todaykh news

កម្សាន្ត

លោក សុះ ម៉ាច កំពុងមានទុក្ខធំ ដោយសារម្តាយធំ ទទួលមរណៈភាពកាលពីម្សិលមិញ !

ថ្ងៃទី ១៧ ខែ មករា ឆ្នាំ ២០១៧ ម៉ោង ១២:៥២

ប្រធានសមាគមសិល្បករខ្មែរ លោក សុះ ម៉ាច មានទុក្ខយ៉ាងក្រៀមក្រំដោយសារម្តាយធំដែលលោកចាត់ទុកថាជាម្តាយបង្កើតដែលខំចិញ្ចឹមបីបាច់ថែរក្សារលោកតាំងពីតូច ឥឡូវនេះម្តាយធំរបស់លោកទទួលមរណៈភាព ។ លោក សុះ ម៉ាច មានប្រសាន៍ថាៈ រូបំ ទុក្ខំ  អនិច្ចំ អនត្តា !រសៀលនេះខ្ញុំមានទុក្ខជាទម្ងន់ដោយអ្នកម្តាយធំរបស់ខ្ញុំគឺ អ្នកម្តាយ សានម៉ៃសាម៉ាស ជនជាតិឥស្លាមដែលជាភរិយាដើមរបស់លោកប៉ា សុះ ម៉ាត់ បានទទួលមរណៈភាពកាលពីម៉ោង 3រសៀលដោយជរាពាធក្នុងព្រះជន្មាយុ88ឆ្នាំ។សពតម្កល់នៅផ្ទះខាងត្បូងស្ពានជ្រោយចង្វារចម្ងាយ90mក្បែរវិហារអ៊ីស្លាមមុខដាច់នឹងបញ្ចុះនៅវេលាម៉ោង11ព្រឹកថ្ងៃស្អែក។ ក្រៅពីអ្នកម្តាយ បង្កើតរបស់ខ្ញុំគាត់ជាអ្នកម្តាយទីពីរដែលខ្ញុំតែងតែគោរពគាត់ដូចម្តាយបង្កើតរបស់ខ្ញុំដែរ។ ពេលនេះគាត់លាខ្ញុំនិងក្រុមគ្រួសាររហូតហើយលា ដោយអាឡោះអាល័យ ក្រៃលែងគ្មានអ្វីនឹងថ្លែងបានឡើយ។ សូមវិញ្ញាណក្ខន្ធអ្នកម្តាយ បានទៅជួបលោកប៉ា និងបានដឹកដៃគ្នា ទៅកាន់ឋានសុខតិភពកុំបី ឃ្លាតឡើយ!ជាតិក្រោយកូនសូមជួបលោកទាំងពីរជាថ្មីទៀត។គួរបញ្ចាក់ផងដែរថា លោក សុះ ម៉ាច គឺកូនខ្មែរ កាត់ អីុស្លាម ក៏ជាប្រធានសមាគមសិល្បៈករខ្មែរផងដែរ។

Seohyun បង្ហាញហេតុផលដែលនាងស្លៀកស៊ីចស៊ីសម្រាប់បទចម្រៀងទោលរបស់នាង

ថ្ងៃទី ១៧ ខែ មករា ឆ្នាំ ២០១៧ ម៉ោង ១២:៤៤

តារាកូរ៉េ៖ Seohyun ជាសមាជិកកូនពៅរបស់ក្រុម Girl's Generation ធ្លាប់ថតរូបមួយសន្លឹកកាលពី១០ឆ្នាំមុន ប៉ុន្តែសម្រាប់បទចម្រៀងទោលនេះ នាងបានបង្ហាញនូវរូបភាពស៊ិចស៊ី ។ កាលពីថ្ងៃទី ១៦ ម្សិលមិញនេះ Seohyunបានសម្តែងឈុតខ្លះៗក្នុងបទចម្រៀងទោលរបស់នាងដែលមានចំណងជើងថា​ “Don’t Say No” នៅ SM Town Coex Artium ។ នាងបន្តថា បទចម្រៀនទាំងនេះនាងជាអ្នកសរសេរ Lyrics ចំពោះគំនិងនៃបទចម្រៀងនីមួយៗ ។ ហើយបទចម្រៀងនេះផងដែរ មានអត្ថន័យ មិនអាចទទួលយកស្នេហាដែលបែកបាក់រួចទៅហើយបានទេ ដែលតម្រូវឲ្យនាងស្លៀកពាក្យបែបស៊ីចស៊ីដើម្បីបង្ហាញពីភាពខ្លាំងរបស់ខ្លួនក្រោយពេលបែកបាក់ស្នេហា ។ បទចម្រៀងនោះនឹងចេញនៅថ្ងៃទី ១៧ ខែមករា នេះ ៕

អីយ៉ា Rain និង Kim Tae Hee ប្រកាសថ្ងៃរៀបការ

ថ្ងៃទី ១៧ ខែ មករា ឆ្នាំ ២០១៧ ម៉ោង ១១:៣៥

តារាកូរ៉េ៖ បើយោងតាមប្រភពមួយក្នុងព័ត៌មានកូរ៉េបានឲ្យដឹងថា តារាចម្រៀងល្បីឈ្មោះលោក Rain និង កញ្ញា Kim Tae Hee បានប្រកាសថ្ងៃរៀបការជាផ្លូវការនៅខែ កុម្ភះ ឆ្នាំ ២០១៧ ខាងមុខនេះ ។ តាមប្រភពដដែលបានឲ្យដឹងទៀតថា គម្រោងអាពាហ៍ពិពាហ៍ពួកគេនឹងរៀបចំឡើងក្នុងព្រះវិហារ Catholic Church នៅថ្ងៃទី ១៩ កុម្ភះ ២០១៧ ។ បញ្ជាក់ផងដែរថា ចំណងស្នេហាពួកគេមានរយះពេល ជិត ៥ឆ្នាំមកហើយគិតដល់បច្ចុប្បន្ន ៕

អូហូ Taylor Swift ទី២បង្ហាញសមត្ថភាពម៉ាអេមហ្មង (វីឌីអូ)

ថ្ងៃទី ១៧ ខែ មករា ឆ្នាំ ២០១៧ ម៉ោង ១០:៣៣

ហ្វីលីពីន៖ អូហូ ពិតជាមិនធម្មតាមែន កុមារី Xia Vigor អាយុ ត្រឹមតែ ៧ឆ្នាំសោះបានធ្វើឲ្យគណៈកម្មការ និង ប្រិយមិត្តមិនសរសើរមិនបាន ដោយសារទេពកោសល្យដ៏អស្ចារ្យមិនខុសពី Taylor Swift ក្នុងកម្មវិធី Your Face Sound Familiar Kids ។កុមារីខាងលើបានជ្រើសរើសយកបទមួយរបស់ Taylor Swift " You Belong With Me " ផ្សំជាមួយនឹងការតុបតែងខ្លួន និងក្បាច់រាំស្រដៀងនឹង Taylor Swift ។ ត្រឹមតែ២ថ្ងៃប៉ុណ្ណោះវីឌីអូនៃការសម្តែងរបស់ក្មេងតូចនេះ ត្រូវបានគេមើលរហូតដល់ ជាង ១លានដងឯណោះ ៕តោះចង់ដឹងច្បាស់សូមទស្សនាវីឌីអូខាងក្រោមទាំងអស់គ្នា៖ 

មិនធម្មតា ! ស្នាមញញឹម Irene ឆក់យកបេះដូងសូម្បីតែអ្នកកាសែត

ថ្ងៃទី ១៧ ខែ មករា ឆ្នាំ ២០១៧ ម៉ោង ១០:១៣

តារាកូរ៉េ៖ សូម្បីតែអ្នកកាសែតក៏មិនអាចទប់ទល់នឹងស្នាមញញឹមរបស់ Irene សែនស្រទន់មន្តស្នេហ៍ដែលធ្វើអោយអ្នកកាសែតទាំងនោះក្លាយជាមនុស្សភ្លឹកៗ ភ្លេចៗខ្លួនធ្លាក់ចូលក្នុងអន្លង់ស្នេហ៍ដ៏ជ្រៅរបស់នាងបាត់ទៅហើយ ។ Irene ត្រូវបានគេស្គាល់ថាជាតារាវ័យ ២៥ឆ្នាំ ជាតារាចម្រៀងផង តារាសម្តែងផងដ៏ល្បីម្នាក់ និងស្រស់ស្អាតបំផុត ហើយជានារីដែលមានស្នាមញញឹមមានរិទ្ធិអំណាចចាក់ដោតបេះដូងប្រិយមិត្តផងដែរ ។ Irene បានចូលរួមក្នុងកម្មវិធីមួយឈ្មោះថា 31st Golden Disk Awards ជាមួយនឹងរ៉ូបពណ៌ក្រហមក្រម៉ៅបន្តិច ហើយបានញញឹមទៅប្រិយមិត្តគាំទ្រនាងគ្រប់ៗគ្នា ។តោះទស្សនារូបភាពររបស់ Irene ទាំងអស់គ្នា៖

Justin Bieber អត់ឈឺក្បាលរឿងអតីតសង្សា Selena Gomez មានសង្សាថ្មី​(វីឌីអូ)

ថ្ងៃទី ១៦ ខែ មករា ឆ្នាំ ២០១៧ ម៉ោង ១៧:៣១

តារាអាមេរិក៖ កាលពីពេលថ្មីៗមានបណ្តាញផ្សព្វផ្សាយយ៉ាងច្រើនកំពុងចុះផ្សាយរឿង Selena Gomez និង លោក The Weeknd ដែលសង្ស័យជាគួរស្នេហ៍ថ្មីនឹងគ្នា ។ Justin Bieber ដែលជាអតីតសង្សាចាស់របស់Selena Gomez ត្រូវ​គេ​ប្រទះ​ឃើញ​ចេញ​ពី​ភោជនីយដ្ឋាន​មួយ​កន្លែង​​កាល​ពី​រាត្រី​ថ្ងៃ​សៅរ៍​នា​ទីក្រុង West Hollywood រដ្ឋ California។ ក្នុង​រាត្រី​នោះ​ តារា​ប្រុស​វ័យ​២២​ឆ្នាំ​បាន​ចូលរួម​ជាមួយ​តារា​ម៉ូដែល  Patrick Schwarzenegger  និង​នារី​ម្នាក់​ឈ្មោះ​ថា  Abby Champion ដែល​គេ​សង្ស័យ​ជា​មិត្ត​ស្រី​ថ្មី ។អំឡុង​ពេល​ដើរ​ចេញ​​ពី​ភោជនីយដ្ឋាន​ អ្នក​កាសែត​បាន​សួរ​ទៅ​កាន់ Justin អំពី​ការ​ថើប​ល្អូកល្អិន​រវាង​ Selena Gomez និងThe Weeknd ប៉ុន្តែ​Justin Bieber ហាក់ធ្វើមិនដឹងមិនលឺ មិនខ្វល់នឹងសំណួររបស់អ្នកកាសែតឡើយ ហើយបាន​ដើរ​ធ្វើ​ទឹក​មុខ​ស្មើ​ ដោយ​មិន​តប​ជាមួយ​ជាមួយ​អ្នក​កាសែត​ឡើយ ។ទស្សនាវីឌីអូ៖

ក្រុម Girl's Generation ឈរជើង ១០ឆ្នាំ​ដោយមិនរង្គោះរង្គើរ (មានវីឌីអូចម្រៀង១០បទដែលល្បីៗ)

ថ្ងៃទី ១៦ ខែ មករា ឆ្នាំ ២០១៧ ម៉ោង ១៦:៤៩

តារាកូរ៉េ៖ Girls Generation ចាត់ទុកជាក្រុមកំពូលនិងខ្លាំង ព្រោះឈរលើឆាកតន្ត្រីជិត ១០ឆ្នាំមកហើយ តារារលកក្រោយនៅតែវាយមិនអាចវ៉ាដាច់ក្រុមនេះបាន ។ ក្រុមតារាស្រីស្រស់សោភាទាំង៨រូបនេះ តែងតែឋិតក្នងបេះដូងអ្នកគាំទ្ររាប់សែននាក់ បើទោះបីជាកន្លងមកមានរឿងអាស្រូវដោយការបង្ខូចកេរ្តិ៍ច្រើនដង ក៏ពួកគេមិនដែលបោះបង់គ្នា នៅតែពួតដៃគ្នាតស៊ូទៅមុខដោយមិនរាថយម្តងណាទេ ។ តោះទស្សនាវីឌីអូទាំង ១០ នេះដែលទស្សនិកជនស្តាប់មិនជិនណាយ ទោះជាទើបចេញ ឬ ចេញយូរហើយក៏ដោយ ៖ ១. “Lion Heart” បទនេះចេញនៅឆ្នាំ ២០១៦២. “Party” ចេញនៅឆ្នាំ ២០១២៣. “Galaxy Supernova” ចេញនៅឆ្នាំ ២០១៤៤. “The Boys” បទនេះចេញនៅឆ្នាំ ២០១៣៥. “Paparazzi” ចេញនៅឆ្នាំ​២០១២៦.“Gee” បទនេះចេញនៅឆ្នាំ ២០១១៧. “Gee” និង “Oh!” ជាបទចម្រៀងនៅឆ្នាំ ២០១០៨. “Tell Me Your Wish (Genie)” ចេញឆ្នាំ ២០០៩៩. “Kissing You” ចេញឆ្នាំ ២០០៨ ១០. “Into the World” ចេញនៅឆ្នាំ ២០៧

ជិតរំសាយក្រុមមួយទៀតហើយ គឺក្រុម I.O.I

ថ្ងៃទី ១៦ ខែ មករា ឆ្នាំ ២០១៧ ម៉ោង ១៦:០១

តារាកូរ៉េ៖ Chungha ដែលជាសមាជិកក្រុមតារាស្រីទាំង ១១ របស់ក្រុម I.O.I បង្ហាញអំពីអារម្មណ៍ពិតនៃការរំសាយក្រុម និង គម្រោងបន្ទាប់របស់ខ្លួន ។ កាលពីព្រឹកថ្ងៃទី ១៦ នេះនាងមានវត្តមាននៅក្នុងកម្មវិធី “The Miracle Race” របស់ EBS នាងបានឆ្លើយនូវសំណួរជាច្រើនអំពីសកម្មភាពបច្ចុប្បន្នរបស់នាង និង អារម្មណ៍របស់នាងពីការរំសាយក្រុម នាងបាននិយាយថាថា​ "ការងារនៃចម្រៀងទោលរបស់ខ្ញុំនិងត្រូវផ្អាកបណ្តោះអាសន្ន រងចាំការពិភាក្សាជាមួយក្រុមហ៊ុនសិន ទាំងក្រុមហ៊ុនក៏ដូចជារូបខ្ញុំកំពុងផ្តោតទៅលើការប្រគុំតន្ត្រីវគ្គចុងក្រោយអោយរួចនៅចុងខែមករានេះ" នាងបានបន្តថា នាងនិងកាន់ការងារនេះឲ្យជាប់ដោយសារតែនាងគិតដល់ទំនាក់ទំនងជិតស្និទ្ធក្នុងក្រុមដែលមានសមាជិកទាំង ១១ នាក់នេះ ៕

នុះ ! ហ្វីលីពីន​បិទ​វេបសាយ​រឿងសិច និង រូបភាពស្រើបស្រាលធំៗ​ចំនួនពីរ​

ថ្ងៃទី ១៦ ខែ មករា ឆ្នាំ ២០១៧ ម៉ោង ១៥:២៩

ហ្វីលីពីន៖ កាល​ពី​ដើម​ខែ​មករានេះវេបសាយ​ Pornhub បាន​បញ្ចេញ​របាយការណ៍​បង្ហាញ​ពី​ស្ថិតិ​នៃ​ការ​ប្រើ​ប្រាស់​វេបសាយ​របស់​ខ្លួន​ប្រចាំ​ឆ្នាំ​ ២០១៦ ដោយ​ចំនួននៃអ្នក​ប្រើ​ប្រាស់​នៅ​ហ្វីលីពីន​ចូល​មើល​វិបសាយ​នេះ​ជា​មធ្យម​​រយះពេល​ ១២:៤៥ នាទី​ ដែល​មាន​រយះពេល​យូរ​ជាង​អ្នក​ប្រើ​ប្រាស់​ប្រទេស​ដ៏ទៃ ។ បើតាម​ការ​ចុះ​ផ្សាយ​របស់​ The Inquirer បានឲ្យ​ដឹង​ថា​រដ្ឋាភិបាល​ហ្វីលីពីន​បាន​បិទ​វិបសាយ​​មួយ​ចំនួន​ដែល​បង្ហោះ​ រូបភាព​ ឬ វីដេអូ​មិន​សមរម្យ​ ក្នុង​នោះ​រួម​មាន​វិបសាយ​អាសអាភាស​ធំ​ពីរ​គឺ​ Pornhub និង Xvideos ។ Blog បច្ចេកវិទ្យា​របស់​ហ្វីលីពីន​​ឈ្មោះ​ YugaTech បាន​បញ្ជាក់​ថា​​ប្រសិន​បើ​ប្រទះ​ឃើញ​ថា​មានវេបសាយ​ណា​មួយ​បង្ហាញ​រូបភាព​ ឬ វីឌីអូ​ស្រើប​ស្រាល​របស់​ក្មេង​ៗមិន​ទាន់​គ្រប់​អាយុ​ អាច​នឹង​ត្រូវ​រដ្ឋាភិបាល​បិទ​ចោល​ភ្លាម ។ ការ​បិទ​វិបសាយ​​​ទាំង​មូល​នេះដោយ​ហេតុផលបង្កភាព​ងាយ​ស្រួល​ជាង​ការ​​លុប​រូបភាព​ ឬ វីដេអូ​​​មួយៗ​ដែល​មាន​លើ​វិបសាយ ដោយវេបសាយ​ទាំង​នោះ​ដំណើរ​ការ​ក្រៅ​ប្រទេស​ហ្វីលីពីន ៕