញា ថន​ ស្រីណៃ ក៏ដូច្នេះដែរ នៅក្នុងពេលថ្មីៗនេះ តារាស្រីរូបនេះក៏បានទម្លាយរឿងដែរ ផលិតករមិនបើកលុយថ្លៃថតរឿង រហូតមកដល់ពេលនេះ គិតទៅជាងពីរឆ្នាំមកហើយ ដែលនាងមិនបានទទួលលុយដែលបានពីការថតនោះឡើយ។យោងតាមប្រភពហ្វេសប៊ុកផ្លូវការ របស់ កញ្ញា ថន​ ស្រីណៃ បានសរសេររៀបរាប់ទាំងស្រុងពីមានបញ្ហានេះថា "ថ្ងៃ​នេះ​មាន​អារម្មណ៍​មិន​ល្អ​ចង់​និយាយ​រឿង​មួយ​,​ចង់​និយាយ​រឿង​មួយ​ដែលកើត​ឡើង​កាល​ពី​២ឆ្នាំ​មុន​, ដែល​ខ្ញុំ​បាន​សំ​ដែង​ជា​មួយ​តារា​ហ្វីលីពីន​ លោក​ទេព​រិនដារ៉ូ​ និង​​លោក​ខាត់វៃហាំង​.​ រហូត​មកទល់​ថ្ងៃ​នេះ​ផលិតក​រដែល​បាន​ផលិត​រឿង​ដុំ​មួយ​នោះ​ពុំ​ទាន់​បាន​ដោះស្រាយ​ទូ​ទាត់ថវិកា​រ​នៅ​ឡើយទេ​ ( នៅខ្វះ​ $640 ទៀត)​ ខ្ញុំ​បាន​ទុក​ឱកាស​២ឆ្នាំ​ហើយ​ដល់​ផលិតករ​នោះទាំង​រូប​នាង​ខ្ញុំ​ក៏​បានទៅ​ជួបគាត់​ផ្ទាល់​ដល់​ផលិត​កម្ម​ក៏មាន​ ហើយ​គាត់​បាន​សន្យា​ជាមួយ​ខ្ញុំ​ជា​ច្រើន​ដង​រហូត​មក​ដល់​ថ្ងៃ​នេះ។ តាម​ពិត​ប្រាក​ដជាង​ប្រាំមួយ​រយ​ដុល្លារ​វា​មិន​ច្រើន​ណាស់​ណា​ទេក៏​ប៉ុន្តែ​ខ្ញុំ​ស្ដាយ​ពេល​វេលា​ដែល​ខំ​ទាំង​បើក​រថយន្ត​ខ្លួន​ឯង​ទៅដល់​កន្លែង​ថត​,​ ទិញ​សំលៀកបំពាក់​ហើយ​ ​ចាក់​សាំង​រថយន្ត​ក៏ខ្លួន​ឯង​រហូត​ដល់​ចប់​រឿង​មួយនោះ,​ ហើយ​ខ្ញុំ​តែង​គិត​ថា​គាត់​ជា​ផលិតករ​ដែល​មាន​កិត្តិយស​ម្នាក់​ពុំ​គួរណា​ធ្វើ​រឿង​អយុត្តិធម៌​បែប​នេះ​មក​លើ​នាង​ខ្ញុំ​សោះ.​ កាលពី​ប៉ុន្មាន​ខែ​មុន​ខ្ញុំ​ធ្លាប់​បាន​អាន​អត្ថបទ​មួយ​ដែល​ចុះផ្សាយ​នៅ​រឿង​រ៉ាវ​របស់​តារា​ល្បី​២ដួង​គឺ​ លោក​ចា​រិទ្ធី​ និង​ លោក​សាវីន​ ហ្វីលីព​ គឺ​ដូច​រឿងនាង​ខ្ញុំ​បេះបិទ​.​ នាងខ្ញុំ​សូម​ផ្ដាំ​ទៅ​លោក​ផលិត​ករ​ម្នាក់​​នោះសូម​មេត្តា​ជួយ​ដោះស្រាយ​ទូទាត់​ថវិការ​ដែល​នៅសល់​ទាំង​ប៉ុន្មាន​ជា​បន្ទាន់​មុន​ពេល​នាងខ្ញុំ​បង្ហាញ​ឈ្មោះ​ជា​សាធារណៈ​.​..ដោយ​ក្ដី​រាប់​អាន​,​ ពី​នាង​ខ្ញុំ​ ថន​ ស្រីណៃ"៕

បទថ្មី “បងឯកា” របស់លោក ហេង ពិទូ ចេញFull MV ហើយ (មានវីដេអូ)

ថ្ងៃទី ១៩ ខែ មេសា ឆ្នាំ ២០១៧ ម៉ោង ១៦:៣៧

តារាខ្មែរ៖ កាលពីពេលថ្មីៗ តារាចម្រៀងប្រុស លោក ហេង ពិទូ ដែលទស្សនិជនប្រាកដជាបានស្គាល់ហើយ គឺតារាចម្រៀងដែលតែងតែនិពន្ធបទភ្លេងថ្មី ( Original song ) ហើយឥឡូវនេះ បទចម្រៀងថ្មី មានចំណងជើងថា “បងឯកា” បានចេញជាFull Mv ជាផ្លូវការហើយ។ បន្ទាប់ពីបានបង្ហោះនូវ Trailer បទថ្មីនេះ កន្លងមកមានការចាប់អារម្មណ៍យ៉ាងខ្លាំងពីសំណាក់អ្នកគាំទ្រ ដោយបទថ្មីនេះដែរ លោកបានធ្វើឡើងបង្កាប់ជាមួយអត្ថន័យដ៏ឈឺចាប់ ជាមួយការសម្តែងយ៉ាងសក្ដិសម ជាមួយវីដូអូច្បាស់កំរិតHD អមដោយទេសភាពភាពផ្ទៃសមុទ្រស្រស់ស្អាត ធ្វើឲ្យMvបទនេះកាន់តែទាក់ទាញខ្លាំងបំផុត ចំពោះបទ Original songមួយនេះដែរ៕ តោះ! ទស្សនាវិដេអូខាងក្រោមនេះ៖

Great Barrier Reef​ តំបន់​ថ្ម​ប៉ប្រះ​ទឹក​អច្ឆរិយៈ​ធម្មជាតិ កំពុងតែរងការបំផ្លិចបំផ្លាញ​ដ៏​ធំ​ ដោយសារ​បម្រែបម្រួល​អាកាសធាតុ​

ថ្ងៃទី ១៩ ខែ មេសា ឆ្នាំ ២០១៧ ម៉ោង ១៥:៣១

តំបន់​ថ្ម​ប៉ប្រះ​ទឹក Great Barrier Reef នៅ​ប្រទេស​អូស្ត្រាលី​គឺជា​អច្ឆរិយ​ធម្មជាតិ​ដ៏​អស្ចារ្យ​នៅលើ​ពិភពលោក ដោយសារ​សម្រស់​ដ៏​ស្រស់ស្អាត​របស់​វា ជីវចម្រុះ និង​ប្រព័ន្ធ​អេកូ​ផុយស្រួយ​។ ឥឡូវ​ថ្ម​ប៉ប្រះ​ទឹក​នេះ​ប្រឈមមុខ​ការបំផ្លិចបំផ្លាញ​ដ៏​ធំ​ដោយសារ​កម្ដៅ​សមុទ្រ​បង្កឡើង​ដោយ​ការប្រែប្រួល​អាកាសធាតុ​។​ ប្រហែល​កំពុង​ស្ថិតក្នុង​ដំណាក់កាល​ជិត​ស្លាប់ ព្រោះ​វា​បាន​រង​នូវ​ព្រឹត្តិការណ៍​អវសាន​នាពេល​ពីរ​ឆ្នាំ​ចុងក្រោយ​។ បើយោងតាមប្រភពពត៌មានមួយបានឲ្យដឹងថា ​កាលពី​ឆ្នាំមុន ថ្ម​ប៉ប្រះ​ទឹក​នេះ​បាន​រង​នូវ​ព្រឹត្តិការណ៍​ការ​សាយភាយ​គីមី​ដែល​បាន​បំផ្លាញ​ថ្ម​ប៉ប្រះ​ទឹក​នៅ​ចុង​ភាគ​ខាងជើង ៩៥ ភាគរយ​។ក្នុងឆ្នាំនេះ ដោយ​មិនមាន​ពេល​គ្រប់គ្រាន់​ដើម្បី​ស្ដារឡើងវិញ មួយ​ភាគបី​នៃ​ថ្ម​នេះ បាន​រង​នូវ​ការរីក​ដាល​នៃ​គីមី ខណៈ​នេះ​ជាការ​រកឃើញ​ដោយ​ការ​ស្ទាបស្ទង់​លើ​អាកាស​ដែល​ថត​ដោយ​មជ្ឈមណ្ឌល ARC Center of Excellence for Coral Reef Studies​។​នៅក្នុង​អំឡុង​បេសកកម្មមួយរយៈ របស់មជ្ឈមណ្ឌល​ខាងលើ​បាន​រកឃើញ​ប្រព័ន្ធ​អេកូឡូស៊ី​ផ្កាថ្ម​រាប់រយ​គីឡូម៉ែត្រ​ងាប់​ដោយសារ​សីតុណ្ហភាព​សមុទ្រ​ក្ដៅ​នៅ​ពីលើ​តំបន់​រស់នៅ​បាន​សម្រាប់​ផ្កាថ្ម​។ ការសិក្សា ដែល​នាពេល​ថ្មីៗ​នេះ​ចេញផ្សាយ​នៅក្នុង​ព្រឹត្តិបត្រ​ព័ត៌មាន Nature បាន​បង្ហាញថា ការ​ស្ទាបស្ទង់​នូវ​អ្វីដែល​អ្នក​បរិស្ថានវិទ្យា និង​ជីវ​វិទូ​សមុទ្រ​បាន​ព្រួយបារម្ភ​ថា​អាច​ក្លាយជា​ការពិត គឺ​ការធ្លាក់ចុះ​នៃ​ថ្ម​ប៉ប្រះ​ទឹកជា​និរន្ត​។​Great Barrier  Reef គឺជា​ជនរងគ្រោះ​នៃ​ការប្រែប្រួល​អាកាសធាតុ​ពិភពលោក ហើយ​ការស្រុតចុះ​នៃ​ថ្ម​ប៉ប្រះ​ទឹក​នេះ​គឺជា​លទ្ធផល​នៃ​ការកើនឡើង​កម្ដៅ​ផែនដី​។ ការ​ស្ទាបស្ទង់​តាម​អាកាស​នាពេល​ថ្មីៗ​នេះ​បាន​គ្របដណ្ដប់​ថ្ម​ប៉ប្រះ​ទឹក​ជាង ៨.០០០ គីឡូម៉ែត្រ​និង​ចងក្រង​នូវ​ផ្កាថ្ម​ផ្សេងៗ​គ្នា​ជាង ៨០០​។ ដូច​ការ​ចងក្រង​នូវ​ថ្ម​ប៉ប្រះ​ទឹក​ប្រវែង ៨.០០០ គីឡូម៉ែត្រ​ខាងលើ ក្រុម​អ្នក​ស្ទាបស្ទង់​បាន​រកឃើញ​ថ្ម ១.៥០០ គីឡូម៉ែត្រ​ត្រូវបាន​បំពុល​ដែល​ជិត​ស្មើ ២០ ភាគរយ​។ គួរបញ្ជាក់ផងដែរថា ចាប់តាំងពី​ទសវត្សរ៍ ១៩៨០ ក្រុម​អ្នកវិទ្យាសាស្ត្រ​បាន​ស្ទាបស្ទង់​ជាប់លាប់​ពី​ថ្ម​ប៉ប្រះ​ទឹក​នេះ​ដើម្បី​ចងក្រង​ឯកសារ​ពី​ភាពរឹងមាំ​និង​ការប្រែប្រួល​តាមរយៈ​កាល​។ អំឡុង​ប៉ុន្មាន​ទសវត្សរ៍​នោះ ពួកគេ​បានកត់សម្គាល់​ព្រឹត្តិការណ៍​លេច​ធ្លាយ​គីមី​ដ៏​ធ្ងន់ធ្ងរ​ដែល​បង្កដោយ​សីតុណ្ហភាព​សមុទ្រ និង​ការបំពុល​ពី​វិស័យ​កសិកម្ម និង​ឧស្សាហូបនីយកម្ម​។​ ក៏ប៉ុន្តែមួយរយៈពេលប៉ុន្មានឆ្នាំក្រោយនេះ វាគឺរឿង​ដែល​គួរឱ្យ​ព្រួយបារម្ភ​នោះ​គឺ​បញ្ហា​នេះ​បាន​កើតឡើង​ត្រឹម​មួយឆ្នាំ​បន្ទាប់ពី​ថ្ម​ប៉ប្រះ​ទឹក ៩៣ ភាគរយ​បាន​រង​ការបំផ្លិចបំផ្លាញ​ដោយសារ​ការកើនឡើង​ក​ម្ដៅ​៕