trollkhmer news

កម្សាន្ត

មើលវីដេអូការវាយគ្នារវាងគ្រូតៃជីនិងជើងខ្លាំងMMA ចប់ត្រឹមតែរយៈពេល១០វិនាទី

ថ្ងៃទី ២៩ ខែ មេសា ឆ្នាំ ២០១៧ ម៉ោង ១១:២៤

វីដេអូខ្លីមួយដែលបង្ហាញពីអ្វីដែលកើតឡើងនៅពេលដែលកីឡាករក្បាច់គុនចម្រុះជួបជាមួយនឹងគ្រូបង្រៀនតៃជីកំពុងតែកក្រើកពេញលើប្រព័ន្ធផ្សព្វផ្សាយសង្គមរបស់ប្រទេសចិន។Wei Lei បានគិតថាក្បាច់គុណតៃជីរបស់ខ្លួនអាចយកឈ្នះទៅលើ Xu Xiaodong ដែលជាគ្រូបង្វឹកប្រកួតក្បាច់ប្រដាល់ចម្រុះ(MMA)។ ប៉ុន្តែបន្ទាប់ពីការប្រយុទ្ធត្រឹមតែ១០វិនាទីប៉ុណ្ណោះ លោកគ្រូតៃជីម្នាក់នេះបានដឹងថាក្បាច់គុណរបស់គាត់គឺមិនអាចប្រៀបបាននឹងក្បាច់ប្រដាល់MMAនោះទេ។សូមពិនិត្យមើលការប្រយុទ្ធខាងក្រោមតាមរយៈគេហទំព័រ YouTube នេះ៖អ្នកនិយមលេងអ៊ីនធឺណិតចិនបានចំអក Wei ថាក្បាច់គុណតៃជីរបស់គាត់គឺជាក្បាច់គុនក្លែងបន្លំ ហើយក៏បានរិះគន់សិល្បៈក្បាច់គុនប្រពៃណីរបស់ប្រទេសចិននេះថាមានភាពទន់ខ្សោយខ្លាំងបើប្រៀបធៀបទៅនឹងក្បាច់ប្រដាល់ចម្រុះMMAនេះ។

ម្ចាស់ពានរង្វាន់ Cambodian Idol ទាំងពីរដួង បានរួមគ្នាសម្ដែងក្នុងបទចម្រៀងថ្មី ទទួលបានការចាប់អារម្មណ៍យ៉ាងខ្លាំង (មានវីដេអូ)

ថ្ងៃទី ២៩ ខែ មេសា ឆ្នាំ ២០១៧ ម៉ោង ១០:០៣

តារាខ្មែរ៖ តារាចម្រៀងប្រុសស្រីពីរដួង ដែលទស្សនិជនប្រាកដជាបានស្គាល់រួចមកហើយនោះ គឺម្ចាស់ពានរង្វាន់ Cambodian Idol ទាំង២ រដូវកាលគឺលោក នី រតនា និងកញ្ញា ឈិន ម៉ានិច កន្លងមកនេះ បានទទួលបាននូវការគាំទ្រយ៉ាងខ្លាំងក្លា ក្រោយក្លាយជាម្ចាស់ពានរង្វាន់ ក្នុងកម្មវិធីប្រលងចម្រៀងលំដាប់ថ្នាក់ពិភពលោក Cambodian Idol។ក្នុងពេលថ្មីៗនេះ តារាចម្រៀងទាំងពីរបានជួបគ្នាម្តងទៀតហើយ តាមរយៈ MV Teaser  បទថ្មីដែលមានចំណងជើងថា "នារីក្នុងសុបិន្តបងជាអ្នកណា? "។ ហើយក៏ជាការសម្តែងរួមគ្នាជាលើកដំបូង របស់អ្នកទាំងពីរផងដែរ បន្ទាប់ពី Teaser បទថ្មីនេះ​ចេញភ្លាម ក៏ទទួលបានការសរសើរពីអ្នកគាំទ្រថា សមគ្នាខ្លាំងណាស់ និងថែមទាំងមានអត្ថន័យពិរោះ រណ្ដំចិត្តអ្នកស្ដាប់ ឲ្យស្លុតអារម្មណ៍ទៅតាម ការសម្ដែង និងបទចម្រៀងថ្មីមួយនេះផងដែរ៕ តោះ! ទស្សនាវីដេអូខាងក្រោមទាំងអស់គ្នា៖

ម៉ឺន សុភា, សេន ប៊ុនថេន និង ឡៅ ចន្ទ្រា ទៅជួបអ្នកប្រដាល់ខ្មែរនៅបារាំងម្ចាស់ខ្សែក្រវាត់១៤គ្រឿង

ថ្ងៃទី ២៩ ខែ មេសា ឆ្នាំ ២០១៧ ម៉ោង ០១:២៧

អ្នកប្រដាល់គុនខ្មែរ៣រូបមាន សេន ប៊ុនថេន , ម៉ឺន សុភា និង ឡៅ ចន្ទ្រា  ដែលបានចេញទៅប្រកួតនៅប្រទេសបារាំង និងកំពុងបង្ហាត់គុនខ្មៅនៅទីនោះ នឹងទៅជួបអ្នកប្រដាល់ខ្មែររស់នៅបារាំងដែលជាម្ចាស់ខ្សែក្រវាត់១៤គ្រឿង Veera Chey Loum នៅទីក្រុង Bordeaux នៅថ្ងៃទី ២៨ ខែមេសា ហើយនឹងចាប់ផ្តើមបង្ហាត់គុនខ្មែរនៅថ្ងៃទី ៣០ ខែមេសា នៅក្លិប Veera Boxing Gym ។អ្នកប្រដាល់ដែលមានឪពុកម្តាយខ្មែរកំពុងរស់នៅបារាំងបានប្រាប់ពីថា៖ ដោយសាររូបលោកមានក្លិបគុនខ្មែរនៅបារាំង នឹងកំពុងបង្ហាត់បរទេសជាច្រើន ហើយ សេន ប៊ុនថេន , ម៉ឺន សុភា និង ឡៅ ចន្ទ្រា ដែលសុទ្ធតែជាម្ចាស់ខ្សែក្រវាត់ និងជាអ្នកប្រដាល់គុនខ្មែរដ៏ល្បីនាពេលបច្ចុប្បន្នទៅបារាំង ទើបលោកអញ្ញើញពូកគេអោយទៅបង្ហាត់ និងបង្ហាញពីគុនខ្មែរ១ថ្ងៃដល់ សិស្សក្នុងក្លិបរបស់លោកដើម្បីទទួលក្បាច់ផ្សេងៗបន្ថែមទៀត ។កីឡាករខ្មែរដែលកើតនៅបារាំងរូបនេះមានប្រវិត្តនៃការប្រកួត ៧០ ដង ឈ្នះ ៦២ ចាញ់ ៨ និង ផ្តួលគួប្រកួតអោយសន្លប់ ២៣ ដង ។ ធ្លាប់ឈ្នះខ្សែក្រវាត់ពិភពលោក ៣ ដង ខ្សែក្រវាត់ទ្វីបអឺរ៉ុប ៣ ដង ខ្សែក្រវាត់ក្នុងប្រទេសបារាំង ៨ ដង និង ធ្លាប់ឈ្នះខ្សែក្រវាត់នៅប្រទេសថៃ ផងដែរ ។អត្តបទ៖ អូស្កា

នាង Aum ថតស្ពតស៊ិចស៊ីធ្វើអោយអ្នកមើលពុះកញ្ជ្រោល

ថ្ងៃទី ២៨ ខែ មេសា ឆ្នាំ ២០១៧ ម៉ោង ២០:២១

ពិតជាគួរអោយកោតសរសើរ Aum Patcharapa មែន បើទោះបីអាយុ និង បទសោធន៍ការងារសិល្បះច្រើនក៏ពិតមែន តែសម្រស់របស់នាងនៅតែក្មេងដដែល ហើយនាងជាកំពូលតារាសម្តែងល្បីមួយរូបប្រចាំក្នុងស្រុកថៃ ។ ឥឡូវនេះនាងត្រូវបានគេអញ្ជើញមកថតស្ពតពាណិជ្ជកម្មថ្មីមួយស្តីអំពីទឹកសាប៊ូបោកខោក្នុងរបស់នារី ប្លែកពីព្រោះវាបង្កប់ដោយភាពស៊ិចស៊ី ស្លុងអារម្មណ៍ ធ្វើអោយអ្នកមើលប្រុសៗពុះកញ្ច្រោលយ៉ាងខ្លាំង ។ តោះកុំអោយខាតពេលយូរមកទស្សនាវីឌីអូខាងក្រោមនេះ ៖

ចុមយក្ស ! អាមេរិកចេញវិក័យប័ត្រអោយកូរ៉េខាងត្បូងនៃថ្លៃដាក់ THAAD ហើយតើ

ថ្ងៃទី ២៨ ខែ មេសា ឆ្នាំ ២០១៧ ម៉ោង ១៨:១៥

លោកប្រធានាធិបតីសហរដ្ឋអាមេរិក Donald Trump បានដាក់សំណើរទៅកូរ៉េខាងត្បូងហើយអំពីការទូទាត់តម្លៃនៃការដាក់ THAAD ទាំងអស់ ហើយលុបចោលកិច្ចព្រមព្រៀងពាណិជ្ជកម្មមិនជាប់ពន្ធរវាងអាមេរិក និង កូរ៉េខាងត្បូងថែមទៀតផង ។ នៅក្នុងវិក័យបត្រ័នោះគឺអាមេរិកទាកូរ៉េខាងត្បូងចំនួន $ 1 Billion USD សម្រាប់ការដាក់ពង្រាយ THAAD ទាំងមូល ។តាំងពីវត្តមាន THAAD របស់អាមេរិកមកលើកូរ៉េខាងត្បូងមក ប្រទេសចិនដូចជាអន់ចិត្តនឹងកូរ៉េខាងត្បូងណាស់ ហើយចិនបានលុបចោលគម្រោងពាណិជ្ជកម្មមួយចំនួនជាមួយកូរ៉េខាងត្បូង សូម្បីតែការប្រគុំតន្រ្តី K-Pop, រឿងភាគ, ខ្សែភាពយន្តរបស់កូរ៉េខាងត្បូង ក៏ត្រូវបានកាត់បន្ថយដែរ ។ ជាងនេះទៅទៀតចំនួនទេសចរណ៍របស់ប្រទេសចិនក៍មានការធ្លាក់ចុះ ហើយផលិតផល LOTTE លែងសូវមានអ្នកកុម៉្មងទៀតផង ។ លោក Donald Trump បាននិយាយថាយើងនិងជួយកូរ៉េខាងត្បូង តែកូរ៉េខាងត្បូងក៏ត្រូវបង់លុយអោយយើងដែរ ក្រោយមកប្រជាជនកូរ៉េខាងត្បូងចាប់ផ្តើមមិនសប្បាយចិត្តជាមួយលោក Donald Trump នោះទេ ហើយបាននិយាយរិះគន់គាត់ថា ហេតុអ្វីគាត់ធ្វើដូច្នេះទៅវិញ គាត់ខុសហើយ គាត់មិនគិតថានេះគឺជារឿងពិភពលោកទាំងអស់គ្នាទេឬ ? ក្នុងនាមសហរដ្ឋអាមេរិកជាប្រទេសមហាអំណាចហេតុអ្វីត្រូវជំរិតលុយកូរ៉េខាងត្បូងទៅវិញ ? 

រុស្សីបញ្ចេញមនុស្សយន្តពិតៗដូចក្នុងរឿង Terminator

ថ្ងៃទី ២៨ ខែ មេសា ឆ្នាំ ២០១៧ ម៉ោង ១៤:២១

យោងតាមវីឌីអូដែលផ្តល់ដោយ FEDOR របស់ប្រទេសរុស្សី រុស្សីបានផលិតមនុស្សយន្តមានសមត្ថភាពអាចបាញ់កាំភ្លើង បើកឡាន និង ប្រើប្រាស់ឧបករណ៍ផ្សេងទៀតដូចជាទាហ៊ានដែរ ។ សូមបញ្ជាក់ថាមនុស្សយន្តនេះផលិត និង រកឃើញដោយអង្គការមូលិធិសម្រាប់ការស្រាវជ្រាវគម្រោងកំរិតខ្ពស់របស់រុស្សី ៖

គឹម លីហ្សា ហ៊ាននិយាយចំៗដល់ម្លឹង ឲ្យសុវណ្ណ មករា ក្រោយពេលផ្ទុះរឿង...!

ថ្ងៃទី ២៨ ខែ មេសា ឆ្នាំ ២០១៧ ម៉ោង ១៣:៣០

តារាខ្មែរ៖ ក្រោយពីមានរឿងរ៉ាវបែកបាក់ស្នេហា រវាងតារាសម្តែង សុវណ្ណ មករា ជាមួយតារាសម្តែងស្រី ឈិន សុធារី ធ្វើអោយមហាជនជាច្រើនចាប់អារម្មណ៍យ៉ាងខ្លាំង ជាពិសេសមិត្តក្នុងចង្កោមសិល្បៈដូចគ្នាតែម្តង។ ដោយមានមតិពីមហាជនភាគច្រើន មានការមិនពេញចិត្ត រាល់ពាក្យពេចន៍របស់លោក ដែលសុទ្ធតែប្រកាសសុំរាប់អាន អ្នកនាង ឈិន ច័ន្ទសុធារី ធ្វើជាបងប្អូនទៅវិញ។ ដោយសារតែ លោក សុវណ្ណ មករា បានធ្វើការបង្ហោះសារ កាលពីយប់មិញនេះ ដោយទទួលស្គាល់ថាខ្លួនជាមនុស្សផឹកស៊ី មានស្រីញីនៅក្រៅផ្ទះ ក្បត់ប្រពន្ធកូន ហើយសម្រេចចិត្តដើរចេញពីជីវិត អ្នកនាង ឈិន សុធារី ដើម្បីអោយនាងទៅរកអនាគតថ្មី ដែលល្អជាងនេះ។ក្នុងនោះដែរ អតីតតារាសម្តែង គីម លីហ្សា ក៏បានបង្ហោះជាសារដាក់អោយលោក សុវណ្ណ មករា ដែលរូបនាង បានសរសេរសារយ៉ាងវែងអន្លាយមួយ នៅក្នុងបណ្តាញសង្គមហ្វេសប៊ុកផ្លូវការរបស់ខ្លួន យ៉ាងចាស់ដៃតែម្ដង នៅក្នងនោះបានឲ្យដឹងថា  «វាជាលេសចង់ទៅរកថ្មីមែនបង មករា? បើប្រើពាក្យថាអតីត ចឹងមានន័យថា បងឥឡូវកំពុងមានបច្ចុប្បន្ន? ហីកូនពីរហើយថាចង់ឲ្យរាប់អានជាបងប្អូន? ហីបើដឹងថា ខ្លួនពាលាអាវ៉ាសែចឹងដែរ ចុះមកបំផ្លាញអនាគតគេធ្វើអី? ហីឲ្យខាងស្រី ដែលមានកូនពីរ ហើយទៅរកអនាគតថ្មីដែលល្អចឹង? បងនិយាយដូចជាងាយណាស់ និយាយមកចរិតបង២មួយរយម៉ង ខ្ញុំសុំសរសើរហើយ នេះទើបបានគេហៅថា អ្នកសម្តែងអាជីពមែន( ស្រលាញ់គ្នាឲ្យស្លាប់ចុះថ្លៃ) ឃើញហើយនៅស្រីៗ ទាំងអស់គ្នា គាត់ទទួលស្គាល់ហើយថា គាត់ជាមនុស្សបែបណា ហើយចឹងតិចចម្លងជាមួយគាត់ណា ដឹងតែទឹកភ្នែក ជូតជាយសារ៉ុងហើយ»៕ 

ស្រាបៀរ HEINEKEN ប្រកាសបើកកម្មវិធី POOL PARTY នៅក្លិប DIB ជាមួយ RED CODE AGENCY & Studio 54 នៅថ្ងៃ 29 មេសានេះជាមួយ BERT BEVANS

ថ្ងៃទី ២៨ ខែ មេសា ឆ្នាំ ២០១៧ ម៉ោង ០៩:៥៣

រាជធានីភ្នំពេញ៖ ស្រាបៀរ Heineken បានប្រកាសកិច្ចសហការពិសេសមួយរវាង Studio 54 និងទីភ្នាក់ងារ Code Red ក្នុងការរៀបចំកម្មវិធីជប់លៀងមួយដែលមានឈ្មោះថា Las Vegas Style Pool Party នៅក្លិប DIB (Dara Independence Beach Club) នៅកោះពេជ្រ នៅថ្ងៃសៅរ៍ទី 29  ខែមេសានេះ។ស្រាបៀរ Heineken ដែលជាស្របៀរគុណភាពលំដាប់ថ្នាក់លេខ១ក្នុងពិភពលោកនឹងឧបត្ថម្ភកម្មវិធី Pool Party ជាលើកទីពីរនៅក្នុងព្រះរាជាណាចក្រកម្ពុជា ដែលនឹងប្រារព្ធធ្វើឡើងនៅត្រើយទន្លេមេគង្គ ដែលជាអាងហាលទឹកធំជាងគេក្នុងរាជធានីភ្នំពេញ។ លោក Bert Evans  គឺជាឌីជេកូនកាត់សញ្ជាតិអង់គ្លេស និងហុងឌូរ៉ាសដែលបានចាប់ផ្តើមសម្តែងនៅក្នុងពិធីជប់លៀង “Block Parties” នៅក្នុងទីក្រុងញូវយ៉ក។បន្ទាប់មកលោកសម្តែងជាបន្តបន្ទាប់នៅបណ្តាក្លិបល្បីៗផ្សេងទៀតនៅទីក្រុងញូវយ៉កដូចជា Studio 54, Paradise Garage និង Xenon ។ លោកក៏ជាឌីជេដំបូងប្រចាំ Ministry Of Sound នៅភាគខាងត្បូងនៃទីក្រុងឡុងដ៍។ លោក Bert Evans នឹងធ្វើជាម្ចាស់ផ្ទះព្រឹត្តិការណ៍នេះ និងនាំយកតន្ត្រីអេឡិចត្រូនិកអន្ដរជាតិចម្រុះផ្ទាល់ខ្លួនរបស់លោកមកកាន់ព្រះរាជាណាចក្រអច្ឆរិយៈរួមជាមួយនឹងតន្ត្រីករមានទេពកោសល្យចម្រុះពូជសាសន៍ល្បីៗពេញនិយមជាច្រើនរូបដូចជា៖- DJ SEQUENCE (ហុងគ្រី) - DJ BLAZIN (ចក្រភពអង់គ្លេស)- WATT’S UP (បារាំង)- B FOX (KIMCHI COLLECTIVE)- SAINT VINCENT (បារាំង)- ROB BIANCHE (អូស្រ្តាលី)- BERT EVANS (ចក្រភពអង់គ្លេស)កម្មវិធី Pool Party នឹងបើកនៅម៉ោង 1 រសៀល និងបន្តរហូតដល់ម៉ោង 12 យប់នៅក្លិប DIB នៅពីក្រោយសាលកោះពេជ្រ នៅជិតក្លិបវាយកូនហ្គោល HUIONE ។ តម្លៃសំបុត្រចូលរួមកម្មវិធីនេះគឺ 8 ដុល្លារ មានថែមជូនស្រាបៀរ Heineken មួយកំប៉ុង។ សូមជម្រាបថា កម្មវិធីនេះអនុញ្ញាតឲ្យចូលរួមចំពោះអ្នកដែលមានអាយុចាប់ពី ១៨ ឡើងទៅ។ ដើម្បីកក់កន្លែង VIP ឬទទួលបានព័ត៌មានបន្ថែមសូមទាក់ទងមកលេខ៖ 012 810 789 ឬ01755 9000 ឬចូលទៅកាន់ទំព័រហ្វេសប៊ុក៖https://www.facebook.com/events/922050877936607/? ti=iclHeineken – Open Your World។ សូមពិសាស្រាបៀរ  Heineken ដោយទទួលខុសត្រូវ

សុគន្ធ​ នីសា បានចេញមុខបកស្រាយ ក្រោយពេលមានការរិះគន់តារា​ហង្ស​មាស​ មិន​ទៅ​ចូល​រួម​បុណ្យ​សព​ប្រពន្ធ​លោក រិន សាវ៉េត​!

ថ្ងៃទី ២៧ ខែ មេសា ឆ្នាំ ២០១៧ ម៉ោង ១៩:១៧

តារាខ្មែរ៖ បន្ទាប់ពីទទួលបានដំណឹង ដោយមានការចុះផ្សាយ ពីពត៌មានជុំវិញនៅក្នុងរឿងដែលតារាក្នុងផលិតកម្មហង្សមាសទាំងអស់ មិនមានឃើញវត្តមានរបស់តារារូបណាទៅចូលរួមទាស់តែសោះនោះ។ ដោយមានមតិភាគច្រើន បានធ្វើការរិះគន់ថា​ មិនឃើញមានតារាចម្រៀងល្បីៗ ឬក៏ក្រុមការងារ នៅក្នុងផលិតកម្ម រស្មីហង្សមាស មកចូលរួមសោះ ហាក់ដូចជាស្ងប់ស្ងាត់ ដូចជាមិនមានអ្នកណា ទៅចូលរួមពិធីបុណ្យសព ប្រពន្ធលោក រិន សាវ៉េត សោះឡើយ។ ដោយមិនអាចទ្រាំមើល នូវមតិភាគច្រើន ដែលធ្វើការរិះគន់ថា តារាល្បីៗ ក្នុងផលិតកម្ម មិនទៅចូលរួម ក៏ស្រាប់តែ ពេល​នេះ​ សុគន្ធ​ នីសា ក៏​បាន​បញ្ចេញ​ប្រតិកម្មតប​វិញ​ ឆ្លើយតបរាល់ការរិះគន់ទាំងស្រុង និងបានធ្វើការសរសេរជាសារ នៅក្នុងទំព័រហ្វេសប៊ុកផ្លូវការរបស់នាង ដើម្បីបកស្រាយផងដែរ ឲ្យមហាជនបានជ្រាបថា «ហ៊ឹមមមមម មុននឹងរិះគុណសូមមើលឲ្យច្បាស់សិនទៅ ពិធីការ ជប់លៀង គឺគេបានធ្វើការកំណត់ទុកមុនបាន ដូច្នេះម្នាក់ៗគេបានត្រៀមលក្ខណះដើម្បីចូលរួម ប៉ុន្តែដោយទ្បែកការស្លាប់ គឺម្នាក់ៗមិនអាចកំណត់ទុកមុនបានទេដូច្នេះម្នាក់ៗគេក៏មិនបានត្រៀមចិត្តដែរ ភ្លាមៗចឹងគ្មានអ្នកណាគេដឹងមុនទេ ហើយណាមួយបើពេលរវល់ថតគឺទុកទូរស័ព្ទចោល ដោយមិនបានបើកមើលហ្វេសបុក ហើយក៏មិនបានឃើញព័ត៌មានដែរ ខណៈពេលនោះម្នាក់គាត់រវល់ទៅសម្តែងនៅឆ្ងាយ នៅក្រៅប្រទេស ហើយខ្លះទៀតក៏គេរវល់ដោយមិនអាចទុកការងារចោលបានទេ ព្រោះជាកាទទួលខុសត្រូវលើកិច្ចការផ្ទាល់ខ្លួនប៉ុន្តែពួកយើងក៏មិនបានទុកគាត់ចោលដែរ ម្នាក់ក៏បានផ្ញើលុយដើម្បីចូលបុណ្យសិន លុះដល់ប្រាំពីរថ្ងៃ រឺក៏ក្នុងចន្លោះថ្ងៃណាមួយនៃពិធីបុណ្យ ពួកយើងនឹងឆ្លៀតទៅចូលរួមឲ្យបាន។និយាយដោយត្រង់ចុះ ខ្ញុំក៏ធ្លាប់បានធ្វើការរៃអង្គាសពីសប្បុរសជននៅក្រៅប្រទេសខ្លះដើម្បីជួយដល់គាត់បានខ្លះដែរ ថ្វីថ្បិតតែមិនច្រើន តែក៏ជាទឹកចិត្តមួយកើតចេញពីការរាប់អានគ្នាកន្លងមក ប៉ុន្តែខ្ញុំយល់ថាការជួយនេះដោយទឹកចិត្តស្មោះ គឺមិនចង់ឲ្យគាត់អរគុណដោយការបង្ហោះក្នុងហ្វេសប៊ុក អីទេ សំខាន់អោយតែបានជួយឲ្យគាត់ បានធូរស្រាលបន្តិចទៅគឺបានហើយ ហើយខ្ញុំជឿថាខាងតារាសិល្បៈប្រចាំផលិតកម្មក្រុមហ៊ុន នឹងខាងក្រុមហ៊ុនគេបានជួយគាត់ដូចគ្នាដែរ តែគេមិនបង្ហោះរូបភាពនោះទេ ព្រោះ គិតថាវាមិនសំខាន់រឿងបង្ហោះឲ្យឃើញនោះទេ រឺក៏ចាំតែបង្ហោះរូបទើបបងប្អូនដឹងមែនទេ? សូមកុំដាក់ទោសគេដោយការដែលយើងមិនបានដឹងពីគេច្បាស់អី សូមមើលឲ្យជាក់សឹមញាក់ចិញ្ចើម។ អញ្ចឹងសូមបងប្អូនមេត្តាកុំអាលថាឲ្យពួកយើងអី ទង្វើរសប្បុរសធម៌ខ្លះពួកយើងខ្ញុំធ្វើដោយមិនបានបង្ហាញតាមហ្វេសប៊ុកអីទេ សូមអគុណនឹងសូមជូនពរអោយ បងប្អូនបានសុខសប្បាយទាំងគ្នា ហើយក៏សូមអភ័យទោសទុកជាមុនបើសិនជាអ្វីដែលខ្ញុំ សរសេរនេះបងប្អូនមិនពេញចិត្តឬឺក៏ទាស់ខុសអី»៕